Konstıtýsııalyq quqyq qorǵalýda

Atyraý oblysynyń prokýrory Ǵalymjan Toǵyzbaevtyń tóraǵalyǵymen oblys prokýratýrasynyń alqa májilisi boldy. Onda ótken jyldyń jumys qorytyndylary talqylanyp, aldaǵy kezeńge arnalǵan negizgi baǵyttar aıqyndaldy. 2015 jyly oblystyq proký­ra­týra organdarynyń qyzmeti azamat­tardyń konstıtýsııalyq quqyq­tary men bostandyqtaryn qorǵaýǵa, memlekettik organdar­dyń quqyqtyq aktileriniń Kons­tı­týsııaǵa, zańdarǵa jáne Prezıdent Jarlyqtaryna sáıkestigi zań­dy­lyǵynyń saqtalýyna, qorshaǵan ortany qorǵaý týraly zańnamalardyń qoldanylýyna, kásipkerlikti qorǵaý jáne qoldaýǵa, memlekettiń ekonomıkalyq múddesin qorǵaýǵa baǵyttaldy. Áleýmettik-ekonomıkalyq sa­­lada prokýrorlar 536 tekse­rýler júrgizip, 10 599 zań buzýshylyqtardy anyqtady, 793 usynys engizdi, 457 zańdy túsin­dirý jasady, 374 narazylyq qana­ǵat­tandyryldy. Tekseris qujat­tary boıynsha 71 sotqa deıingi tergep-tekserý bastaldy. 8 014 036 912 teńge zııan shyǵyny óteldi, onyń ishinde memleket paıdasyna – 7 793 277 267 teńge jáne 1 185 234 075 teńgege teń múlik keri qaıtaryldy. Alqa qorytyndysymen barlyq jeke quramǵa prokýrorlyq qadaǵalaý qyzmetinde Memleket basshysynyń Joldaýyndaǵy talaptardy basshylyqqa alý, azamattyq qoǵammen ózara is-áreketti jandandyrý, aza­mat­tardyń konstıtýsııalyq quqyq­tary men bostandyqtaryn, qorsha­ǵan ortany, kásipkerlikti, memle­kettiń múddesin qorǵaý jumysyn jalǵastyrý tapsyryldy. «Egemen-aqparat».