Partııaǵa, qazaqstandyqtardy bes ınstıtýttyq reformany jáne «100 naqty qadam» Ult Josparyn júzege asyrýǵa jumyldyrýdy, «Nurly Jol» baǵdarlamasynyń oryndalýyna baqylaý ornatýdy, qoǵamda birlikti bekemdep, óńirlermen jumysty kúsheıtýdi tapsyrdy. Mine, atalmysh mindetter men tapsyrmalar aıasynda partııalyq jumystyń negizgi alty baǵyty aıqyndaldy. Olardyń qatarynda memlekettik baǵdarlamalardyń oryndalýyna, memlekettik qarjynyń tıimdi jumsalýyna partııalyq baqylaý men baǵalaýdyń turaqty júıesin qalyptastyrý, qoǵamdyq qabyldaýlar jumysyn jolǵa qoıý, BPU-nyń jumysyn jandandyryp, júıeleý, ortalyq apparat pen óńirler arasynda tyǵyz baılanys ornatýǵa nazar aýdarý aıtylǵan. Sonymen birge, «Jas Otannyń» jumysyn praktıkalyq turǵydan júrgizýge, ıaǵnı naqty iske kóshý, partııanyń Parlamenttegi múmkindigin keńinen paıdalaný, partııa fraksııasy arqyly halyqtyń, óńirdegi, kókeıkesti máselelerdi sheshetin zańnamalardyń der kezinde qabyldanýyna kúsh salý jáne sybaılas jemqorlyqqa qarsy ıdeologııa men osy jumystardy jergilikti jerdegi partııalyq qurylymdardy tarta otyryp kúsheıtýge kóńil bólý de basty qaǵıdanyń biri bolyp sanalady.
«Nur Otannyń» negizgi kúshi, oń qanaty onyń BPU-y. Onyń áleýetin durys paıdalanyp, partııa belsendileri óńirlerde kezdesetin kóptegen ózekti máselelerdiń der kezinde sheshilýine, qarapaıym halyqpen aradaǵy baılanysty nyǵaıtýǵa atsalysýy tıis. Búgingi basty mindetimiz – bastaýysh partııa uıymdarynyń uıymdastyrýshylyq jáne saıası-tárbıe jumystarynyń pármendiligin arttyrý arqyly kópshiliktiń senimine ıe bolý. Mine, osy mindetterdi júzege asyrýda aýdandyq partııa fılıalyna qarasty 13 bastaýysh partııa uıymy, partııa Jarǵysyna sáıkes saılaý okrýgteri negizinde qurylyp, baǵytty da baǵdarly jumys jasaýda. Olardyń quramyndaǵy 118 partııa tobynda 2334 partııa múshesi esepte turady nemese ekonomıkalyq belsendilerdiń 11,5 paıyzyn quraıdy. Partııa uıymdarynyń negizgi mindeti partııa Jarǵysynyń talaptaryn oryndaý, óz qataryn nyǵaıtý arqyly Elbasy, partııa Tóraǵasy N.Á.Nazarbaevtyń «Qazaqstan-2050» Strategııasy aıasynda elimizdi uly armannyń asqaryna bastaıtyn reformalar men Ult Josparyn, partııanyń baǵdarlamasy men Saıası doktrınasynda belgilengen basty baǵyttardy halyqqa jetkizý, oryndalýyn qamtamasyz etý. О́tken 2015 jyly Zaısan aýdandyq partııa fılıaly partııa qataryna 135 adam qabyldady. Partııalyq jarna tóleminiń jospary 100 paıyz oryndaldy.
Degenmen, búgingi BPU aldyna qoıylyp otyrǵan talaptar deńgeıinde jumysty jolǵa qoıý birinshi kezekte basshylyqta júrgen, qoǵamdyq jumys senip tapsyrylǵan azamattardyń jaýapkershiligine baılanysta ekendigi belgili. Sondyqtan, bastaýysh partııa uıymdarynyń jumys pármendiligin, sapasyn arttyrý, ár partııa múshesiniń bedelin kóterý, jergilikti jerdegi BPU-nyń, ondaǵy partııa toptarynyń jetekshileriniń, memlekettik mekeme basshylarynyń mindeti. BPU-nyń jelisin udaıy jetildirýmen qatar, olardyń qyzmetin árbir azamattyń ómirine oń yqpalyn tıgize alatyndaı tıimdi deńgeıde uıymdastyrý baǵytynda izdenýimiz qajet. Osy maqsatta, «Eń úzdik bastaýysh partııa uıymdary» respýblıkalyq baıqaýy ótkizildi. Osy baıqaý aıasynda konkýrs birinshi kezekte aýdan, ekinshi kezekte oblystyq partııa fılıaly deńgeıinde bolyp ótti. Aýdan deńgeıinde ótken irikteýde Saryterek, Keńsaı, Aınabulaq, №13 qala saılaý okrýgterindegi BPU-lar jumysy oń baǵalandy. Oblystyq deńgeıdegi konkýrsqa qatysqan №13 qalalyq saılaý okrýginiń BPU tóraıymy T.Ýalynova aýdandyq pedagogıkalyq-psıhologııalyq túzeý kabınetiniń meńgerýshisi, oblystyq partııa fılıalynyń Alǵys hatyna, baǵaly syılyǵyna ıe boldy.
Partııa jumysynyń pármendiligin arttyrýda, partııa atynan saılanǵan barlyq deńgeıdegi depýtattardyń áleýetin tolyq paıdalaný máselesi de kún tártibinde. Elbasy, N.Á.Nazarbaevtyń «Ult Jospary – qazaqstandyq armanǵa bastaıtyn jol» eńbeginde elimiz Táýelsizdiginiń shırek ǵasyrynda alǵan asýlary, ǵasyrǵa bergisiz, teńdesi joq jetistikteri, álem elderiniń ortasynan oıyp óz ornyn alýy, damyǵan eldermen ıyq tiresýi, el birligi, onyń móldir bastaýy halqymyzdyń «Birlik bolmaı, tirlik bolmaıdy» degen asyl sózinde jatqany atap kórsetilgen. Elbasynyń eńbegi, onyń daralyǵynyń, kóregen kóshbasshylyǵynyń taǵy bir dáleli kórsetip otyr. Jańa jyldan oryndalýy bastaý alǵan Ult Jospary elimizdiń áleýmettik-ekonomıkalyq jaǵdaıyn jaqsartqan ústine jaqsarta túsetinine senimdimiz. Bolashaǵymyzdy aıqyndap bergen osy senimdi buqara halyqqa jetkizý, uıalatý, kókiregi oıaý ár Qazaqstan azamatynyń, «Nur Otannyń» bastaýysh partııa uıymdarynyń, ár partııa múshesiniń basty maqsaty, múddesi bolýy tıis.
Qazbek BIQADAMOV,
«Nur Otan» partııasy Zaısan aýdandyq fılıaly tóraǵasynyń birinshi orynbasary.
Shyǵys Qazaqstan oblysy, Zaısan aýdany.
