Básekelestik negizi – kásibı biliktilikte

Qazaqstannyń Mashına jasaýshylar odaǵy basqarmasynyń tóraǵasy Meıram Pishembaev pen «QazAgromash Holdıng» dırektorlar keńesiniń tóraǵasy Dın Kım Parlament Májilisi depýtattarynyń kezekten tys saılaýyn ótkizý saıası naýqanyna qatysty óz oılarymen bólisti. «Qazaqstannyń Mashına jasaýshylar odaǵy Elbasynyń Parlament Májilisi depýtat­tarynyń kezekten tys saılaýyn ótkizý týraly halyqqa úndeýin tolyqtaı qoldaıdy. Elimizdiń iri ónerkásiptik kásiporyndaryn jáne eńbek resýrstaryn óz qu­ramyna biriktire otyryp, biz 5 ınstıtýttyq reformany jú­ze­ge asyrýǵa jol ashatyn Ult Jos­­paryndaǵy keshendi maqsat-mindetterdi de qoldaımyz», – dedi óz sózinde M.Pishembaev. Onyń aıtýynsha, 5-shi sha­­qy­­rylymdaǵy Parlament Májilisi daǵdarysqa qarsy baǵ­darlamany engizý úshin ony tıisti zańnamamen qamtamasyz etý, aý­qymdy reformalardy júzege asyrý syndy mindetterdi oryndaı bildi. «Al Parlament Májilisi depýtattaryn kezekten tys saılaý – sol reformalardy odan ári júzege asyrýǵa, sol arqyly daǵ­darysqa qarsy is-sharalardy tıimdi oryndaýǵa múmkindik be­redi. Memleket basshysy óziniń halyqqa úndeýinde Parlament Májilisi depýtattarynyń jáne túrli deńgeıdegi máslıhattardyń kezekten tys saılaýyn ótkizýdiń qandaı qajettilikten týyndap otyr­ǵanyn jan-jaqty túsindirip berdi. Prezıdent jańa jaǵdaıda, máselen, shıkizat baǵasynyń kúrt tómendegen kezinde ómir sú­rý­di úırený qajettigin, soǵan qaramastan, shaǵyn jáne orta bıznesti, eldi ındýstrııalyq-ın­novasııalyq jaǵynan damytýdy jalǵastyra berý kerektigin aıtty. Búginde elimizde júrgizilgen áleýmettik zertteýler Elbasynyń osy sheshimin qazaqstandyqtardyń 90 paıyzynyń qoldaıtynyn kór­setip berdi. Iаǵnı, biz kásipodaq uıymdary, eńbek ujymdary, sarapshylar, jastar uıymdary, etno-mádenı birlestikter, qoǵam qaıratkerleri men qoǵamnyń basqa da salalarynda júrgen azamattar pikirleriniń bul sheshimmen úndesetinine kóz jetkizdik. Biz jahandyq daǵdarystyń saldarynan aınalamyzda, jalpy ekonomıkada qandaı qıyn jaǵdaı oryn alyp otyrǵanyn bilemiz. Al bul ótkir, standartqa baǵynbaıtyn sheshimderdi qajet etedi. Demek, bıylǵy jyly Parlament Má­­ji­­lisiniń depýtattaryn saılaý «Nurly Jol» baǵdarlamasyn, «Máńgilik El» ulttyq ıdeıasyn, 5 ınstıtýttyq reformany júzege asyrýǵa jol ashady dep oılaımyn», – dedi M. Pishembaev. Osylaı degen ol, Qazaqstan Mashına jasaýshylar odaǵy bas­qarmasynyń Memleket basshysy belgilep bergen saıası baǵdarmen júrýge ázir ekendigin, sebebi, qazaqstandyqtardyń bir múddege toptasýy qıyn jaǵdaıda memlekettilikti nyǵaıtýǵa kúsh beredi, degen oıymen bólisti. Sondaı-aq, ol: «Álemdegi daǵdarys mashına jasaý ónerkásibine de áser etip otyrǵany anyq. Alaıda, Úkimet bul salaǵa qoldaý jasap, tıisti sharalardy júzege asy­rýda. Meniń oıymsha, bizdiń óndirisimiz byltyrǵydan tómen kórsetkish kórsetpeıdi. Bıyl teńgeniń reseılik rýblge shaq­qandaǵy baǵamy básekelestik saýda júrgizý deńgeıine kelip qaldy, ıaǵnı bizde shyǵarylǵan avtomobılder básekelestik turǵyda Reseıdiń avtoónerkásibinen kem túsip otyrǵan joq. О́zderińiz bilesizder, byltyrǵy jaǵdaı basqasha bolǵan edi», – dedi. M.Pishembaevtyń sózine qa­raǵanda, elimizde shyǵarylǵan kólikterdi kórshi memleketterge shyǵaryp, saýdalaýǵa jaqsy múmkindikter týyndap otyr. «Eń bastysy – kásipkerler jańa tehnologııalardy engizýdi jalǵastyrýy tıis. О́nim baǵasy da básekelestik deńgeıinde belgilenýi qajet. Jal­py, otandyq mashına jasaý óndirisinde mamandardy qysqartý bolmaıdy. Barlyq zaýyttar óz­deriniń óndirisin saqtap, kásibı mamandardy turaqty jumys oryndarynda ustap turýy qajet. О́ıtkeni, qazir olardy qysqartsaq, jaǵdaı durystalǵannan keıin bilikti mamandardy qaıdan izdeımiz? Al, mamandardy daıarlaý – óte kúrdeli másele», – dedi ol. Al «Agromash Holdıng» dırektorlar keńesiniń tóraǵasy Dın Kım dúnıejúzin jaılaǵan qarjylyq daǵdarystyń, ekono­mıkalyq qıyndyqtyń kún ótken saıyn beleń ala túskenin aıta kele, jahandyq jáne álemdik eko­nomıkanyń bir bólshegi retinde Qazaqstanǵa da mundaı syrtqy faktorlar yqpal etetinin jetkizdi. «Dollar baǵamynyń ósýi, energııa tasymaldaýshy ónimder baǵasynyń tómendeýi sekildi jáıtterdi my­salǵa keltirýge bolady. Bular, sózsiz, bizdiń is-qımylymyzǵa, Qa­zaqstannyń naryǵyna keri áserin tıgizbeı qoımaıdy. Desek te, Prezıdenttiń el táýelsizdigin alǵan jyldardan bergi júrgizgen saıasaty negizinde biz ózimizdiń óndirisimizdi órkendetip, damytýǵa múmkindik alyp, moınymyzǵa júktelgen barlyq áleýmettik jaýapkershilikti tolyqtaı sezinip otyrmyz. Sondyqtan, Elbasynyń 5-shi shaqyrylymdaǵy Parlament Májilisin taratý jónindegi Jar­lyqqa qol qoıýy – salmaqty oıdan jáne alysty boljaǵannan týǵan sheshim. Saılaý ár kezde de halyqty jumyldyrýshy sıpatqa ıe bolǵan. Bul Parlamentke de jalpyulttyq senimdi qalyptastyrýǵa, jahandyq syn saǵattardan súrinbeı ótý jolynda tıimdi sheshimder qa­byldaýǵa múmkindik beredi. Bú­ginde álemdik ekonomıkalyq daǵ­darys kezeńinde eldi ilgerileýge bas­taıtyn birshama memlekettik baǵdarlamalar qabyldandy. De­mek, bizge ózimizdiń oıymyzǵa al­ǵan jumystardy júzege asyrýǵa eshteńe kedergi keltirmeýi kerek», – dedi ol. Sonymen qatar, Dın Kım memleket tarapynan qabyldanǵan kez kelgen sheshim Qazaqstan ekonomıkasyna oń yqpal etý úshin jumys isteıtinin jetkizdi. «Árıne, daǵ­darys kezinde halyqtyń bir múdde jolynda toptasýy – zańdylyq. Mundaı kezeńde bizdiń kópetnosty memleketimiz ultjandylyqtyń joǵary úlgisin kórsetýi kerek», – dedi «QazAgromash Holdıng» dırektorlar keńesiniń tóraǵasy. Láıla EDILQYZY, «Egemen Qazaqstan».