«Qazaqstan ardagerleriniń keńesi» respýblıkalyq qoǵamdyq birlestiginiń Elbasynyń «Besinshi shaqyrylǵan
Qazaqstan Respýblıkasy Parlamentiniń Májilisin
taratý jáne Qazaqstan Respýblıkasy Parlamenti Májilisi depýtattarynyń kezekten tys saılaýyn taǵaıyndaý týraly» Jarlyǵyna qatysty
MÁLIMDEMESI
«Qazaqstan ardagerleriniń keńesi» Qazaqstan Prezıdentiniń Parlament Májilisi depýtattarynyń kezekten tys saılaýyn taǵaıyndaý týraly Jarlyǵyn óziniń qoldaıtynyn málimdeıdi. Memleket basshysynyń jeti ret ólshep, bir ret kesken salıqaly sheshimi qazaqstandyqtardy judyryqtaı jumyldyrýǵa jáne elimiz úshin osyndaı jaýapty kezeńde ortaq saıası erik-jiger tanytýǵa baǵyttalyp otyr. Jahandyq qarjy daǵdarysy qos ókpeden qysyp, keıbir yqpaldy memleketter bir-birine qarsy sanksııalar qabyldap jatqan kezde halyqaralyq ahýaldyń ýshyǵyp turǵany jasyryn emes. Osyndaı shaqta el ekonomıkasyn daǵdarystan qorǵaý úshin ońtaıly sheshimder izdestirý konsensýsty nyǵaıtyp, qoǵamdyq kelisimdi qalyptastyrýda mańyzdy qadam bolyp tabylady. Bizdiń uıymymyzǵa osy jalpyadamzattyq qundylyqtar erekshe qymbat jáne jaqyn. Qazaqstannyń ardagerleri, azamattyq qoǵamnyń asa belsendi bólikteriniń biri retinde, Qazaqstannyń bolashaq urpaǵynyń taǵdyryna beıjaı qaramaıtyn adamdar retinde Parlament Májilisi depýtattarynyń saılaýyn dál osy kezde ótkizý «Nurly Jol», «100 naqty qadam» Ult Jospary, Prezıdenttiń Qazaqstan halqyna Joldaýy sekildi asa mańyzdy memlekettik baǵdarlamalar men jobalardy ýaqtyly jáne tıimdi oryndaýdy qamtamasyz etýge qabiletti ekenine senimdi. Qazaqstan ardagerleriniń keńesi Qazaqstan halqyn Memleket basshysynyń eldi úlken tabystarǵa bastaıtyn mindetterin oryndaý tóńireginde kúsh biriktirýge shaqyrady.
