Hromtaýdyń «Gornıak» komandasy – el chempıony!

AQTО́BE. 26 qańtar. Aqtóbe oblysynyń Hromtaý qalasynda ótken 1999-2000 jyldary týǵan jasóspirimder arasyndaǵy dopty hokkeıden Qazaqstan birinshiligi márege jetti. Bul týraly egemen.kz tilshisi habarlady. Dóń taý-ken baıytý kombınatynyń saýyqtyrý-dene shynyqtyrý kesheninde tórt kún boıy elimizdiń óńirlerinen kelgen bes komanda el birinshiliginiń altyn júldesin sarapqa saldy. Tartysty ótken oıyndar nátıjesinde osy keshenniń janyndaǵy dopty hokkeı seksııasynyń tárbıelenýshileri fınalda Oral qalasynyń komandasymen kezdesti. Nátıjesinde 4:2 esebimen jeńiske jetip, el chempıony atandy. «Gornıak» komandasynyń alty oıynshysy elimizdiń qurama komandasyna shaqyryldy. Endi olar 17 jasqa deıingi jasóspirimder arasyndaǵy Reseıdiń Arhangelsk qalasynda ótetetin álem birinshiliginde el namysyn qorǵaıtyn bolady. «Bizdiń balalar óte jınaqy jáne sheber oınady. Qarsylastarymyz da osal emes. Shákirtterim ásirese, fınalda ádemi oıyn órnegin kórsetti», – deıdi «Gornıak» komandasynyń jattyqtyrýshysy Amanserik Ustabaev. Osy jyldyń naýryz aıynda munda eń jas hokkeıshilerdiń arasynda el birinshiligin ótkizý kózdelýde. Kombınat dırektory Maral Bekeev dopty hokkeıden Qazaqstan chempıonatyn Hromtaýda ótkizý dástúrge aınalǵanyn, bul úrdistiń aldaǵy ýaqytta da jalǵasyn tabatynyna sendirdi. Satybaldy Sáýirbaı. Derek, sýret: egemen.kz.