Soltústik Qazaqstanda kolledj ashanasynan shý shyqty

PETROPAVL. 26 qańtar. Soltústik Qazaqstan medısınalyq kolledji stýdentteri tamaqtanatyn jalǵyz ashananyń toıhanaǵa aınaldyryp jiberilgeni jaıly ata-analar shý kóterdi. Bul týraly egemen tilshisi habarlady. Bir qyzyǵy, oqý ornyna basshylyq etkenderdiń bir de biri buǵan esh tyıym salmaǵan. Onyń aqyry ashanany jalǵa alýshylarmen kelisim-sharttyń joıylyp, stýdentter men ustazdardyń túski assyz qalýyna ákep soqtyrdy. Kolledj basshylyǵy daý-janjaldy retteýdiń ornyna shaǵymdanýshylardy jerden alyp, jerge salyp jatqan jaıy bar. «Ashananyń bir jaǵynda stýdentter tústense, ekinshi jaǵynda toı men as berý sekildi sharalar ótkizilip keldi. Eki arany perde ǵana bólip turdy. Tipti perdeniń arǵy jaǵynda araq iship, marqumdy eske alýshylarmen birge tamaqtanǵan jaıttar talaı ret kezdesti. Sońǵy kezderi tym jıilep ketken toı-tomalaqtan sharshaǵan stýdentter men muǵalimder ákimdikke shaǵymdanǵanymen, eshqandaı tekserý júrgizilmedi. Kerisinshe,oqý ornynyń dırektory aryzdanýshylardy jumystan shettete bastady», – deıdi medısına kolledjiniń qyzmetkeri Álııa Dáýrenbekova. Tipti «ákimdikke aryz jazdyń» degen jeleýmen keıbir kabınetterdiń aýzyna qara qulyp salynypty. Qazir medısına kolledjiniń dırektory Marına Ahmetova oblystyq densaýlyq saqtaý departamentine túsinikteme jazýmen júr. Ol birneshe ret as berýge ruqsat bergenin moıyndaýǵa májbúr. Istiń aq-qarasyn tıisti oryndar anyqtaǵannan keıin naqty sheshim alynary anyq. Ázirge ashanany jalǵa alǵandarmen kelisim-shart joıylypty. Tender jarııalanyp, jańa qojaıyn tabylǵansha stýdentter men ustazdardyń ashqursaq bolyp júrgennen basqa amaldary joq. О́mir Esqalı. Derek: egemen.kz. Sýret: mgei.kirov.ru.