Elordalyq gıdterge qala seriktesi mártebesi beriledi

ASTANA. 26 qańtar. Astanada gıd-ekskýrs júrgizýshi mamandardy «Recommended by EXPO-2017» seriktestik baǵdarlamasyna engizý jónindegi jumys tobynyń otyrysy ótti. Bul týraly Astana qalasy ákimdiginiń resmı saıty astana.gov.kz-ke silteme jasaǵan egemen.kz tilshisi habarlady. Elordalyq gıdterge qala seriktesi mártebesin berý baǵdarlamasynyń negizgi maqsaty shynaıy aqparatty usyný qyzmetiniń sapasyn arttyrý bolyp tabylady. Baǵdarlamany iske asyrý sheteldik qonaqtarǵa Astana men Qazaqstan týraly barlyq qajetti aqparatty halyqaralyq standarttar talaptaryna saı ekskýrsııa júrgizýshilerden alýǵa múmkindik beredi. «Seriktestik mártebesi Astana qalasynyń kepili jáne gıdtiń barynsha sapaly qyzmet kórsetýiniń belgisi. Biz baǵdarlama aıasynda barlyq qoıylǵan talaptarǵa saı keletin gıdterdiń biryńǵaı tizimin jasaımyz. Olar durys ári shynaıy aqparat usynatyn bolady, shet tilderin jaqsy meńgeredi jáne taǵy basqa da artyqshylyqtary bolady», – deıdi «Astana Konvensh Bıýro» ókili Aınur Janabilova. Talqylaýdyń qorytyndysy boıynsha jumys tobyna qatysýshylar – «Recommended by EXPO-2017» baǵdarlamasyn uıymdastyrýshylar, týrızm salasynyń, elordanyń bilim jáne mádenıet mekemeleriniń ókilderi – gıd-ekskýrsııa júrgizýshilerdi baǵalaý boıynsha tıisti talaptar ázirledi. Bul usynystardy «Recommended by EXPO-2017» baǵdarlamasynyń komıssııasy qaraıdy. Baǵdarlamaǵa qatysqysy kelgender ótinimdi jeke jáne uıymnyń atynan usyna alady. Elaman Qońyr. Derek, sýret: astana.gov.kz.