«Turǵyn úı qurylys jınaq banki» «О́z úıim» baǵdarlamasyn daıyndady

ASTANA. 26 qańtar. «Báıterek» holdınginiń enshiles kompanııasy «Qazaqstan Turǵyn úı-qurylys jınaq banki» AQ 2022 jylǵa deıin bank salymshylaryn qoljetimdi baspanamen qamtamasyz etý maqsatynda daǵdarysqa qarsy «О́z úıim» baǵdarlamasyn daıyndady. Bul týraly inform.kz-ke silteme jasaǵan egemen.kz tilshisi habarlady. Banktiń baspasóz qyzmeti habarlaǵandaı, baǵdarlama úsh baǵyttan turady: jergilikti atqarýshy organdarmen (JAO) ózara is-qımyl, memlekettik-jeke áriptestik jáne ekinshi deńgeıdegi banktermen yntymaqtastyq. Qazirgi sátte JAO-men, ekinshi deńgeıli banktermen, qurylysshylarmen kelissózder júrgizilýde. «О́z úıim» baǵdarlamasynyń negizgi artyqshylyǵy – Turǵyn úı-qurylys jınaq banki salymshylary úshin tolyq basymdyq, sharshy metrine tómen baǵa, valıýtalyq baǵamǵa táýeldi bolmaý, úı satyp alýda erekshe jaǵdaılardyń bolmaýy. Baǵdarlamaǵa kez kelgen bank klıenti qatysa alady. Alaıda, birinshi kezekte úı satyp alýǵa quqyqty menshiginde jyljymaıtyn múlki joq salymshylar ala alady. Munyń 2020 jylǵa deıingi óńirlerdi damytý memlekettik baǵdarlamasynan aıyrmashylyǵy – sońǵy eki jylda Almaty jáne Astana qalalarynda tirkelý talaby bolmaıdy. Búginde baǵdarlama sheńberinde ortasha baǵa sharshy metrine 180 myń teńgeni quraıdy. Jyldyq paıyzdyq mólsherleme – 5-ten 10 paıyzǵa deıin. 2016 jyly baǵdarlamanyń barlyq baǵyty boıynsha 350 myń sharshy metr qurylys kólemi pysyqtalady. «О́z úıim» baǵdarlamasy aıasynda 1,5 mln. sharshy metr turǵyn úı salý josparlanýda. Banktiń daǵdarysqa qarsy baǵdarlamasy 2020 jylǵa deıingi О́ńirlerdi damytýdyń memlekettik baǵdarlamasyna qosymsha bolady. Bank salymshylary qoljetimdi baǵamen úı satyp alýdyń balamaly múmkindigin alady. «О́z úıim» baǵdarlamasynyń biregeıligi salymshylardyń ashyq daýys berý arqyly turǵyn úı qurylysshylary men jobany tańdaýyn qamtıdy. Baǵdarlamany qarjylandyrý banktiń jeke qarajaty esebinen júzege asyrylady. Elaman Qońyr. Derek: inform.kz. Sýret: khabar.kz.