Qazaqstan Respýblıkasy Úkimetiniń qaýlysy  №1174 

2015 jylǵy 31 jeltoqsan, Astana, Úkimet Úıi «Jekeshelendirý obektilerin satý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 9 tamyzdaǵy № 920 qaýlysyna ózgeris engizý týraly Qazaqstan Respýblıkasynyń Úkimeti qaýly etedi: 1. «Jekeshelendirý obektilerin satý qaǵıdasyn bekitý týraly» Qazaqstan Respýblıkasy Úkimetiniń 2011 jylǵy 9 tamyzdaǵy № 920 qaýlysyna (Qazaqstan Respýblıkasynyń PÚAJ-y, 2011 j., № 51, 706-qujat) mynadaı ózgeris engizilsin: kórsetilgen qaýlymen bekitilgen Jekeshelendirý obektilerin satý qaǵıdasy osy qaýlyǵa qosymshaǵa sáıkes jańa redaksııada jazylsyn. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV. Qazaqstan Respýblıkasy Úkimetiniń 2015 jylǵy 31 jeltoqsandaǵy №1174 qaýlysyna qosymsha Qazaqstan Respýblıkasy Úkimetiniń 2011 jylǵy 9 tamyzdaǵy № 920 qaýlysymen bekitilgen Jekeshelendirý obektilerin satý qaǵıdasy 1. Osy Jekeshelendirý obektilerin satý qaǵıdasy (budan ári – Qaǵıda) «Memlekettik múlik týraly» 2011 jylǵy 1 naýryzdaǵy Qazaqstan Respýblıkasy Zańynyń (budan ári – Zań) 100-babynyń 2-tarmaǵyna sáıkes ázirlendi jáne aýksıon, tender, jabyq tender jáne eki kezeńdi rásimder arqyly konkýrs nysanynda saýda-sattyqta jekeshelendirý obektilerin, sondaı-aq Qazaqstan Respýblıkasynyń nemese shet memleketterdiń aýmaǵynda jumys isteıtin qor bırjalarynda memleketke tıesili baǵaly qaǵazdardy satý jáne aksıonerlik qoǵamdardyń memleketke tıesili aksııalaryna quqyqty kýálandyratyn týyndy baǵaly qaǵazdardy satý tártibin retteıdi. 1. Jalpy erejeler 1. Osy Qaǵıdada mynadaı negizgi uǵymdar paıdalanylady: 1) aǵymdaǵy baǵa – jekeshelendirý obektisiniń aýksıondaǵy saýda-sattyq barysynda qalyptasatyn baǵasy; 2) alǵashqy baǵa – memlekettik menshik obektilerin jekeshelendirý máseleleri jónindegi komıssııa belgileıtin jekeshelendirý obektisiniń naryqtyq qunynyń negizinde aıqyndalatyn baǵa; 3) aýksıon – elektrondyq formatta tizilimniń veb-portalyn paıdalana otyryp, qatysýshylar ózderiniń usynystaryn jarııa túrde málimdeıtin saýda-sattyq nysany; 4) aýksıon zaly – aýksıondy ótkizý úshin qajetti aqparatty engizý, saqtaý jáne óńdeý múmkindigin qamtamasyz etetin tizilim veb-portalynyń bólimi; 5) aýksıon nómiri – Qazaqstan Respýblıkasynyń ulttyq kýálandyrýshy ortalyǵy bergen elektrondyq sıfrlyq qoltańbasy bolǵan kezde qatysýshyǵa aýksıonǵa qatysý úshin beriletin nómir; 6) bastapqy baǵa – árbir jekeshelendirý obektisi boıynsha saýda-sattyq bastalatyn baǵa; 7) eki kezeńdi rásimder arqyly konkýrs – kezeń-kezeńimen kelissózder júrgizý arqyly táýelsiz konsýltanttardyń qatysýymen satýshy konkýrs jeńimpazyn aıqyndaıtyn saýda-sattyq nysany; 8) eń tómengi baǵa – jekeshelendirý obektisin odan tómen baǵaǵa satýǵa bolmaıtyn baǵa; 9) jabyq tender – qatysýshylardyń shekteýli toby qatysatyn tender; 10) jekeshelendirý obektisi – múliktik keshen retindegi kásiporyn; jekeshelendirilýi tuıyq tehnologııalyq tizbekti buzbaıtyn múliktik keshen retindegi kásiporynnyń óndiristik jáne óndiristik emes bólimsheleri men qurylymdyq birlikteri; memlekettik zańdy tulǵalardyń múlki; aksıonerlik qoǵamdardyń aksııalary; jaýapkershiligi shekteýli seriktestikterdiń jarǵylyq kapıtalyndaǵy qatysý úlesteri; aksıonerlik qoǵamdardyń memleketke tıesili aksııalaryna quqyqtardy kýálandyratyn týyndy baǵaly qaǵazdar; 11) jekeshelendirý obektisiniń naryqtyq quny – mámile taraptary baǵalaý obektisi týraly bar­lyq qoljetimdi aqparatqa ıe bola otyryp, eseppen jáne májbúrleýsiz áreket etetin básekelestik jaǵ­­­daı­larynda, mámile negizinde jekeshelendirý obektisin ıelikten shyǵarýǵa bolatyn eseptik aqshalaı soma; 12) jeńimpaz – jekeshelendirý obektisi úshin neǵurlym joǵary baǵa usynǵan aýksıonǵa, tenderge jáne jabyq tenderge qatysýshy; eki kezeńdi rásimder arqyly eń úzdik sharttar usynǵan konkýrstyń ekinshi kezeńine qatysýshy; 13) kepildik jarna – saýda-sattyqqa qatysý úshin jekeshelendirý obektisiniń alǵashqy baǵasynyń 15 %-y mólsherinde jeke nemese memlekettik emes zańdy tulǵa engizetin, biraq 30 000 eselengen aılyq eseptik kórsetkishten aspaıtyn aqsha somasy; 14) qatysýshy – aýksıonǵa, tenderge, jabyq tenderge nemese eki kezeńdi rásim arqyly konkýrsqa qatysý úshin belgilengen tártippen tirkelgen jeke nemese memlekettik emes zańdy tulǵa; 15) memlekettik menshik obektilerin jekeshelendirý máseleleri jónindegi komıssııa (budan ári – komıssııa) – Zańda kózdelgen jekeshelendirý boıynsha saýda-sattyqty daıyndaý jáne ótkizý úshin memlekettik múlikti basqarý jónindegi ýákiletti organ ne jergilikti atqarýshy organ quratyn alqaly organ; 16) satý baǵasy – saýda-sattyq nátıjesinde belgilengen jekeshelendirý obektisiniń túpkilikti baǵasy; 17) satýshy (múlikti ıelikten aıyrýdy júrgizetin adam) – memlekettik múlik jónindegi ýákiletti organ ne jergilikti atqarýshy organ; 18) satyp alýshy (ıe bolýshy) – memlekettik múlikti ıelikten shyǵarý prosesinde múlikti satyp alatyn jeke tulǵa nemese memlekettik emes zańdy tulǵa; 19) saýda-sattyq – jekeshelendirý túri; 20) saýda-sattyqtyń baǵany kóterý ádisi – bastapqy baǵasy aldyn ala jarııalanǵan qadammen arttyrylatyn saýda-sattyq ádisi; 21) saýda-sattyqtyń baǵany tómendetý ádisi – bastapqy baǵasy aldyn ala jarııalanǵan qadammen tómendetiletin saýda-sattyq ádisi; 22) táýelsiz konsýltanttar – zańdy tulǵalar, onyń ishinde sheteldikter nemese olardyń birlestikteri, satýshy jekeshelendirý obektisiniń naryqtyq qunyn baǵalaýdy júrgizý jáne (nemese) jekeshelendirý obektileri boıynsha mámileni súıemeldeý maqsatynda tartatyn, baǵalaý jáne (nemese) ınvestısııalyq qyzmetke jáne (nemese) qarjylyq konsýltasııa berýge qatysýshylar; 23) tender – tizilimniń arnaıy bólingen veb-paraqshasynda jabyq elektrondyq konvertke júkteletin, qatysýshylar ózderiniń baǵa usynystaryn málimdeıtin saýda-sattyq nysany; 24) tizilimniń veb-portaly – www.gosreestr.kz mekenjaıy boıynsha Internet jelisinde ornalastyrylǵan, memlekettik múlik tiziliminiń (budan ári – tizilim) satý obektileri jónindegi elektrondyq derekqorǵa biryńǵaı qol jetkizý núktesin usynatyn ınternet-resýrs; 25) uıymdastyrýshy – jekeshelendirý obektilerin daıyndaýdy jáne satýdy uıymdastyratyn satý­­­shy ne memlekettik satyp alý týraly zańnamada aıqyndalǵan tártippen tartylatyn zańdy nemese jeke tulǵa; 26) elektrondyq qujat – aqparat elektrondyq-sıfrlyq nysanda berilgen jáne elektrondyq sıfrlyq qoltańba arqyly kýálandyrylǵan qujat; 27) elektrondyq sıfrlyq qoltańba (budan ári – ESQ) – elektrondyq sıfrlyq qoltańba quraldarymen jasalǵan jáne elektrondyq qujattyń durystyǵyn, onyń tıesiligin jáne mazmunynyń ózgermeıtindigin rastaıtyn elektrondyq sıfrlyq nyshandar terimi. 3. Obektini jekeshelendirý týraly sheshimdi memlekettik múlik jónindegi ýákiletti organ ne jergilikti atqarýshy organ qabyldaıdy, olar 10 kún merzimde jekeshelendirý obektileri týraly aqparatty (satý kestesi) tizilimge engizýdi qamtamasyz etedi. Tabıǵı monopolııa sýbektileri nemese tıisti taýar naryǵynda basym nemese monopolııalyq jaǵdaıǵa ıe naryq sýbektileri bolyp tabylatyn uıymdardy jekeshelendirý týraly sheshimdi Qazaqstan Respýblıkasynyń Úkimeti qabyldaıdy. Memlekettik múlik jónindegi ýákiletti organ respýblıkalyq múlikti jekeshelendirýdi júzege asyrady, onyń ishinde respýblıkalyq múlikti, sondaı-aq naryqta ústem nemese monopolııalyq jaǵdaıǵa ıe tabıǵı monopolııa sýbektileri nemese naryq sýbektileri bolyp tabylmaıtyn múliktik keshen retindegi kásiporyndardy jekeshelendirý týraly sheshim qabyldaıdy, obektini jekeshelendirýge daıyndaý prosesinde respýblıkalyq múliktiń saqtalýyn qamtamasyz etedi, jekeshelendirý prosesin uıymdastyrý úshin deldaldy tartady, jekeshelendirý obektisin baǵalaýdy qamtamasyz etedi, jekeshelendirý obektisin satyp alý-satý sharttaryn daıyndaý men jasasýdy jáne satyp alý-satý sharttary talaptarynyń saqtalýyn baqylaýdy júzege asyrady. Jergilikti atqarýshy organdar oblystyq kommýnaldyq múlikti jekeshelendirýdi júzege asyrady, onyń ishinde oblystyq kommýnaldyq múlikti, sondaı-aq múliktik keshen retinde kásiporyndardy jekeshelendirý týraly sheshim qabyldaıdy, jekeshelendirý prosesin uıymdastyrý úshin deldaldy tartady, jekeshelendirý obektisin baǵalaýdy qamtamasyz etedi, jekeshelendirý obektisiniń satyp alý-satý sharttaryn daıyndaý men jasasýdy jáne satyp alý-satý sharttary talaptarynyń saqtalýyn baqylaýdy júzege asyrady. Kásiporynda memlekettik materıaldyq rezervtiń materıaldyq qundylyqtary bolǵan jaǵdaıda, kásiporyndy múliktik keshen retinde jekeshelendirý týraly sheshim daıyndaý kezinde sheshimniń jobasy memlekettik materıaldyq rezerv, jumyldyrý daıarlyǵy jáne qorǵanys salasyndaǵy ýákiletti organdarmen kelisiledi. 4. Jekeshelendirý obektilerin satý jekeshelendirý obektisiniń naryqtyq quny boıynsha júzege asyrylady, ol jekeshelendirý obektisiniń teńgerimdik qunynan tómen bolýy múmkin. 5. Memlekettik múlikti ıelikten aıyrý túrlerin tańdaý jónindegi ólshemsharttardy respýblıkalyq múlik boıynsha – memlekettik múlik jónindegi ýákiletti organ, kommýnaldyq múlik boıynsha – tıisti jergilikti atqarýshy organdar aıqyndaıdy. 6. Emıssııasy Qazaqstan Respýblıkasynyń zańnamasynda belgilengen tártippen tirkelmegen aksııalardy satýǵa jol berilmeıdi. 7. Aksıonerlik qoǵamdardyń memleketke tıesili aksııalaryn jáne jaýapkershiligi shekteýli seriktestikterdiń jarǵylyq kapıtalyndaǵy memlekettiń qatysý úlesin satý Qazaqstan Respýblıkasynyń «Aksıonerlik qoǵamdar týraly», «Jaýapkershiligi shekteýli jáne qosymsha seriktestikter týraly», «Baǵaly qaǵazdar rynogy týraly» zańdarynda jáne Qazaqstan Respýblıkasynyń ózge de zańdarynda belgilengen talaptar saqtalyp júrgiziledi. 8. Memleketke tıesili aksııalardy satý kezinde satyp alýshy aksıonerlik qoǵam eger sońǵysy satyp alýshynyń aksııalaryna ıelik etse, aksıonerlik qoǵam aksııalarynyń jıyrma bes paıyzdan astamyn satyp ala almaıdy. Jaýapkershiligi shekteýli seriktestikterdiń jarǵylyq kapıtalyndaǵy memlekettiń qatysý úlesin satý kezinde jaýapkershiligi shekteýli seriktestikterdiń qatysýshylary zańnamalyq aktilerde kózdelgen jaǵdaılardy qospaǵanda, qatysýshylardyń biri qatysý úlesin nemese onyń bir bóligin satqan kezde úshinshi tulǵalardyń aldynda qatysýshynyń úlesin nemese onyń bir bóligin satyp alý artyqshylyq quqyǵyn paıdalanady. 9. Memlekettik zańdy tulǵa memlekettik múlikti satýǵa usynǵan kezde osy memlekettik zańdy tulǵany basqaratyn memlekettik organnyń jazbasha kelisimi qajet. Bul rette satýshyǵa jekeshelendirý obektisine quqyq belgileıtin qujattardy berý qajet. Qajet bolǵan jaǵdaıda satýshy jekeshelendirý obektisiniń tehnıkalyq jáne fýnksıonaldyq sıpattamalaryn aıqyndaýǵa múmkindik beretin qujattardy suratady. Memlekettik múliktiń teńgerim ustaýshysy jekeshelendirý obektisiniń saqtalýyna jáne satyp alýshy­ǵa men­shik quqyqtary ótkenge deıin jekeshelendirý obektisi boıynsha málimetterdiń durystyǵyna jaýap beredi. Habarlama jarııalanǵannan keıin teńgerim ustaýshy jekeshelendirý obektisin satyp alýdy qalaýshylardyń jekeshelendirý obektisin kórýge erkin qatynaýyn qamtamasyz etedi. Aksıonerlik qoǵam aksııalarynyń memlekettik paketin nemese jaýapkershiligi shekteýli seriktestiktiń jarǵylyq kapıtalyndaǵy memlekettiń qatysý úlesin satý kezinde málimetterdiń durystyǵyna aksıonerlik qoǵamnyń nemese jaýapkershiligi shekteýli seriktestiktiń basshylyǵy jaýap beredi. 10. Jyljymaıtyn múlikti jekeshelendirý kezinde Qazaqstan Respýblıkasynyń Jer kodeksine sáıkes jer ýchaskesine quqyq satyp alýshyǵa ótedi. Jer ýchaskesiniń kadastrlyq (baǵalaý) qunyn satyp alýshy Qazaqstan Respýblıkasynyń Jer kodeksine sáıkes jeke tóleıdi. 11. Satýshy jekeshelendirý obektilerin satýdy Zańda jáne osy Qaǵıdada aıqyndalǵan tártippen júzege asyrady. 12. Satýshynyń fýnksııalary: 1) jekeshelendirý obektisiniń qunyna baǵalaý júrgizýdi qamtamasyz etý; 2) osy Qaǵıdanyń 2-tarmaǵynyń 7) jánet 9) tarmaqshalarynda kózdelgen jaǵdaılardy qospaǵanda, komıssııa sheshiminiń negizinde árbir jekeshelendirý obektisi boıynsha jekeshelendirý júrgizý túrin, saýda-sattyq sharttaryn jáne nysandaryn aıqyndaý; 3) saýda-sattyq ótkizý merzimin belgileý; 4) saýda-sattyqty daıyndaýdy jáne ótkizýdi júzege asyrý; 5) komıssııa sheshiminiń negizinde jekeshelendirý obektileriniń alǵashqy baǵasyn aıqyndaý; 6) eki kezeńdi rásimder arqyly konkýrsqa qatysýshylardyń kepildik jarnasyn qabyldaý; 7) memleketke tıesili baǵaly qaǵazdardy komıssııanyń sheshimi negizinde Qazaqstan Respýblıkasynyń nemese shet memleketterdiń aýmaǵynda jumys isteıtin qor bırjasynda satýdy júzege asyrý; 8) Qazaqstan Respýblıkasynyń nemese shet memleketterdiń aýmaǵynda jumys isteıtin qor bırjalarynda memleketke tıesili baǵaly qaǵazdardy satý kezinde brokerlik kompanııanyń usynymdary boıynsha saýda-sattyq júrgizý ádisin aıqyndaý; 9) bırjalyq saýda-sattyqqa aksııalardy qoıý merzimi men uzaqtyǵyn, satýdyń shekti merzimderi men bırjalyq saýda-sattyqtan alý kúnin aıqyndaý; 10) Qazaqstan Respýblıkasynyń Úkimeti aıqyndaıtyn tártippen jekeshelendirý obektisiniń naryqtyq qunyn baǵalaýdy júrgizý jáne (nemese) jekeshelendirý obektileri boıynsha mámilelerdi súıemeldeý maqsatynda táýelsiz konsýltanttardy tartý; 11) jekeshelendirý obektilerin saýda-sattyqtan alý týraly sheshim qabyldaý; 12) satyp alýshynyń talaby boıynsha jekeshelendirý obektileriniń aýyrtpalyqtary, sondaı-aq eger jekeshelendirý obektisi múliktik keshen retindegi kásiporyn bolyp tabylsa, jekeshelendiriletin kásiporynnyń jasasqan sharttarynyń kredıtorlyq jáne debıtorlyq bereshekter somasy týraly aqparatty daıyndaý jáne usyný; 13) jekeshelendirý obektisinde memlekettik materıaldyq rezervtiń materıaldyq qundylyqtary bolǵan jaǵdaıda, satý týraly sheshim qabyldanǵannan keıin bes jumys kúni ishinde memlekettik materıaldyq rezerv salasyndaǵy ýákiletti organǵa jáne tıisti ortalyq atqarýshy organdarǵa habarlaý; 14) tenderge nemese jabyq tenderge qatysýshylardyń qujattaryn olardyń qosymsha talaptarǵa sáıkestigi turǵysynan qaraý jáne olardy saýda-sattyqqa jiberý; 15) uıymdastyrýshy tartylǵan jaǵdaıda onymen saýda-sattyqty uıymdastyrýǵa jáne ótkizýge shart jasasý; 16) saýda-sattyqty uıymdastyrý jáne ótkizý barysyn baqylaýdy júzege asyrý; 17) saýda-sattyq jeńimpazdarymen satyp alý-satý sharttaryn jasasý jáne olardyń oryndalýyn baqylaý; 18) qatysýshylarmen, satyp alýshylarmen, uıymdastyrýshymen saýda-sattyq ótkizý rásimderine baılanysty eseptesýlerdi júzege asyrý; 19) jekeshelendirý júrgizý úshin qajet basqa da is-sharalardy júrgizý bolyp tabylady. 13. Mynalar: 1) Qazaqstan Respýblıkasynyń zańnamalyq aktilerine nemese quryltaı qujattaryna sáıkes qyzmettiń júzege asyrylýy obektini saýda-sattyqtarda satýdyń sharty bolyp tabylatyn túrlerimen aınalysýǵa quqyǵy joq zańdy tulǵalar; 2) uıymdastyrýshy; 3) jarǵylyq kapıtalynyń jıyrma bes paıyzynan astam mólsherdegi aksııalary saýda-sattyqqa shyǵarylǵan aksıonerlik qoǵamǵa aksııalary tıesili aksıonerlik qoǵamdar saýda-sattyqtyń qatysýshysy retinde tirkelýge jatpaıdy. 2. Komıssııa 14. Saýda-sattyqty uıymdastyrý jáne ótkizý úshin satýshy mindetti túrde komıssııa qurady, onyń quramyna satýshynyń jáne basqa da memlekettik organdardyń ókilderi nemese olardyń aýmaqtyq bólimsheleri, «Atameken» Qazaqstan Respýblıkasynyń Ulttyq kásipkerler palatasy men óńirlik kásipkerler palatalarynyń (jergilikti atqarýshy organdar janyndaǵy komıssııalarǵa) ókilderi engiziledi. Komıssııa músheleriniń sany keminde 5 adamdy quraıdy. Satýshynyń ókili komıssııa tóraǵasy bolyp tabylady. Hatshy komıssııa múshesi bolyp tabylmaıdy. Komıssııa sheshimderi qatysyp otyrǵan komıssııa músheleriniń jalpy sanynan qarapaıym kópshilik daýyspen qabyldanady. Daýystar teń bolǵan kezde tóraǵa daýysy sheshýshi bolyp tabylady. Komıssııa sheshimi satýshy úshin usynymdyq sıpatta bolady. 15. Komıssııa mynadaı fýnksııalardy júzege asyrady: 1) óz jumysynyń reglamentin derbes ázirleıdi; 2) osy Qaǵıdanyń 2-tarmaǵynyń 7) jáne 9) tarmaqshalarynda kózdelgen jaǵdaılardy qospaǵanda, árbir jekeshelendirý obektisi boıynsha jekeshelendirýdi júrgizý túri, saýda-sattyq nysandary men ádisteri týraly sheshim qabyldaıdy; 3) Qazaqstan Respýblıkasynyń nemese shet memleketterdiń aýmaǵynda jumys isteıtin qor bırjalarynda memleketke tıesili baǵaly qaǵazdardy satý týraly sheshim qabyldaıdy; 4) jekeshelendirý obektisin baǵalaý negizinde jekeshelendirý obektisiniń alǵashqy baǵasyn belgileý týraly sheshim qabyldaıdy; 5) bırjalyq saýda-sattyqqa aksııalardy qoıý merzimi jáne uzaqtyǵy, satýdyń shekti merzimi jáne bırjalyq saýda-sattyqtan alý kúni týraly sheshim qabyldaıdy; 6) osy Qaǵıdanyń 61-tarmaǵynda kózdelgen jekeshelendirý obektilerin satýdy qospaǵanda, tender sharttary týraly sheshim qabyldaıdy; 7) qatysýshylarǵa (satyp alýshyǵa) qoıylatyn qosymsha talaptar týraly sheshim qabyldaıdy; 8) osy Qaǵıdanyń 39-tarmaǵynda kózdelgen jaǵdaılardy qospaǵanda, jekeshelendirý obektilerin keıinnen saýda-sattyqqa qoıýdyń oryndylyǵy týraly sheshim qabyldaıdy; 9) eki kezeńdi rásimder arqyly konkýrsqa qatysýshylardyń qujattaryn qaraıdy jáne olardy saýda-sattyqqa jiberedi; 10) eki kezeńdi rásimder arqyly konkýrs jeńimpazyn jarııalaıdy. 16. Saýda-sattyqty ótkizýge daıyndyqty satýshy júzege asyrady, ol saýda-sattyqty ótkizý týraly habarlamanyń ýaqtyly jarııalanýyn qamtamasyz etedi, ótinimder qabyldaýdy jáne eki kezeńdi rásimder jolymen ótetin konkýrsqa qatysýshylardy tirkeýdi júrgizedi, eki kezeńdi rásimder arqyly konkýrstyń kelip túsken materıaldaryn komıssııanyń qaraýyna beredi. 3. Saýda-sattyqty ótkizýge daıyndyq 17. Saýda-sattyqtardy ótkizýge daıyndyq mynadaı tártippen júzege asyrylady: 1) jekeshelendirý obektisi boıynsha qajetti materıaldardy jınaý júrgiziledi; 2) jekeshelendirý obektisin baǵalaý negizinde jekeshelendirý obektileriniń alǵashqy baǵasy aıqyndalady; 3) árbir jekeshelendirý obektisiniń satylý nysandary men ádisi aıqyndalady; 4) jekeshelendirý obektileri jekelegen saýda-sattyqtar boıynsha bólinedi; 5) kepildik jarnany engizý tártibi aıqyndalady; 6) saýda-sattyqty ótkizý merzimi belgilenedi; 7) qajet bolǵan kezde uıymdastyrýshy tartylady; 8) saýda-sattyq ótkizý týraly habarlama jarııalanady; 9) kepildik jarnalar qabyldanady; 10) qatysýshylardy tirkeý júrgiziledi; 11) satyp alý-satý shartynyń jobasyn daıyndaý júzege asyrylady. 18. Teńgerimdik quny respýblıkalyq bıýdjet týraly zańda belgilengen jáne tıisti qarjy jylynyń 1 qańtarynda qoldanylatyn aılyq eseptik kórsetkishtiń 2500000 eselengen mólsherinen astam bolatyn jekeshelendirý obektilerin baǵalaýdy halyqaralyq baǵalaý standarttaryna sáıkes táýelsiz konsýltanttar júzege asyrady. 19. Teńgerimdik quny respýblıkalyq bıýdjet týraly zańda belgilengen jáne tıisti qarjy jylynyń 1 qańtarynda qoldanylatyn aılyq eseptik kórsetkishtiń 2500000 eselengen mólsherinen az bolatyn jekeshelendirý obektilerin baǵalaý Qazaqstan Respýblıkasynyń baǵalaý qyzmeti týraly zańnamasyna sáıkes júzege asyrylady. 20. Aýksıonǵa, tenderge jáne jabyq tenderge qatysýǵa kepildik jarna memlekettik múlikti esepke alý salasyndaǵy biryńǵaı operatordyń (budan ári – biryńǵaı operator) derektemelerine habarlamada belgilengen nysanda jáne tártippen engiziledi. Eki kezeńdi rásimder arqyly konkýrsqa qatysý úshin kepildik jarna satýshynyń derektemelerine habarlamada belgilengen nysanda jáne tártippen engiziledi. Kepildik jarnany qatysýshy ne qatysýshynyń atynan kez kelgen jeke nemese zańdy tulǵa engizedi. 21. Qatysýshylarǵa kepildik jarnanyń kez kelgen sanyn engizýge jol beriledi, bul rette bir kepildik jarna qatysýshyǵa ol boıynsha saýda-sattyqqa qatysý úshin osy kepildik jarnany engizgen jekeshelendirý obektisin satyp alý quqyǵyn beredi. 22. Saýda-sattyqta jeńgen jáne satyp alý-satý shartyn jasasqan qatysýshynyń kepildik jarnasy satyp alý-satý sharty boıynsha tıesili tólemder esebine jatqyzylady. 23. Satýshy mynadaı jaǵdaılarda: 1) jeńimpazǵa – ol saýda-sattyqtardyń nátıjeleri týraly hattamaǵa ne satyp alý-satý shartyna qol qoımaǵan jaǵdaıda; 2) satyp alýshyǵa – satyp alý-satý sharty boıynsha mindettemelerin oryndamaǵan nemese tıisinshe oryndamaǵan jaǵdaıda kepildik jarnany qaıtarmaıdy. Qalǵan barlyq jaǵdaılarda kepildik jarnalar qatysýshy biryńǵaı operatorǵa (aýksıonǵa, tenderge nemese jabyq tenderge qatysýshy) nemese satýshyǵa (eki kezeńdi rásimder arqyly konkýrsqa qatysýshy) ótinish bergen kúnnen bastap úsh jumys kúninen keshiktirilmeıtin merzimde qaıtarylady. Kepildik jarnalar saýda-sattyqqa qatysýshy, jeke nemese memlekettik emes zańdy tulǵa kepildik jarnany qaıtarý týraly ótinishte kórsetetin derektemelerge qaıtarylady. 24. Saýda-sattyq ótkiziletindigi týraly habarlama olar ótkizilgenge deıin keminde kúntizbelik on bes kún buryn jarııalanýy tıis. Habarlama qazaq jáne orys tilderinde «Memlekettik satyp alý týraly» Qazaqstan Respýblıkasynyń Zańyna sáıkes satýshy konkýrs tásilimen anyqtaǵan merzimdi baspa basylymdarynda jáne tizilimniń veb-portalynda jarııalanady. Monopolııaǵa qarsy zańnamanyń talaptaryna jatatyn aksııalardy, uıymdardyń jarǵylyq kapıtaldaryndaǵy úlesterdi, memlekettik kásiporyndardy múliktik keshender retinde satý týraly habarlamany obekti (satý kestesi) boıynsha aqparat tizilimge engizilgen kúnnen bastap kúntizbelik alpys kún ótkennen keıin jarııalaýǵa jol beriledi. 25. Saýda-sattyq ótkizý týraly habarlamada mynadaı málimetter qamtylady: 1) saýda-sattyqtyń ótkiziletin kúni, orny jáne ýaqyty; 2) saýda-sattyqtyń túri, nysany men ádisi; 3) jekeshelendirý obektisi týraly málimetter (aksııalardy satý kezinde aksııalar emıtentiniń ataýy men olar týraly málimetter, satylatyn aksııalardyń sany); 4) satýǵa qoıylatyn jekeshelendirý obektileriniń bastapqy jáne eń tómengi (aýksıon saýda-sattyqtyń gollandtyq ádisin qoldana otyryp ótkizilgen kezde) baǵalary; 5) kepildik jarnanyń mólsheri men ony aýdarý úshin banktik derektemeler; 6) ótinimderdi qabyldaý orny men merzimi; 7) saýda-sattyqtardy ótkizý, onyń ishinde saýda-sattyqqa qatysýdy resimdeý, saýda-sattyq jeńimpazyn anyqtaý sharttary týraly tártip; 8) satýshynyń jáne/nemese saýda-sattyqty uıymdastyrýshynyń jáne teńgerim ustaýshynyń telefony men ornalasqan jeri; 9) satýshynyń sheshimi boıynsha qosymsha aqparat. Qazaqstan Respýblıkasynyń nemese shet memleketterdiń aýmaǵynda jumys isteıtin qor bırjalarynda memleketke tıesili baǵaly qaǵazdardy satý týraly habarlamada mynadaı málimetter qamtylady: 1) saýda-sattyqtyń bastalatyn kúni men ýaqyty; 2) saýda-sattyqtyń ótkiziletin orny; 3) aksııalar emıtentiniń ataýy; 4) emıtent týraly málimetter; 5) satylatyn aksııalardyń sany; 6) saýda-sattyqty uıymdastyrýshynyń telefony men ornalasqan jeri; 7) satýshynyń sheshimi boıynsha qosymsha aqparat. 26. Árbir jekeshelendirý obektisi boıynsha satý týraly habarlama jarııalanǵanǵa deıin satýshy tizilimge mynadaı qujattardyń: 1) jekeshelendirý obektisiniń qunyn baǵalaý týraly eseptiń; 2) tehnıkalyq jaǵdaıy týraly kórinisti qamtamasyz etetin, keminde 5 dana jekeshelendirý obektisi fotosýretiniń (tek jyljymaıtyn múlik, kólik, jabdyq jáne basqa da materıaldyq múlik úshin); 3) satyp alý-satý sharty jobasynyń elektrondyq kóshirmeleriniń tizilimge engizilýin qamtamasyz etedi. Jekeshelendirý obektisin satý týraly habarlama jarııalanǵannan keıin satýshy tizilimniń veb-portaly arqyly barlyq qalaýshylardyń jekeshelendirý obektisi týraly aqparatqa erkin qol jetkizýin qamtamasyz etedi. 27. Saýda-sattyqqa qatysýshylardy tirkeý habarlama jarııalanǵan kúnnen bastap júrgiziledi jáne aýksıon, tender, jabyq tender bastalǵanǵa deıin eki saǵat buryn jáne eki kezeńde etetin rásimder arqyly konkýrs bastalǵanǵa deıin jıyrma tórt saǵat buryn aıaqtalady, sodan soń qatysýshylar bergen ótinimderin keri qaıtara almaıdy. 28. Aýksıonǵa tenderge jáne jabyq tenderge qatysý úshin mynalardy: 1) jeke tulǵalar úshin: jeke sáıkestendirý nómirin (budan ári – JSN), tegin, atyn, ákesiniń atyn (bar bolsa); 2) zańdy tulǵalar úshin: bıznes sáıkestendirý nómirin (budan ári – BSN), tolyq ataýyn, birinshi basshynyń tegin, atyn, ákesiniń atyn (bar bolsa); 3) kepildik jarnany qaıtarý úshin ekinshi deńgeıdegi banktegi esep aıyrysý shotynyń derektemelerin; 4) baılanys derekterin (pochtalyq mekenjaıy, telefony, faks, e-mail) kórsete otyryp, tizilimniń veb-portalynda aldyn ala tirkelý qajet. Joǵaryda kórsetilgen derekter ózgergen kezde qatysýshy bir jumys kúni ishinde tizilimniń veb-portalyna engizilgen derekterdi ózgertedi. 29. Aýksıonǵa, tenderge jáne jabyq tenderge qatysýshy retinde tirkelý úshin osy Qaǵıdaǵa qosymshaǵa sáıkes nysan boıynsha qatysýshynyń ESQ qoıylǵan saýda-sattyqqa qatysýǵa ótinimdi tizilimniń veb-portalynda tirkeý qajet. Tenderge jáne jabyq tenderge qatysýshylar: 1) tenderge qatysýshy qol qoıǵan, tizilimniń arnaıy bólingen veb-paraqshasynda elektrondyq konvertke júkteletin baǵa usynysynyń; 2) saýda-sattyqty ótkizý týraly habarlamada kórsetilgen qatysýshylarǵa (satyp alýshyǵa) qoıylatyn qosymsha talaptarǵa sáıkestigin rastaıtyn qujattardyń elektrondyq (skanerlengen) kóshirmelerin qosa bere otyryp, saýda-sattyq shartymen kelisýdi qamtıtyn ótinimdi tirkeıdi. 30. Aýksıonnyń, tenderdiń jáne jabyq tenderdiń jeńimpazy satyp alý-satý shartyna qol qoıǵan kezde satýshyǵa salystyryp tekserý úshin mynadaı qujattardyń: 1) jeke tulǵalar úshin: pasporttyń nemese jeke tulǵanyń jeke basyn kýálandyratyn qujattyń; 2) zańdy tulǵalar úshin: zańdy tulǵany memlekettik tirkeý (qaıta tirkeý) týraly kýáliktiń ne anyqtamanyń; zańdy tulǵa ókiliniń ókilettikterin kýálandyratyn qujattyń, sondaı-aq zańdy tulǵanyń ókili pasportynyń nemese onyń jeke basyn kýálandyratyn qujattyń; memleketke tıesili aksııalardy satý kezinde – qatysýshynyń aksııalaryna ıelik etetin aksıonerlik qoǵamdar týraly aqparatty qamtıtyn aksıonerler tiziliminen (habarlamanyń jarııalaný sátinde) úzindi-kóshirmeniń túpnusqalaryn mindetti túrde kórsete otyryp, olardyń kóshirmelerin ne notarıat kýálandyrǵan kóshirmelerin usynady. Sheteldik zańdy tulǵalar qazaq jáne/nemese orys tilderinde notarıat kýálandyrǵan aýdarmasy bar quryltaı qujattarynyń notarıat rastaǵan kóshirmelerin usynady. Tenderdiń jáne jabyq tenderdiń jeńimpazy da satýshyǵa satyp alý-satý shartyna qol qoıǵan kezde ótinimge qosa berilgen qujattardyń túpnusqalaryn ne notarıat kýálandyrǵan kóshirmelerin usynady. Qujattardyń túpnusqalary salystyrylyp tekserilgennen keıin bir jumys saǵaty ishinde qaıtarylady. 31. Satýshy men uıymdastyrýshyǵa mynalarǵa: 1) Qazaqstan Respýblıkasynyń zańnamalyq aktilerinde kózdelgen jaǵdaılardy qospaǵanda, saýda-sattyqty daıyndaý jáne olardy ótkizýdiń búkil kezeńiniń ishinde saýda-sattyqqa qatysýshylarǵa qatysy bar aqparatty jarııalaýǵa; 2) osy Qaǵıdanyń 29-tarmaǵynda kórsetilgenderden basqa, qosymsha qujattar usynýdy talap etýge jol berilmeıdi. 32. Tenderge jáne jabyq tenderge qatysýshylardyń ótinimderi jáne olarǵa qosa beriletin elektrondyq (skanerlengen) qujattardyń kóshirmeleri tizilimniń derekqorynda saqtalady jáne saýda-sattyqty ótkizý týraly habarlamada kórsetilgen kún men ýaqytqa deıin júkteý jáne qaraý úshin qoljetimsiz bolady. 33. Aýksıonǵa, tenderge jáne jabyq tenderge qatysýǵa ótinim tirkelgennen keıin tizilimniń veb-portaly úsh mınýt ishinde ótinim berilgen satý obektisi boıynsha kepildi jarnanyń túsýi týraly málimetterdiń tizilimniń derekqorynda bolýy turǵysynan avtomatty túrde tekserý júrgizedi. Qatysýshynyń osy Qaǵıdanyń 28 jáne 29-tarmaqtarynda kórsetilgen talaptardy saqtamaýy, sondaı-aq biryńǵaı operatordyń arnaıy tranzıttik shotyna saýda-sattyqty ótkizý týraly habarlamada kórsetilgen kepildi jarnanyń saýda-sattyq bastalǵanǵa deıin eki saǵat buryn túspeýi tizilim veb-portalynyń ótinimdi qabyldaýdan bas tartýy úshin negiz bolyp tabylady. Tizilimniń derekqorynda biryńǵaı operatordyń arnaıy tranzıttik shotyna kepildi jarnanyń túskeni týraly málimetter bolǵan jaǵdaıda, tizilimniń veb-portaly ótinimdi qabyldaý jáne qatysýshyny aýksıonǵa, tenderge jáne jabyq tenderge jiberýdi júzege asyrady. Tizilimniń derekqorynda biryńǵaı operatordyń arnaıy tranzıttik shotyna kepildi jarnanyń túskeni týraly málimet bolmaǵan jaǵdaıda, tizilim veb-portaly qatysýshynyń ótinimin keri qaıtarady. Tizilimniń veb-portaly avtomatty tekserý nátıjeleri boıynsha tizilimniń veb-portalynda kórsetilgen qatysýshynyń elektrondyq mekenjaıyna ótinimdi qabyldaý ne ótinimdi qabyldaýdan bas tartý sebepteri týraly elektrondyq habarlama jiberedi. 34. Tizilimniń veb-portaly aýksıonǵa qatysý úshin elektrondyq ótinimdi keri qaıtarǵan qatysýshynyń aýksıon nómirin saýda-sattyqty ótkizý bastalǵanǵa deıin keminde eki saǵat buryn joıady. 35. Eki kezeńdi rásimder arqyly konkýrsqa qatysýshy retinde tirkelý úshin mynalardy usyný qajet: 1) osy Qaǵıdaǵa qosymshaǵa sáıkes nysan boıynsha saýda-sattyqqa qatysýǵa ótinim; 2) jeke tulǵalar úshin: salystyrý úshin túpnusqasyn mindetti túrde kórsete otyryp, pasporttyń nemese jeke tulǵanyń jeke basyn kýálandyratyn qujattyń kóshirmesi ne kórsetilgen qujattyń notarıat kýálandyrǵan kóshirmesi; bankten aǵymdaǵy shottyń bar-joǵyn rastaıtyn anyqtamanyń túpnusqasy; zańdy tulǵalar úshin: salystyrý úshin túpnusqasyn mindetti túrde kórsete otyryp, jarǵynyń kóshirmesi nemese kórsetilgen qujattyń notarıat kýálandyrǵan kóshirmesi; salystyrý úshin túpnusqasyn mindetti túrde kórsete otyryp, zańdy tulǵany memlekettik tirkeý (qaıta tirkeý) týraly kýáliktiń kóshirmesi nemese kórsetilgen qujattyń notarıat kýálandyrǵan kóshirmesi ne zańdy tulǵany memlekettik tirkeý (qaıta tirkeý) týraly anyqtama; bankten banktik shottyń bar-joǵyn rastaıtyn anyqtamanyń túpnusqasy. Qujattardyń túpnusqalary salystyrǵannan keıin bir jumys saǵaty ishinde qaıtaryp beriledi. Aksıonerlik qoǵamdar memleketke tıesili aksııalardy satý boıynsha eki kezeńdi rásimder arqyly konkýrsqa qatysý kezinde ózderiniń aksııalaryna ıelik etetin aksıonerlik qoǵamdar týraly aqparatty qamtıtyn aksıonerler tiziliminen (aqparattyq habarlama jarııalaý sátindegi) úzindi-kóshirmeniń túpnusqasyn usynady; 3) kepildik jarnanyń engizilgenin rastaıtyn tólem qujatynyń túpnusqasy men kóshirmesi. Qatysýshy saýda-sattyq ótkizilgennen keıin júgingen kezde tólem qujatynyń túpnusqasy qaıtarylady; 4) zańdy tulǵa ókiliniń ókilettikterin kýálandyratyn qujattyń túpnusqasy, sondaı-aq salystyrǵannan keıin qaıtarylyp beriletin túpnusqasyn qosa bere otyryp, zańdy tulǵanyń ókili pasportynyń nemese onyń jeke basyn kýálandyratyn qujattyń kóshirmesi ne zańdy tulǵanyń ókili pasportynyń nemese onyń jeke basyn kýálandyratyn qujattyń notarıat kýálandyrǵan kóshirmesi. Eki kezeńdi rásimder arqyly konkýrsqa qatysý úshin usynystar jabyq konvertte jazbasha usynylady. 36. Sheteldik zańdy tulǵalar qazaq jáne/nemese orys tilderinde notarıat kýálandyrǵan aýdarmasy bar quryltaı qujattarynyń notarıat rastaǵan kóshirmelerin usynady. 37. Eki kezeńdi rásimder arqyly konkýrsqa qatysýdy qalaıtyn tulǵalardyń ótinimderin qabyldaý jáne olardy tirkeý talap etiletin qujattardyń tolyq jıyntyǵy bolǵan kezde júrgiziledi. О́tinim qolma-qol tásilmen berilgen kezde talap etiletin qujattardyń bar-joǵyn tekserýdi satýshy sol jerde, bir jumys saǵaty ishinde júzege asyrady jáne osy Qaǵıdanyń 35-tarmaǵynda kórsetilgen qujattardyń bireýi bolmaǵan jaǵdaıda usynylǵan ótinim tirkelmeıdi. О́tinim poshtamen kelip túsken kezde osy Qaǵıdanyń 35-tarmaǵynda kórsetilgen qujattardyń bireýi bolmaǵan jaǵdaıda, usynylǵan ótinim tirkelmeıdi, bul týraly satýshy ótinim bergen tulǵaǵa bir jumys kúni ishinde jazbasha nysanda habarlaıdy. 38. Eki kezeńdi rásimder arqyly konkýrsqa qatysýshylardyń qujattary jýrnalda tirkelgennen keıin seıfte saqtalady jáne ony ótkizetin kúni komıssııaǵa qaraý jáne eki kezeńdi rásimder arqyly konkýrsqa jiberý úshin beriledi. 39. Eger múliktik keshen retindegi memlekettik kásiporyn jáne memlekettiń qatysýy júz paıyzdy quraıtyn aksıonerlik qoǵamdardyń aksııalary jáne jaýapkershiligi shekteýli seriktestikterdiń jarǵylyq kapıtaldaryndaǵy qatysý úlesteri ótkizilgen úsh saýda-sattyq nátıjeleri boıynsha satylmaǵan bolsa, osy zańdy tulǵalar taratylýǵa jatady. 4. Aýksıon ótkizý 40. Aýksıon saýda-sattyqtyń eki ádisimen ótkiziledi: baǵany kóterý jáne baǵany tómendetý arqyly. Aýksıondy ótkizý kezinde jekeshelendirý obektisiniń bastapqy baǵasy jekeshelendirý obektisiniń alǵashqy baǵasyna teń bolady. Jekeshelendirý obektisiniń alǵashqy baǵasy jekeshelendirý obektisiniń naryqtyq qunynyń negizinde aıqyndalady jáne ony komıssııa belgileıdi. 41. Jekeshelendirý obektisi birinshi saýda-sattyqqa aýksıonǵa baǵany kóterý ádisi qoldanyla otyryp shyǵarylady. Jekeshelendirý obektisi ekinshi saýda-sattyqqa aýksıonǵa baǵany tómendetý ádisi qoldanyla otyryp, alǵashqy baǵanyń elý paıyzy mólsherindegi eń tómen baǵa belgilenip shyǵarylady. Jekeshelendirý obektisi úshinshi saýda-sattyqqa aýksıonǵa baǵany tómendetý ádisi qoldanyla otyryp, eń tómen baǵa belgilenbeı shyǵarylady. Keıingi árbir saýda-sattyq árbir jıyrma jumys kúni saıyn júzege asyrylady. 42. Aýksıonǵa jiberilgen qatysýshyǵa tizilimniń veb-portaly beretin aýksıon nómiri boıynsha aýksıon zalyna kirýge ruqsat beriledi. Aýksıonǵa qatysýshylar aýksıon bastalǵanǵa deıin bir saǵat ishinde ESQ men aýksıon nómirin paıdalana otyryp, aýksıon zalyna kiredi. Aýksıon jekeshelendirý obektisiniń bastapqy qunyn aýksıon zalynda avtomatty túrde ornalastyrý jolymen saýda-sattyqty ótkizý týraly habarlamada kórsetilgen Astana qalasynyń ýaqyty boıynsha bastalady. 43. Aýksıon zalynda aýksıon Qazaqstan Respýblıkasynyń zańnamasynda kózdelgen mereke jáne demalys kúnderin qospaǵanda, seısenbi – juma aralyǵynda ótedi. Aýksıon Astana qalasynyń ýaqyty boıynsha saǵat 10:00-den bastap saǵat 17:00-ge deıingi kezeńde ótkiziledi, bul rette aýksıon Astana qalasynyń ýaqyty boıynsha saǵat 15:00-den keshiktirilmeı bastalady. 44. Eger baǵany kóterý aýksıony aıaqtalatyn sátte saǵat 17:00-de aýksıon jeńimpazy aıqyndalmasa, onda jekeshelendirý obektisin satyp alýǵa óziniń nıetin rastaǵan sońǵy qatysýshy jeńimpaz dep tanylady jáne osy jekeshelendirý obektisi boıynsha aýksıon ótkizilgen bolyp tanylady. Eger baǵany tómendetý aýksıony aıaqtalatyn sátte saǵat 17:00-de aýksıon jeńimpazy aıqyndalmasa, onda osy jekeshelendirý obektisi boıynsha aýksıon ótpedi dep tanylady. 45. Eger aýksıon bastalǵan sátte jekeshelendirý obektisi boıynsha aýksıon zalynda eki qatysýshydan az tirkelse jáne bolsa (jekeshelendirý obektisin jalǵyz qatysýshyǵa satýǵa jol beriletin aýksıon boıynsha úshinshi jáne kelesi saýda-sattyqtardy qospaǵanda), osy jekeshelendirý obektisi boıynsha aýksıon ótkizilmegen bolyp tanylady. 46. Baǵany ózgertý qadamy bylaısha belgilenedi: 1) jekeshelendirý obektisiniń bastapqy nemese aǵymdaǵy baǵasy aılyq eseptik kórsetkish mólsheriniń 20 000 eselengenge deıingi mólsherinde bolǵan kezinde ózgertý qadamy baǵany kóterý aýksıonynda – 10 paıyz mólsherinde jáne baǵany tómendetý aýksıonynda 5 paıyz mólsherinde belgilenedi; 2) jekeshelendirý obektisiniń bastapqy nemese aǵymdaǵy baǵasy aılyq eseptik kórsetkish mólsheriniń 20 000 eselengennen bastap 50 000 eselengenge deıingi mólsherinde bolǵan kezinde ózgertý qadamy baǵany kóterý aýksıonynda – 7 paıyz mólsherinde jáne baǵany tómendetý aýksıonynda 5 paıyz mólsherinde; 3) jekeshelendirý obektisiniń bastapqy nemese aǵymdaǵy baǵasy aılyq eseptik kórsetkish mólsheriniń 50 000 eselengennen bastap 100 000 eselengenge deıingi mólsherinde bolǵan kezde ózgertý qadamy 5 paıyz mólsherinde belgilenedi; 4) jekeshelendirý obektisiniń bastapqy nemese aǵymdaǵy baǵasy aılyq eseptik kórsetkish mólsheriniń 100 000 eselengennen bastap 250 000 eselengenge deıingi mólsherinde bolǵan kezde ózgertý qadamy baǵany kóterý aýksıonynda – 2,5 paıyz mólsherinde jáne baǵany tómendetý aýksıonynda 5 paıyz mólsherinde belgilenedi; 5) jekeshelendirý obektisiniń bastapqy nemese aǵymdaǵy baǵasy aılyq eseptik kórsetkish mólsheriniń 250 000 eselengennen bastap 500 000 eselengenge deıingi mólsherinde bolǵan kezde ózgertý qadamy baǵany kóterý aýksıonynda 1 paıyz mólsherinde jáne baǵany tómendetý aýksıonynda 5 paıyz mólsherinde belgilenedi; 6) jekeshelendirý obektisiniń bastapqy nemese aǵymdaǵy baǵasy aılyq eseptik kórsetkish mólsheriniń 500 000 eselengen mólsherinde jáne odan joǵary bolǵan kezde ózgertý qadamy baǵany kóterý aýksıonynda 0,5 paıyz mólsherinde jáne baǵany tómendetý aýksıonynda 5 paıyz mólsherinde belgilenedi. Aýksıon tómende kórsetilgen eki ádistiń bireýi boıynsha júrgiziledi. 47. Baǵany kóterý aýksıony: 1) eger aýksıon zalynda aýksıon bastalǵan sátten bastap jıyrma mınýt ishinde qatysýshylardyń birde-biri o