Elimen etene partııa

Alda – asqaraly asýlar

Búgin Astanadaǵy Táýelsizdik saraıynda «Nur Otan» partııasynyń kezekten tys  HVII sezi ótedi.

Búgin Astanadaǵy Táýelsizdik saraıynda «Nur Otan» partııasynyń kezekten tys XVII sezi óz jumysyn bastaıdy. Memleket basshysy, «Nur Otan» partııasynyń Tóraǵasy Nursultan Nazarbaevtyń qatysýymen ótetin alqaly jıynǵa elimizdiń barlyq óńirinen 2200 adam keldi. Olardyń 600-den astamy saıası uıymnyń aımaqtyq fılıaldary saıası keńesteriniń keńeıtilgen otyrystarynda saılanǵan delegattar. Sezd barysynda partııanyń saılaýaldy baǵdarlamasy qabyldanyp, Parlament Májilisi depýtattaryn saılaýdyń partııalyq tizimi bekitilmek ári partııa Saıası keńesiniń quramyndaǵy ózgerister qaralmaq. «Nur Otan» partııasynyń kezekten tys XVII seziniń shaqyrylýy qoǵam tarapynan saıası máni zor oqıǵa retinde qarastyrylýda. О́ıtkeni, Elbasy saıasatyn qol­daýda, memleketimizdiń áleýmettik-ekonomıkalyq baǵytyn aıqyn­daýda óziniń belsendi áreketimen tany­lyp, halyq senimine selkeý túsir­meı kele jatqan partııanyń sezine eshkim de beıjaı qara­maı­tyny anyq. Qoǵamdy odan ári demokratııa­lan­dyrýdy kózdeıtin ekonomı­kalyq jáne saıası reformalardy júzege asyrýdy, azamattardyń ómir súrý deńgeıin kóterýdi, turaq­tylyq pen ornyqty damýdy qam­tamasyz etýdi, ultaralyq jáne kon­fessııaaralyq kelisimdi nyǵaı­týdy, óskeleń urpaqty el-jur­tymyzdy súıýge, ulttyq qundy­lyq­tarymyzdy baǵalap, qadirin bilýge úndeýdi basty maqsaty sanaıtyn, sondaı-aq, osy baǵyttaǵy nátıjeli jumystarynyń arqasynda el senimine ıe bolǵan «Nur Otan» partııasy qazirgi daǵdarys jaǵ­daıynda halyqqa odan saıyn jaqyndap, elmen etene bola túsýi kóńilge jylylyq uıalatpaı qoımaıdy. Ásirese, partııanyń kóp­tegen jasampaz isterdiń bas­tama­shysy bolyp otyrǵany da nazar aýdartady. Sondaı-aq, partııa­nyń qoǵamymyzdaǵy túrli máse­lelerdi halyqpen birge sheshý isin­de tájirıbesi mol. Mine, bul atal­ǵan jaǵdaıattar, irgeli ister bar­sha qazaqstandyqtardyń osynaý saıası uıymǵa degen senimin nyǵaı­ta túsetini anyq. Álemdegi qalyptasyp otyrǵan ekono­mıkalyq jaǵdaıdyń aýyr­lyǵyna qaramastan Elbasy, partııa Tóraǵasy Nursultan Nazarbaevtyń alǵa úlken mindetter qoıýy saıası uıymnyń jaýapkershiligin arttyra túseri sózsiz. Sondyqtan da nur­otandyqtarǵa, ásirese, sez­ge qatysýshy delegattarǵa kóbi­rek salmaq túsetini anyq. «Nur Otan» partııasynyń kezekten tys XVII sezine qatysyp otyr­­ǵan aı­maqtyq fılıaldar saıası keńes­teriniń keńeıtilgen oty­rys­­tarynda saılanǵan delegattar, barsha nurotandyqtar bul jaýap­­ker­shilik júgin abyroımen kóteredi dep oılaımyz. Aıta keteıik, sezge qatysý úshin respýblıkamyzdyń barlyq óńir­­lerinen kelgen delegattardy kútip alý isi óz deńgeıinde uıym­­das­tyryldy. Máselen, keshe Qos­tanaı oblysynan kelgen delega­sııa­ny kútip alýǵa biz de kýá bol­dyq. Qostanaılyq delegat­tar­men suh­bat­tasý barysynda olar­dyń sezd ju­mysyna qyzý daı­yndyq­pen kel­geni anyq ańǵarylyp turdy. Olardyń barlyǵy da osynaý aıtýly jıynǵa qatysýǵa múm­kin­dik alǵandaryna dán rıza ekenderin sóz ete kelip, ondaǵy qaralatyn má­se­­lelerdiń elimizdiń búgini men er­teńi úshin óte mańyzdy ekenin jetkizdi. «Osymen «Nur Otan» partııa­synyń bes sezine qatys­paq­pyn. 2000 jyldan beri partııa mú­she­simin. Bul joly da halqymyz úshin asa mańyzdy, jaýapty suraqtar tal­qy­lanatyn jıynǵa qatysyp, óz daýy­symdy beremin», – deıdi «Nur Otan» partııasy Fedorov aýdan­dyq fılıaly tóraǵasynyń birinshi orynbasary Evgenııa Jdanova. Jalpy, elimizge tanymal bedeldi azamattar, «Qazaqstannyń Eńbek Eri», «Halyq Qaharmany» ataq­tarynyń ıegerleri, ár­túr­li sala mamandary, iri kásip­­oryn­dar jetekshileri, ǵylym jáne shy­ǵarmashylyq ıntel­lı­gen­­sııa, úkimettik emes jáne jas­tar uıymdarynyń ókilderi, «Úz­dik bastaýysh partııa uıy­my» respýblıkalyq baıqaýy jeńim­paz­dary, partııa fılıaldarynyń bel­sendi qyzmetkerleri qatysyp jat­qan «Nur Otan» partııasynyń kezek­ten tys XVII sezinen kú­te­ri­miz kóp. Al ázirge sezd jumysy qalaı túıindeletinin tosa turaıyq. Joldybaı BAZAR, «Egemen Qazaqstan».

Partııamyz ben halyqtyń maqsat-múddesi úndes

Jambyl jerinen «Nur Otan» partııa­sy­nyń kezekten tys XVII sezine qatysý úshin 44 delegat keldik. Ulty­myzdyń sım­volyna, Ota­nymyz­dyń júregine, Táýelsiz­di­gi­mizdiń tiregine aınalǵan Astana tórinde ótkeli otyrǵan bul sezde bizdiń partııa aldaǵy 5 jyldyqqa jańa maqsattar men mindetter qoıýdy kózdep otyrǵany anyq. О́t­ken kezeńderdi saralaıtyn bol­saq, partııa óziniń alǵa qoıǵan mindet­terin oryndap, kóptegen másele­ni merziminen buryn sheshti. Elba­sy, «Nur Otan» partııasynyń Tór­aǵasy N.Á.Nazarbaev elimiz táýel­sizdik alǵan alǵashqy sátten bastap memlekettiń órkendeýi men qoǵam­nyń jan-jaqty damýyna aıryqsha mán berip keledi. Osy jyldar ishinde Qazaqstan barlyq salada qarqyndy damý jolynan ótti. Elimizdiń álem memleketteri arasyndaǵy bedeli artyp, bastamashylyq beıbit ıdeıa­lary úlken qoldaýǵa ıe boldy. Osynyń barlyǵy – Elbasynyń dara saıasatynyń jemisi, «bir jaǵadan bas, bir jeńnen qol» shyǵarǵan jasampaz halqymyzdyń eren eńbeginiń jeńisi. Sondyqtan, elimizdegi eń iri saıası kúsh retinde bul saılaýǵa mindetti túrde qatysýdy kózdep otyr. Alǵashqy qurylǵan kúninen bastap bizdiń partııa tyń bastamalar kóterip, memlekettik jaýapty sheshimderdiń qabyldanýyna uıytqy bolyp júr. Ol eldiń múd­desin qorǵaıtyn, halyqtyń keregin joqtaıtyn naǵyz halyqtyq partııa ekenin kórsetip keledi. Sol sebepti de, ótken saılaýlardyń bárinde kóp­shiliktiń senimine ıe boldy. Ýaqyt – zymyran. Búgingi kún­niń talaby yrǵalyp-jyrǵalýdy kó­termeıdi. Mine, osy kezeńde «Nur Otan» shyn máninde halyq múd­­desi jolyndaǵy partııa eken­digin dáleldedi. Bul oraıda da­mý qarqynyn údete tú­sý­ge jambyl­dyq­tardyń da qosyp otyr­ǵan úlesi zor. «Nur Otan» partııasy – halyq­tyń qamyn oılaǵan saıası kúsh. Bul – nurotandyqtar úshin óte jaýapty naýqan. Osy sezde halyqtyń kóbirek senimine ıe bo­lý máselesi jan-jaq­ty talqylanyp, zerde­lene­di jáne meje­li min­det­teri belgi­lenedi. Bú­ginde barsha qazaqstan­dyqtardyń senimdi serigine aınalǵan «Nur Otan» partııasynyń eli­mizdiń áleýmettik-eko­nomıkalyq turǵy­dan damýyna jáne ósip-órken­deýine qosqan úlesi súbeli. Nurly bolashaqqa jol bastaǵan «Nur Otan» búginde halqynyń qamyn, jurtynyń muqtajyn, jastardyń bola­shaǵyn áriden oılaıdy. О́ıt­keni, partııa – qazirgi tańda ózin­dik bet-beınesi men saıası usta­nymy ornyqqan elimizdegi jetekshi saıa­sı uıym. Endeshe, bul sezde par­tııa músheleri tarapynan úl­ken belsendilik kútemiz. О́ıtke­ni, ishkipartııalyq jumystar árqa­shanda jańa bastamalarmen jáne tyń oı­larmen sabaqtasyp, damyp oty­rady. Bul is-shara partııa ju­mysyn jandandyrýǵa baǵyttalǵan utymdy usynys-pikirler aıtýǵa mol múmkindikter beredi dep oılaımyn. Memleket basshysy aıt­qan­daı, «boıdyń emes, bıik oıdyń» sharalaryn uıymdastyrý kezek kúttirmes tirlik bolǵaly tur. Qalaı aıtsaq ta, «Nur Otan» partııasynyń maqsat-múddesi Qazaq­stan halqynyń maqsat-múdde­simen úndes. О́ıtkeni, partııa­nyń tilegi – birlik, tileýi – bere­ke, maqsaty – yntymaq, kózde­geni – ult tutastyǵy men eli­mizde­gi qoǵamdyq-saıası ahýaldyń turaq­tylyǵy. Sonymen qatar, kópult­ty Qazaqstan halqynyń jar­qyn ómir súrýi men áleýmettik-turmys jaǵdaıyn kóterý, qu­qyq­tyq ádil­diktiń áleýetin ornyqtyrý bolyp tabylady. Sembek SEIDÁZIMOV, «Nur Otan» partııasy Jambyl oblystyq fılıaly janyndaǵy Sybaılas jemqorlyqqa qarsy is-qımyl jónindegi qoǵamdyq keńestiń tóraǵasy, oblystyq máslıhattyń depýtaty, sezd delegaty.  Jambyl oblysy.

О́zara is-qımyl kelisimi

Elbasy «Ult Jos­pary – qazaqstandyq ar­man­ǵa bastaıtyn jol» atty ba­ǵ­dar­lama­lyq maqala­synda jańǵyr­týdyń tek qýatty mem­leket pen ulttyń top­tas­qandyǵy jaǵdaıynda ǵana tabys­ty bolatynyn esten shyǵarmaý tıis­tiligin, ol tártipke bas­taıtynyn atap kórsetken bola­tyn. Soǵan oraı, alda Bes ınstı­týt­tyq reforma boıynsha «100 naqty qadamdy» júzege asyrý nurotan­dyqtar úshin de negizgi is-qımyl ar­qaýyna aınalyp, kúndelikti qyz­metinde kórinis taýyp otyr. О́ıtkeni, búgingideı jahandyq ekonomıkalyq qıyndyqtardyń dúmpýi erekshe sezilip turǵan kezeńde partııanyń tarıhı jaýaptylyǵy artýmen qatar, el taǵdyry úshin zor talaptar júkteletini aıtpasa da túsinikti. Saıası uıymnyń negizin qalaýshy Elbasynyń basshylyǵymen Qazaq­stan halqy ekonomıkasy serpindi damyǵan qoǵam jáne demokratııalyq memleket quryp, HHI ǵasyrdyń ortasyna taman otyz eldiń qataryna kirý sekildi ulan-ǵaıyr tarıhı mindetter tur. Osy rette «Nur Otan» partııasy Otanymyzdy meken etetin júzdegen ult pen ulysty uıystyratyn, Prezıdentimizdiń memlekettik baǵytyn oryndaýdy qamtamasyz etetin biregeı saıa­sı kúsh retinde tanymal ekenin aı­ta ketken jón. Partııanyń HV se­zin­de qabyldanǵan «Nur Otan. Nur­ly bolashaq jolynda!» tuǵyrna­masynda anyq jazylǵandaı, bar baqy­tymyzdyń bastaýy, negizgi jetis­tigimiz Táýelsizdik bolsa, basty ıdeıa­myz – Qazaqstandy órkendetý. Qazirgi tańda elimizdi serpin­direk, dáýlettirek órkendetýdiń al­ǵysharttary jan-jaqty jasalǵanyn kúndelikti ómirde aıqyn sezinip júrmiz. Alysqa barmaı-aq, ýnıversıtet ómirinen mysaldar keltirýge bolady. Respýblıkadaǵy irgeli oqý ordasy Qazaqstannyń akkredıtteý jáne reıtıng agenttigi keńesiniń sheshimimen 5 jyl mer­zimge akkredıtteýden sát­ti ótti. Demek, osy ýaqyt ishinde óziniń joǵa­ry mártebesin saqtaı alady degen sóz. El­basy usynǵan ózara is-qımyldyń jańa qaǵıdat­tarynda bilimdi urpaq daıyndaýǵa erekshe mán berilgen. Ýnıver­sıtet túlekteri eńbek naryǵyn­da suranysqa ıe, básekege qabi­letti bolý jumystaryn jan-jaqty júrgizýge erekshe mán berip otyrmyz. О́tken jyly radıotehnıka, elektronıka, aqparattyq júıe (bakalavrıat pen magıstratýra), ınformatıka (bakalavrıat) mamandyqtary boıynsha álemdik standartqa saı dıplomdar alý quqyǵyn ıelendik. Ýnıversıtet tájirıbesinde qazirgi bilimniń ozyq dástúrlerin tereń meńgerý maqsatymen ozyq tehnologııalar júıeli qoldanylady. Bul qadamdar ǵylymı-zertteý ju­mys­tary aıasynda ınnovasııalyq júıeni engizýge, ekonomıkalyq bilikti kadr­lar ázirleýge, bilim sapasyn jetildirýge oń yqpal eteri sózsiz. Jalpyǵa ortaq tabystyń basty faktorlary – birlik pen kelisim, tól mádenıet pen rýhanılyq, ádiletti áleýmettik saıasat, zııatkerlik ult. Tıimdi memlekettik basqarý jolynda «Nur Otan» partııasynyń kezekten tys forýmy naqty baǵyt-baǵdar ustap, memleket pen azamattyq qoǵamnyń ózara tıimdi is-qımyl baǵdarlamasyn taǵy bir aıqyndap beretini anyq. Janar TALASBAEVA, M.Qozybaev atyndaǵy SQMÝ janyndaǵy Til ınstıtýtynyń dırektory, fılologııa ǵylymdarynyń kandıdaty, sezd delegaty. Soltústik Qazaqstan oblysy.

Jańa baǵdarlama qabyldanady, jańa ıdeıalar aıtylady

Qazir álem elderiniń qarjylyq ahýa­ly da, ekonomıkalyq órkendeýi de barshany alańdatyp otyr. О́ıtkeni, álemdik ekonomıkanyń órge basýyna ózindik áseri mol munaı baǵasynyń birese qymbattap, birese arzandap, san qubylýy jahan jurtyn ǵana emes, kóptegen elderdi de tyǵyryqqa tireı bastady. Bul, árıne, eksportqa munaı tasymaldaýshy elder qataryndaǵy bizdiń otandyq ekonomıkaǵa áser eteri daýsyz. Degenmen, Qazaqstan halqy Elbasy Nursultan Nazarbaevtyń qarjy daǵdarysyna qarsy is-sharalar jasaqtap, otandyq ekonomıkany órkendeý yrǵaǵynan jańyldyrmaıtyn saıasatynyń jemisin kórip otyr. Jalpy, álem elderi qarjy daǵdarysy men munaı baǵasynyń quldyraýynan zardap shekti degenimizben, munyń salqyny otandyq ekonomıkaǵa tıe qoıǵan joq. Táýelsiz Qazaqstannyń bolashaǵyna senetin otandastarymyz «Nur Otan» partııasynyń sezinde elimizdiń áleýmettik-ekonomıkalyq órkendeý kókjıegin odan ári keńeıtýdi kózdegen baǵ­dar­lamalyq qujat qabylda­naryna úmit artady. О́ıtkeni, el-jurt «Nur Otan» partııa­syn halyqqa jaqyn partııa dep tanıdy. Onyń basty sebebi – «Nur Otan» úshin ótinish aıtýshylardyń báriniń talaby mańyzdy, sonyń ishinde, qarapaıym turǵyndardy tolǵandyrǵan máselelerge den qoıyp, oń sheshimin tabýyna atsalysady. Osyǵan dálel retinde, sońǵy jyldary «Nur Otan» partııasyna ótinish aıtýshylar, qoǵamdyq qabyldaý bólimine kelýshiler qatary eselep artqanyn aıtýǵa bolady. Eldiń yqylasy jetekshi partııanyń baǵdarlamasyna aýyp otyr. Osy joly da qarapaıym turǵyndar «Nur Otan» sezinde Elbasy, partııa Kóshbasshysy Nursultan Nazarbaev bul sezde elimizdi álemdik qarjy daǵdarysyna uryndyrmaı, aman alyp shyǵatyn baǵdarlama usynady dep zor úmit artyp otyr. О́zim de dál solaı bolaryna senemin. О́ıtkeni, partııa Tóraǵasy buǵan deıin de bir­neshe baǵdarlamalardyń iske asýy­na uıytqy bolyp keledi. Máse­len, sonyń biri retinde «Máń­gi­lik El» qujatyn ázirleýge ber­gen tapsyrmasyn aıtýǵa bolady. Teginde «Máńgilik El» bolý babalarymyzdan jetken amanat bolýymen ultymyzdyń uly muratyna aınaldy. Endi osy uly muratty iske asyrýdyń praktıkalyq kezeńine qadam basýmen birge, osy maqsattaǵy Ult Jospary da jasaqtaldy. Ult Jospary barsha qazaqstandyq úshin temirqazyqtaı baǵdarly qujatqa aınalyp otyr. Bul jospardaǵy bes ınstıtýttyq re­forma otandyq ekonomıkany jańa deńgeı­ge kóterýge, jalpy, el ıgiligi úshin jumys isteıdi dep oılaımyn. Sonymen birge, básekege qabiletti ult qalyptastyrý – eldiń erteńi úshin mańyzdy qadam bolmaq. Munyń ár óńirde, ár aýdanda, ár aýylda jemisti iske asyrylýyna «Nur Otan» partııasy atsalysa beredi. О́ıtkeni, bizdiń partııanyń basty maqsaty – eń aldymen, árbir aımaqta, eldi mekende, kentte jáne aýylda turǵyndardyń ál-aýqatyn arttyrý men shaǵyn jáne orta kásipkerliktiń kókjıegin keńeıtýdi, ınfraqurylymdardyń jańarýy men ár turǵynnyń órkenıetti qoǵamda ómir súrýin kózdeıdi. Eń bastysy, bul sezde elimizdi daǵ­darystyń qursaýynda qaldyrmaıtyn jańa baǵdarlama, jańa ıdeıa qabyldanady, Parlamant Májilisiniń depýtattyǵyna partııalyq tizimmen saılanatyn kandıdattar talqyǵa túsedi. Bul tizimge eldiń múddesine qyzmet etetin otanshyl, zań shyǵarý isinde kásibı biliktiligi joǵary partııa músheleri tańdalady dep senemin. Erbolat BEKTEMIROV, «Nur Otan» partııasy Atyraý oblystyq fılıaly tóraǵasynyń birinshi orynbasary, sezd delegaty. Atyraý oblysy.