El mereıi ústem bolady

Tótenshe jaǵdaılar sala­syn­daǵy elimizdegi biregeı Kók­shetaý tehnıkalyq ınstıtýtyn­da Elbasynyń Qazaqstan hal­qyna arnaǵan Joldaýyn túsin­dirip, nasıhattaý jóninde keńes bolyp ótti. Ony ınstıtýt bas­shy­synyń orynbasary, podpol­kovnık Saıranbek Bekmaǵam­betov ashyp, kezekti Joldaý kókeıkesti máselelerdi kóterip otyrǵandyǵyn atap ótti. Odan ári sóz alǵan oblystyq ishki saıasat basqarmasynyń basshy­sy Aına Mysyrálimova 1 qań­tardan bastap 5 ınstıtýttyq reformany júzege asyrý boıyn­sha «100 naqty qadam» Ult Jos­paryn oryndaýdyń praktıkalyq kezeńi bastalǵanyn, bul barlyq qıyndyqtardy jeńýge sep bolaty­nyn jáne ult múddesi úshin jasalǵan baǵdarlama eken­digin tilge tıek etti. Sondaı-aq, búgingi daǵdarys ýaqytynda jastardyń birqatary jumyssyz júrgendigi, bizde qurylysshy, elek­trık sııaqty mamandardyń jetis­peıtindigi, osyǵan oraı jas­tardyń ámbebap mamandyqtardy ıgerýi qajettigi týraly pikirlerin ortaǵa saldy. Joldaý júktegen mindettiń biri osy bolyp tabylady. Podpolkovnık Dáýlet Shaıa­hımov Prezıdent Joldaýynyń «Máńgilik El» bolýdy maqsat etken mán-mańyzyna toqtalyp, bul jastarǵa da orasan jaýap­ker­shilik júkteıtinin alǵa tartty. Oqý-ádistemelik bóliminiń aǵa oqytýshysy, kapıtan Ásem Bek­muhambetova óz sózin ult bolashaǵy bilimdi jastardyń qolynda dep túıindedi. Joldaýdyń qoǵamymyz úshin alar orny erekshe ekenin jaq­sy biletin jastar da sóz alyp, álemdi dúrliktirip jatqan qıyn­dyqtardan oıdaǵydaı shyǵa­tyndyǵymyzǵa, ózderiniń paryzy týǵan elin, Otanyn kózdiń qara­shyǵyndaı qorǵaý ekenine nyq senimderin bildirdi. Baqbergen AMALBEK, «Egemen Qazaqstan». KО́KShETAÝ.