«Aspanǵa qaraımyn»

áni ózine arnalǵanyn ol qyz bilmeıdi... – «Aspanǵa qaraımyn» áni ózine arnalǵanyn ol qyz bilmeıdi, – deıdi ózin sazgerden góri áýesqoı kompozıtor, áýesqoı kompozıtordan góri asa­ba dep esepteıtin Dáýir Saǵyn­dyqov. – Birde Qaskeleń aýdanyndaǵy Halyqqa qyzmet kórsetý orta­lyǵyna baryp qujattarymdy ret­tep júrgem. Sol jerde men ol qyzdy jolyqtyrdym da ǵa­shyq bolǵanym sonshalyq, nege kelgenimdi umytyp qalǵandaı boldym. Aıta keteıin, ol qyzdyń tal boıynda bir min joq, naǵyz hor qy­zyndaı kózime ottaı basyldy. Sodan ertesine qujattarymdy arqalap taǵy bardym. Keshe kórgen sulýlyq sulýlyq pa, ekinshi kórgenimde ol qyz keshegiden de qulpyryp turdy. Ǵashyq bolsań aýzyńa sóz de túspeıdi eken, úndeı almaı, kórkine tamsanyp qaıttym. Úshinshi kúni taǵy barýǵa məj­­búr boldym. Úshinshi kórgen su­lýlyǵymdy sózben aıtyp jet­kizý múmkin emes, aldynda kórgenimnen de kórikti bolyp ketkendeı kórindi. Ne kerek, men ol qyzǵa kədimgideı ólerdeı ǵashyq boldym. Atyn da suraı almaı kete bardym. Sodan sol qyz kóz aldymnan ketpeı qınaldym. Maza ketip, tún ortasy uıqydan oıanyp dalaǵa shyǵyp, beıtanys arýdy armandap otyryp: «Aspanǵa qaraımyn, Juldyzdy sanaımyn. Sol juldyzdyń ishinde, Sen joqsyń araılym. Armany talaıdyń, Baǵyma balaımyn. Men seni súıemin! Men seni qalaımyn!» dep birinshi qaıyrmasy aýzyma túse berdi. Úıge kirgen boıda jalǵastyryp, shýmaqtaryn da sətti jazyp shyqtym. Sonymen, bul ən eki saǵattyń ishinde jazylǵan týyndy bolyp shyǵa keldi, – deıdi Dáýir. Dáýir Saǵyndyqovtyń munan basqa «Aıym-Kúnim», «Eligim», «O, mahabbat», «Erkele» degen án­deri halyqtan jap-jaqsy baǵasyn alǵanyn aıtý kerek. Áıtpese, bar bolǵany Qy­zyl­ordadaǵy bes jyldyq dombyra mek­tebin bitirgen áýesqoı sazgerdiń oǵan deıin de «Əke», «Patshaıym», «Renjime» syndy ənderi bar. Qys­qasy, bul jigit ózin sazgermin dep esh áspettemeıdi. Tabıǵı talant, Allanyń bergen qabileti. Al endi bir án – oryndaýshy­larymyzdyń abyroıyn túsirip, bir án – kóterip jatqan ónerdegi báseke nópirinde Abaı Begeıdiń atyn shyǵarǵan «Aspanǵa qaraı­myn» ekenin ózi de moıyndaıdy. Shoý-bızneske eresek bolǵanda qosylǵan ánshiniń buǵan deıingi «Muńaıma, Úrbıbi» qulaqqa ja­ǵym­dy estilse de, toı-tomalaqta jıi shyrqalatyn ol án «Aspanǵa qaraı­myndaı» baǵy ashylmaǵanyn bilemiz. Úlken ónerdiń soqpaǵynda segiz jyl sergeldeń bolǵan oryndaýshy, áıtpese, 10 jasynan bastap óz ánin izdep kelgen. Sonymen bú­ginde úlken konsertterdiń dúr­meginde júrgen Abaı Begeı Aqtóbe qalasyndaǵy mýzykalyq ýchılısheni támamdaǵan. Al juldyzyn jaqqan «Aspanǵa qaraımynnyń» áni de, sózi de qyzylordalyq kompozıtor Dáýir Saǵyndyqovtyń enshisinde ekenin joǵaryda jazdyq. Ony ánshi osydan úsh jyl buryn avtorynan attaı qalap, satyp alǵan. Biz «Aspanǵa qaraımyn» ánin Kýba eliniń «Sin Frontera» atty tanymal toby Abaı Begeımen qosyla shyrqaǵanyn kórdik. Biraz ýaqyt qazaq estradasynyń hıtyna aınalǵan ándi árqaısysy bir kezderi Kýbadaǵy tanymal toptardyń múshesi bolǵan – Rodyn Fernandez, Omar Arango Torres, Efrain Yohandi Fuentes qazaq án­shisi Abaı Begeımen birge oryndady. Aıtqandaı, kýbalyqtar Qazaq­stanǵa kelip-ketip, óner kórsetip júrgenine 4-5 jyldaı boldy. Al olar «Aspanǵa qaraımyndy» tyń­dap alyp, óz betterinshe oǵan aranjırovka jasap, Abaı Begeıdi taýyp alǵansha da eki aı ótedi. Osylaısha, qyzýqandy kýbalyq motıvke ıe bolǵan án burynǵydan da hıt bola tús­kenin moıyndaý kerek. Bul ánsiz qazaqtyń toıy ót­peı turǵan tusta, «Aspanǵa qaraı­mynnyń» yrǵaǵy qyrǵyz kór­shilerimizge de óte-móte unap, áni­mizge jıendik jasaǵan... Sol sııaqty Reseı ánshisi Tı­matı de konsertterin «Aspanǵa qaraımyn» ániniń kompozısııasymen ashyp, sonyń mýzykasymen japqany da keshe. Áleýmettik jelilerde otyr­ǵan aǵaıyndar Tımatıdiń Asta­nada, Baký men Túrkııada ót­ken kon­sertterin Abaı Begeıdiń oryn­daýyndaǵy nusqamen bastaǵanyn biledi. – Eldiń aıtýynsha, «Aspanǵa qaraımyn» Tımatıdiń qazirgi súıikti áni kórinedi. Bireýler ony talǵamy joq dep kústanalaǵysy kel­se de, eshkim ony Tımatıge kúsh­tep tańǵan joq. Bizdiń jigitter Tı­matımen baılanysqa shyqqan. Kýbalyqtar da óz elinde osy ánge klıp jasap, bir shýmaǵyn óz til­derinde shyrqap júr. Olar bul ándi ózderiniń «bata» deıtin barabandaryna salyp aıtady, – deıdi ánshi Abaı Begeı. Qalaı desek te, Dáýir Saǵyn­dyqovtyń biraz dáýreni júrdi. Bir jaǵynan osynaý ánniń tanymal bolýyna 1 telekanaldyń «Dý qol shokolad» ıýmorlyq shoýy jasaǵan rolıkten keıin Qazaq radıosynan rotasııalanýy da jaqsy septigin tıgizdi. Rejısser Nurym Adaı osy baǵdarlamada qazaq ánin Beyonce men reper Jay-Z Drunk in Love klıpimen «býdandas­tyryp», rolık birden tanymal saıttar men áleýmettik jelilerdi kezip ketken bolatyn. Beıonseniń bıi­men óte úılese ketken án ózge til­de sóı­leıtin áleýmetti de jalt qaratty. Áıtpese, Abaı Begeıdiń án qor­jynynda Ulyqpan Joldasovtyń «Ańsaǵanym», Nurlan Espanovtyń «Sezim qamaly», «Baǵalym» (sózi Rınat Zaıytovtiki) sııaqty birqatar táp-táýir ánder bar. Al tabıǵı talant Dáýir Saǵyn­dyqov jýyrda «Shans» degen əni jaryqqa shyqqaly turǵanyn aıtady. Amandyq bolsa, osy ánim de hıt bolady, deıdi áýesqoı sazger ázil-shynyn aralastyryp. Aınash ESALI, «Egemen Qazaqstan». ALMATY.