Jambyl oblysynda balanyń ólimine qatysty qylmystyq is qozǵaldy

TARAZ. 29-qańtar. Osy aptada Jambyl oblysy, Turar Rysqulov aýdanynda 2008 jyly týylǵan jas balanyń qazasyna baılanysty qylmystyq is qozǵaldy. Bul týraly egemen.kz tilshisi habarlady. О́tken aptada asylyp qalǵan bala týraly aqparat taraǵan bolatyn. El ishinde marqum balany áldebireý ábden jábirlep, qorlap, sońynan aǵashqa asyp ketkeni týraly da áńgime shyqty. Keıinirek balanyń anasy eki balasymen ekinshi márte kúıeýge shyqqany, bul oqıǵa sol kúıeýiniń úıinde oryn alǵany anyqtaldy. 25-qańtar kúni bolǵan oqıǵaǵa baılanysty osy aptada Qylmystyq kodekstiń «Adam óltirý» jáne «Nápsiqumarlyq sıpattaǵy kúsh qoldaný is-áreketteri» babtary boıynsha qylmystyq is qozǵaldy. Tergeý jumystary kezinde jas balalarǵa jábir kórsetý faktileri anyqtaldy. О́geı áke jas bala men onyń qaryndasyn uzaq ýaqyt boıy qorlap, jábirlep kelgen. Osyǵan baılanysty 1980 jyly týylǵan onyń ústinen Qylmystyq kodekstiń jábir kórsetý baptary boıynsha qylmystyq is qozǵaldy. Jas balalarǵa óte qataldyq tanytqan ógeı áke qazir aýdandyq sottyń sheshimimen 2 aıǵa qamaýǵa alyndy. Oralhan Dáýit. Derek, sýret: egemen.kz