Astanada «Nur Otan» partııasynyń kezekten tys XVII sezi bastaldy

ASTANA. 29 qańtar. Astanadaǵy Táýelsizdik saraıynda Elbasy – «Nur Otan» partııasynyń tóraǵasy Nursultan Nazarbaevtyń tóraǵalyǵymen partııanyń kezekten tys XVII sezi bastaldy. Bul týraly inform.kz-ke silteme jasaǵan egemen.kz tilshisi habarlady. Jıynǵa 2 myńnan asa delegat qatysýda. Olardyń qatarynda respýblıkanyń barlyq óńirlerindegi konferensııalarda saılanǵan delegattar, memlekettik basqarý organdarynyń, ulttyq holdıngterdiń, bilim, ǵylym, mádenıet jáne sport qaıratkerleri, qoǵam, dıplomatııalyq korpýs, úkimettik emes jáne jastar uıymdarynyń, buqaralyq aqparat quraldarynyń, bastaýysh partııa uıymdarynyń ókilderi bar. Sezde negizgi baıandamany Prezıdent jasap, partııa aldyna jańa baǵdarlama aıasynda naqty mindetter qoıady dep kútilýde. Sondaı-aq, «Qazaqstan-2021. Birlik. Turaqtylyq. Jasampazdyq" atty jańa saılaýaldy baǵdarlama qabyldanbaq. Baǵdarlama qabyldanǵannan keıin 20 naýryzda ótetin Parlament Májilisiniń saılaýyna úmitkerlerdiń partııalyq tizimi bekitiledi. Elaman Qońyr. Derek: inform.kz. Sýret: altaynews.kz.