Fransııanyń belgili avtokonserni Iranda qurastyrylatyn bolady

ASTANA. 29 qańtar. Fransııanyń áıgili PSA Peugeot Citroen avtokonserni Iran memleketinde qurastyrylatyn bolady. Bul týraly interfax.ru saıtyna silteme jasaǵan egemen.kz tilshisi habarlady. Iran prezıdenti Hasan Roýhanıdyń Fransııaǵa barǵan saparynda Iran Khodro men Peugeot avtokompanııalary arasynda kelisimshart jasaldy. Birlesip kásiporyn ashqan soń, fransııalyq kóliktiń úsh úlgisi shyǵarylady. Sondaı-aq, Iran halqyna arnalǵan kóliktiń eki túrin oılap tappaq. Jergilikti mamandardyń aıtýynsha, 2014 jyly Iranda 900 myń jeńil mashına satylyp, 1,1 mıllıon jeńil júk kóligi shyǵarylǵan. Bul jalpy ishki ónimniń 10 paıyzyn quraıdy. Hasan Roýhanıdyń Parıjge barǵan saparynda 15 mıllıard eýro kóleminde birqatar kelisimshart jasaldy. Olardyń qatarynda Airbus áýe kompanııasynyń 118 ushaǵyn satyp alý jónindegi ózara kelisim de bar. Aıta keteıik, Iranǵa salynǵan sanksııalar alynǵan soń, 500-ge jýyq jańa jolaýshylar ushaǵynyń qajet ekenin avıasııa uıymy málimdegen bolatyn. Aıan Ábdýálı. Derek: interfax.ru. Sýret: challenges.fr.