Abyroımen atqarady

«Nur Otannyń» el arasyndaǵy bedeli, abyroıy óte zor. Qazir ádildik izdegen halyq eń aldymen osy partııanyń esigin qaǵady. Bul partııanyń talaı jylǵy tynymsyz eńbeginiń nátıjesi ekeni anyq. Halyq ta el ıgiligin kózdeıtin, el múddesin qorǵaıtyn partııaǵa qoldaý kórsetip, qasynan tabylyp keledi. Mine, halyqpen etene tyǵyz aralasyp ketken bas partııanyń kezekten tys sezin teledıdardan bastan-aıaq kórdim. Elbasynyń sózin tyńdadym. Sezde partııanyń usynýymen, eldiń qoldaýymen partııanyń Parlament Májilisi depýtattyǵyna úmitker kandıdattarynyń tizimi jarııa etildi. «Nur Otannyń» kezekten tys XVII sezi bárimizdiń kóńilimizden shyqty. Partııamyzdyń saılaýaldy tuǵyrnamasy eldik múddeni, birlikti, berekeli tirlikti qamtydy. Memleket ekonomıkasynyń artýy­na da basa nazar aýdaryldy. Elbasy, partııanyń Tóraǵasy Nursultan Nazarbaevtyń sezde aıtqan oılary bárimizdiń júregimizdiń tórinen oryn aldy. Tolǵandyrdy. Bas partııanyń saılaýaldy tuǵyrnamasy bes ınstıtýttyq reforma sheńberindegi Ult Jospary – «100 naqty qadamnyń» negizgi baǵyttaryn eske sala otyryp ázirlegeni de kókeıge qondy. «Bul qıyndyqtan da ótemiz degen oıdamyn. Múmkin, bizge buǵan úırený kerek shyǵar. Bul kúrdeli kezeń uzaqqa sozylady dep oılaımyn. Bul jaqsy da shyǵar, múmkin. Biz sizdermen birge qajetti is-sharalar qabyldaýymyz kerek», degen Elbasynyń elimizdiń bolashaǵy úshin naqty qadamdar jasaýǵa shaqyrǵan jalyndy sózi de bizdi jigerlendirdi, qanattandyrdy. «Nur Otan» partııasy aldaǵy ýaqytta da osy oıdyń údesinen shyǵyp jáne jańa ıdeıalarmen aldaǵy saıası naýqandy abyroımen atqaratyndyǵyna senemin. Murathan ShÚKEEV, Baızaq aýdanynyń ákimi. Jambyl oblysy.