Qurmetti forýmǵa qatysýshylar! Qazaqstannyń jas azamattary zamandastar!
Biz, óńiraralyq jastar forýmyna qatysýshylar Qazaqstan jastaryn elimizdiń órkendep damýy jolynda aıanbaı eńbek etýge jáne azamattyq belsendilik tanytýǵa shaqyramyz.
Biz, Aqtóbe oblysynyń jastary Qazaqstan Respýblıkasy Táýelsizdiginiń 25 jyldyǵyna arnalǵan «Bolashaqqa 25 qadam» is-sharalar destesi bastalǵandyǵyn jarııalaımyz! Merekelik naýqan aıasynda:
- «25 ıgi is» qaıyrymdylyq marafony («Ardagerlerdi ardaqtaıyq» ardagerler men múgedekterge kómek kórsetý, «Qamqorlyq» jetim balalar men az qamtylǵan otbasylarynan shyqqan balalardy qoldaý jónindegi aksııalar, jastardyń boıynda jáne jalpy qoǵamda áleýmettik sanany qalyptastyrý men áleýmettik bastamalarǵa yntalandyrý maqsatyndaǵy sharalar);
- «Ár kún sportpen shuǵyldan!» sporttyq estafetasy (jastar arasynda sporttyq saıystar, salamatty ómir saltyn, buqaralyq jáne aýla sporty túrlerin nasıhattaýǵa baǵyttalǵan aksııalar);
- «Babalar izimen» tarıhı-mádenı jobasy (Qazaqstan halqynyń uly tarıhı-mádenı ıgilikterin, shyǵarmashylyq pen ónerdiń biregeı úlgilerin nasıhattaýǵa arnalǵan mádenı sharalar);
- «Ekotrend» ekologııalyq marafony (qorshaǵan ortany qorǵaýǵa, energotıimdilikti damytýǵa arnalǵan ekologııalyq aksııalar, jastar senbilikteri);
- «Bolashaqtyń 25 ıdeıasy» jobasy (ónertapqyshtar men jas ǵalymdardyń ınnovasııalyq jobalarynyń konkýrstary, kórmeleri).
