ASTANA. 30 qańtar. Qazaqstan Aeroutqyr áskerleriniń 61993 áskerı bóliminiń bazasynda bokstan áskerıler arasyndaǵy Qazaqstan chempıonattyń fınaldyq jekpe-jekteri ótti. Bul týraly egemen.kz tilshisi habarlady.
Fınalǵa 80 armııashy sportshy qatysty.
Boksshylardyń sheberlikterine joǵary sanatty tóreshiler baǵa berdi. Olardyń sheshimimen jalpykomandalyq esepte 61993 áskerı bóliminiń komandasy jeńis tuǵyrynan kórindi, ekinshi oryndy 32363 áskerı bóliminiń jaýyngerleri ıelense, úshinshi oryn 18404 áskerı bóliminiń boksshylaryna buıyrdy.
Qorǵanys mınıstrligi Ortalyq apparatynyń VI Spartakıadasy sheńberinde armrestlıngten chempıonat ótti. Jalpykomandalyq esepte Qurlyq áskerleri bas qolbasshysy basqarmasynyń áskerı qyzmetshileri chempıon atandy. Ekinshi oryndy 19132 áskerı bóliminiń sportshylary ıelense, úshinshi orynǵa QM Áskerı polısııa jasaǵy ıe boldy.
Qazaqstannyń Qarýly Kúshterinde buqaralyq jáne kásibı turǵydaǵy sportpen shuǵyldanýǵa asa mán beriledi. Búginde Qorǵanys mınıstrligi sport klýbynyń bes sportshysy Rıo-de-Janeıroda ótetin Olımpıadaǵa joldamany jeńip aldy. Qazirgi ýaqytta AOSK-nyń áskerı qyzmetshileri sporttyń 15 túrimen shuǵyldanady.
Dastan Kenjalın.
Derek, sýret: Qazaqstan Respýblıkasy Qorǵanys mınıstrligi.
