Djokovıch Australian Open týrnırin 6-ret jeńip aldy

ASTANA. 31 qańtar. Búgin tennısten «Úlken dýlyǵa» sanatyndaǵy Avstralııa ashyq chempıonaty máresine jetti. Eki aptaǵa jalǵasqan týrnırdiń erler arasyndaǵy básekesinde serb tennısshisi Novak Djokovıch jeńiske jetti. Ol fınalda aǵylshyndar senim artqan Endı Marreıden úsh sette 6:1, 7:5, 7:6 esebimen basym tústi. Bul týraly egemen.kz tilshisi habarlady. Osylaısha, 28 jastaǵy Djokovıch atalǵan saıysty 6-ret jeńip otyr. Ol buǵan deıin Australian Open týrnırinde 2008, 2011, 2012, 2013 jáne 2015 jyldary top jarǵan bolatyn. Sondaı-aq, serbııalyq úshin bul «Úlken dýlyǵa» týrnırlerindegi 11-jeńis ekenin atap ótken jón. Al onyń qurdasy Marreı osymen 5-ret Avstralııa ashyq chempıonatynyń fınalynda jeńildi jáne sonyń tórteýinde dál osy Djokovıchke ese jibergen edi. Aıta keteıik, keshe áıelder arasyndaǵy saıysta sensasııalyq nátıje tirkelip, Germanııa sportshysy Angelık Kerber chempıon atandy. Ol sheshýshi kezdesýde azýly qarsylas – amerıkalyq Serena Ýılıamsty 6:4, 3:6, 6:4 esebimen jeńip, «Úlken dýlyǵa» týrnırin alǵash ret jeńip aldy. Elaman Qońyr. Derek: egemen.kz. Sýret: sport-express.ru.