Qostanaıda eki qabatty jataqhana janyp ketti

QOSTANAI. 1 aqpan. Qostanaı qalasyndaǵy Ahmet Baıtursynov atyndaǵy ortalyq kóshede ornalasqan eki qabatty jataqhana kúlge aınaldy. Abyroı bolǵanda, qyzyl órttiń qurbany bolǵan eshkim joq, turǵyndar tez arada qaýipsiz jerge kóshirildi. Bul týraly ng.kz saıtyna silteme jasaǵan egemen.kz tishisi habarlady. Jataqhanada jalǵa tapsyrylǵan 26 bólme bolǵan. Onyń árqaısysynda bir otbasydan turǵan, kishkentaı balalar kóp. Kýágerlerdiń aıtýyna qaraǵanda, órt tústen keıin saǵat 15:00-de bastalǵan. Jataqhana kókbazarmen irgeles ornalasqandyqtan onyń aınalasynda adam da, kólik te kóp. О́rt sóndirý mashınasy qaptaǵan kólikten jataqhanaǵa óte almaı biraz ýaqyttan utylǵan. Eń bastysy, jataqhanadaǵy turǵyndar dúnıe-múlkin almasa da, ózderi dalaǵa shyǵyp úlgergen. Olardyń kıim-keshegi, zattary, qujattary túgel janyp ketti. Turǵyndar 25 gradýs aıazda jeleń jeıdelerimen dalada qaldy. Jataqhana turǵyndarynyń barlyǵy da gaz ballonyn nemese elektr plıtalaryn paıdalanǵan eken. Olar órt qaýipsizdigine jataqhanada jaǵdaı bolmaǵanyn, áıteýir erteli-kesh órt bolatynyn aıtty. №1 órt sóndirý bólimshesiniń qyzmetkeri Samrat Nurkın: «О́rtti sóndirý óte kúrdeli, óıtkeni, úıdiń salyný qurylymynyń ózi túsiniksiz. Jataqhanada gaz ballony kóp, mine, eki ballon jaryldy», – dedi. Turǵyndar jataqhana ıesine aıyna 25 myń teńgeden tólep turǵan. Názıra Járimbetova. Derek, sýret: ng.kz.