Soltústik Qazaqstanda jylytý kabelderin shyǵaratyn zaýyt ashyldy

PETROPAVL. 1aqpan. Qyzyljar óńirinde bıyl Indýstrııalandyrý kartasy sheńberinde birinshi joba iske qosylyp, jylytý kabelderin  jasaıtyn zaýyt saltanatty túrde ashyldy.  Bul týraly oblystyq ındýstrııalyq-ınnovasııalyq damý basqarmasyna silteme jasaǵan egemen.kz tilshisi habarlady. Zaýyttyń ashylý rásimine qatysqan oblys ákimi Erik Sultanov ındýstrııalyq-ınnovasııalyq salany damytý  basym baǵyttardyń biri bolyp  tabylatynyn, aımaq  shetelden ınvestısııalyq qarjy tartýda respýblıkada birinshi oryndy ıelenetinin, ekinshi besjyldyqta 16-shy jobanyń paıdalanýǵa berilgenin jetkizdi. Álemniń 60 elimen tyǵyz áriptestik baılanys ornatqan BARTEC kompanııasy basshylyǵynyń TMD boıynsha kabeldiń osy túrin shyǵaratyn alǵashqy kásiporyndy turǵyzý úshin teriskeıdi tańdap alýyna shekaralas aımaqta ornalasýy yqpal etken. Onyń qurylysyna 600 mıllıon teńge qarajat bólinip, aıyna 250 myń metr  kabel óndirý josparlanǵan. Germanııadan, Shveısarııadan jáne Fransııadan ákelinip, ornatylǵan zamanaýı tehnologııalar ekologııalyq jaǵynan taza ónim shyǵarýǵa baǵdarlanǵan. Alǵashqy kezeńde 15 adam jumyspen qamtylsa, tolyq qýatyna qosylǵan kezde qosymsha  30 jumys orny ashylady. «Jylytý kabelderin turǵyn úı-kommýnaldyq sharýashylyq , munaı, gaz, hımııa, farmasevtıka salalaryna keńinen paıdalanýǵa bolady. Jasalý tehnologııasy halyqaralyq talaptarǵa saı keletindikten, qaýipsiz sanalady», – deıdi BARTEC kompanııasynyń atqarýshy dırektory Haık Laýbhaımer О́mir Esqalı. Derek, sýret: Soltústik Qazaqstan oblystyq ındýstrııalyq-ınnovasııalyq damý basqarmasy.