Úılesimdi is-qımyl kezeńi

Elbasy Nursultan Nazarbaev Energetıka mınıstri Vladımır Shkolnıkti qabyldady, dep habarlady Prezıdenttiń baspasóz qyzmeti. Kezdesý barysynda V.Shkol­nık Memleket basshysyna munaı-gaz sektoryndaǵy jáne elektr ener­ge­tıkasy, qorshaǵan ortany qorǵaý, atom salalaryndaǵy ahýal men mınıstrliktiń basqa da baǵyt­taǵy jumystary týraly baıandady. Sondaı-aq, kómirsýtegi shı­ki­zaty baǵasynyń tómendigine baılanysty týyndaǵan daǵdarysty eńserý jóninde mınıstrlik pen Úkimet qabyldap jatqan sharalar da qarastyryldy. Memleket basshysy energetıka salasyndaǵy barlyq perspektıvaly jobalardy, sonyń ishinde Qashaǵan kenishin iske qosý, Teńiz kenishin keńeıtý, Qarashyǵanaq kenishin keńeıtýdiń ekinshi kezeńi sııaqty jobalardy júzege asyrý qajettigine nazar aýdardy. Energetıka mınıstri munaı óndirisin 77 mln. tonnaǵa deıin tómendetý jóninde bıylǵy jylǵa qarastyrylyp otyrǵan kólemdi keıin Qashaǵan kenishin iske qosý esebinen toltyrý josparlanyp otyrǵanyn málimdedi. – Munaı baǵasynyń tómendigi barlyq kompanııalardy óz bıýd­jetin qysqartý maqsatymen qaıta qaraýǵa, ónimniń ózindik qunyn azaıtýmen aınalysýǵa májbúrledi. Álemniń barlyq elindegi sııaqty, únemdeý rejimi engizildi, biraq eldiń munaı-gaz sektoryndaǵy jumysshylardy bosatýǵa jol berilgen joq, – dedi V.Shkolnık. Memleket basshysy kezdesý qorytyndysy boıynsha birqatar naqty tapsyrma berdi. Sýretterdi túsirgender S.BONDARENKO, B.OTARBAEV.