Kandıdattardy usyný merzimi aıaqtaldy

Keshe Qazaqstan Respýblıkasy Ortalyq saılaý komıs­sııasynyń tóraǵasy Qýandyq Turǵanqulov jýrnalıs­terge brıfıng ótkizip, Májilis jáne máslıhattar saılaýlary jóninde habardar etti. OSK basshysynyń aıtýynsha, partııalyq tizimder boıynsha saılanatyn Qazaqstan Respýblıkasy Parlamenti Májilisiniń depýtattaryn saılaýdy ázirleý men ótkizý jónindegi negizgi is-sharalardyń kúntizbelik josparyna sáıkes 2016 jylǵy 8 aqpanda kandıdattardy usyný aıaqtaldy. «Kandıdattardy usyný is-sharalary Konstıtýsııaǵa jáne saılaý zańnamasyna tolyq sáıkestikte ótti. QR OSK-ǵa barlyǵy 6 saıası partııanyń – «Nur Otan» partııasynyń, Qazaq­stan­nyń «Aq jol» demokratııalyq par­tııasynyń, «Aýyl» halyqtyq-demo­kra­tııalyq patrıottyq partııa­synyń, Qazaqstan Kom­mýnıstik halyq partııasynyń, Jal­pyult­tyq sosıal-demokratııalyq par­tııasynyń jáne «Birlik» saıası partııasynyń tizimderi, jalpy sany 234 kandıdat usynyldy. Qa­zirgi ýaqytta «Nur Otan» par­tııasynyń, «Aq jol» QDP-nyń, «Aýyl» HDPP-nyń jáne QKHP-nyń partııalyq tizimderi tirkeldi», – dedi Q.Turǵanqulov osy másele jóninde. Kandıdattar quramynda on ult­tyń ókili bar. Tirkelgen kan­dı­dat­tardyń 80 paıyzy er adamdar, 20 paıyzy áıelder. Kandıdat­tar­dyń 99 paıyzdan astamy joǵary bilimdi. Partııalyq tizimin tirkegen par­tııalar saılaý qorlaryna qara­jat jınaý úshin arnaıy shot­tardy ashý jóninde jumys júrgizýde. Sonymen birge, saıası partııalardyń jáne máslıhattar depýtattyǵyna kandıdattardyń saılaý qorlaryn tirkeý de júrgi­zilýde. JSDP jáne «Birlik» partııa­larynyń tizimderine engizil­gen kandıdattarǵa qatysty qazirgi ýaqytta olardyń Konstıtýsııanyń jáne «Saılaý týraly» Zańnyń talaptaryna sáıkestigin tekserý jalǵastyrylýda. Ortalyq saılaý komıs­sııasy­nyń tóraǵasy Qýandyq Tur­ǵan­qulovtyń habardar etýinshe, OSK men aýmaqtyq saılaý ko­mıs­sııalary saılaýdy uıymdastyrý­shy­lardy oqytý jónindegi jumys aıasynda 407 semınar, keńes jáne trenıng ótkizgen. «Saılaý úderisine oblys, qala jáne aýdan deńgeıinde barlyq qatysýshylar úshin taǵy 573 semınar ótkizý josparlanyp otyr», – dedi ol ári qaraı. – Jýyq arada Ortalyq saılaý komıssııasy úgit naýqanyn ótkizý máseleleri jóninde eki semınar uıymdastyrady. Bireýi respýblıkalyq BAQ basshylary úshin, al ekinshisi saılaýǵa qatysatyn saıası partııalardyń ókilderi úshin». Onyń aıtýynsha, saılaýǵa qatysty OSK-ge kelip túsken barlyq ótinishterge ýaqtyly jaýap berilgen. Budan keıin Qýandyq Turǵanqulov elektorattyq naýqan bastalǵannan beri QR OSK-ge jeke jáne zańdy tulǵalardan 25 ótinish kelip túskenin atap ótti. «Olardyń 52 paıyzy Parlament Májilisi depýtattaryn saılaý jóninde, 48 paıyzy máslıhattar depýtattaryn saılaý jóninde boldy», – dedi ol. Ortalyq saılaý komıs­sııa­synyń elektrondy mekenjaıy­na 10 ótinish joldanypty. Olar­dyń toǵyzynda saılaý zańna­masy­nyń normalaryn túsindirý aıtyl­sa, taǵy bireýi saılaý komıs­sııa­larynyń qyzmetin uıymdastyrý máselelerine qatysty ótinish kórsetilgen. Q.Turǵanqulov, sondaı-aq, máslıhattar depýtattyǵyna kandıdattardy usyný barysy týraly da aqparat berip ótti. Jergilikti ókildi bılik organdaryna daýysqa túsetin azamattardyń belsendiligi joǵary ekendigin atap aıtty. Onyń aıtýynsha, 2012 jylǵy saılaý naýqanymen salystyrǵanda, bul joly alǵashqy 20 kúnniń ishinde usynylǵan kandıdattardyń sany eki esege ósken. «8 aqpandaǵy saǵat 19-00-degi málimetter bo­ıyn­sha barlyq deńgeıdegi máslı­hat­tar depýtattyǵyna 4870 kandı­dat – 581-i – oblystyq máslıhat­tarǵa, 21-i – Astana qalasy­nyń máslıhatyna, 95-i – Almaty qa­lasynyń máslıhatyna usynyldy. Aýdandyq máslıhattarǵa 3244 kandıdat, qalalyq máslıhattarǵa – 929 kandıdat usynyldy», – dedi ol osy týraly. OSK basshysynyń keltirilgen málimetterine qaraǵanda, kan­dı­dattardyń 69 paıyzy er adamdar, 31 paıyzy áıelder. Olardyń 66 paıyzynyń joǵary bilimi bar. «Okrýgtik saılaý komıssııalary máslıhattar depýtattyǵyna 568 kandıdatty tirkedi», – dedi sóziniń sońynda Q.Turǵanqulov. Keshe, sondaı-aq, Ortalyq saılaý komıssııasynyń tóra­ǵasy Qýandyq Turǵanqulov pen «Qa­zaq­standaǵy saılaý­dy baı­qaý jó­nindegi respýb­lı­kalyq qoǵam­dyq komıssııa» respýb­lı­kalyq qoǵam­dyq birlestiginiń (SBRQK) tór­­- aǵ­asy Nurlan Erimbetov kezdesti. Ortalyq saılaý komıs­sııa­synyń basshysy Parlament Májilisiniń jáne máslı­hattary­nyń depýtattaryn saılaýdy ótkizýge daıyndyq jónindegi OSK jumysymen tanystyrdy. «Saılaý úderisin baıqaýdy júzege asyratyn uıymdarmen yntymaqtastyq – saılaý naýqanynyń jarııaly ári ashyq ahýalyn qamtamasyz etý jónindegi Ortsaılaýkom qyzmeti baǵyttarynyń biri», – dedi Q.Turǵanqulov. Al N.Erimbetov Ortsaılaýkom múshelerimen jáne saılaý organdarymen yntymaqtasýy tyǵyz ári paıdaly bolatynyna senim bildirdi. «Bizdiń qyzmetimiz saılaý úderisiniń aıqyndyǵyn, saılaýshylardyń óz qalaýyn erkin bildirýin, sondaı-aq, saılaý naýqanyna barlyq qatysýshylar úshin teń jaǵdaıdy qamtamasyz etýge baǵyttalǵan», – dedi ol. Q.Turǵanqulov OSK men qo­ǵam­dyq birlestik arasynda ózara is-qımyl tájirıbesi bar ekendigin aıta kelip, «SBRQK sarapshylarynyń zań buzý­shy­lyqtar týraly bizdi jedel aqparat­tandyrýy mańyzdy. Ol bizge ýaq­tyly áreket jasaýǵa, sondaı-aq, aldaǵy ýaqytta olardy boldyrmaý sharalaryn pysyqtaýǵa múmkindik beredi», – dedi. Keshe, sondaı-aq, «Qazaq­stan Res­pýblıkasynda saılaýdy baı­qaý jónindegi respýb­lı­ka­lyq qoǵamdyq komıssııasy» res­pýblıkalyq qoǵamdyq birles­tiginiń músheleri «Aq jol» partııa­synyń saılaýdaǵy shtabynda boldy. Ondaǵy komıssııa tóraǵasy Nurlan Erimbetov, komıssııa múshesi Amanqul Serikbaev jáne «Aq jol» partııasynyń tóraǵasy Azat Perýashevtyń kezdesýinde aldaǵy saılaý naýqanyna qatysty, onyń ishinde saılaý úderisteriniń ádil jáne ashyq ótýine baılanysty áńgime qozǵaldy. Álısultan QULANBAI, «Egemen Qazaqstan».