Nıkıta Mıhalkovtyń kóz jasy

nemese Muhammed paıǵambar týraly fılmniń tusaýkeseri О́tken aptada Máskeýde par­sy rejısseri Madjıd Mad­jıdıdiń «Muhammed – Jarat­qannyń elshisi» degen fıl­miniń kórsetilimi boldy. Paıǵam­bar­dyń balalyq shaǵyn sýret­teıtin Iran kınematografııa­sy tarıhyndaǵy eń qymbat fılm «Karo 11 Oktıabr» kınoteatryn­da qoıyldy. Ony kórýge kóptegen tanymal juldyzdar keldi. Solar­dyń arasynda belgili rejısser Nıkıta Mıhalkov ta boldy. Sońynan jýrnalısterge bergen suhbatynda Reseı kınosynyń metri alǵan áseri óte kúshti bol­ǵanyn, tipti kórsetilimniń keı tusta­rynda kózine móltildep jas kelip qalǵanyn jasyrmaı aıtyp berdi. Mıhalkov ırandyq rejısserdiń kartınasyn ǵazal poezııaǵa teńedi, al fılmniń ózi bolsa, «naǵyz, taza ıslamǵa» úńilýge múmkindik áperedi. Sonymen birge, rejısser áıteýir bir ýaqytta Iısýs Hrı­stos týraly da osyndaı jaqsy fılm túsirilip qalatynyna úmitte­netinin jetkizdi. «Shynym­dy aıtsam, men Hrıstos týraly da osyndaı kartına túsirilgenin armandaǵan bolar edim», – dep málim­dedi Mıhalkov. Biraq jaý­ap­kershiligi óte joǵary bol­ǵandyqtan, bul jumysty ózi qolǵa alýǵa bata almas edi. Lentanyń Máskeýdegi kórse­tilimine rejısser Madjıd Mad­jıdıdiń ózi de qatysty. «О́ki­nishke qaraı, bul dinge eshqandaı qatystary joq adamdardyń azǵyn­dyǵynan sońǵy kezderi ıslamǵa degen nashar kózqaras qalyp­tasyp otyr. Men sondyqtan óner prızmasy arqyly ıslamnyń shynaıy keskin-kelbeti men naǵyz mánin kórsetkim keldi», – dep túsindirdi ol óz oıyn. Rejısser sondaı-aq kartınany negizinen batys kórermenderine baǵyt ustaı otyryp túsirgenin de jasyrmady. Sebebi, musylman emes qaýym aqıqat ıslamnyń qandaı ekenin Muhammed paıǵambardyń obrazy arqyly tanyp-bilýge tıis. «Muhammed – Jaratqannyń elshisi» – kınematografııa tarıhynda osy kezge deıin Paıǵambar týraly túsirilgen ekinshi kórkem fılm. Kartına Muhammedtiń balalyq jáne jasóspirim shaq­tarynan syr shertedi. Ol Alla elshisiniń ómiri týraly trı­logııanyń birinshi bóligi bolyp tabylady. Fılmdi túsirýge 10 jyl ýaqyt jáne 50 mln. dollarǵa jýyq qarjy jumsalǵan. Rýslan IGILIK.