Ustazdar qýanyshy ortaımasyn

Elbasynyń «Máńgilik El» ıdeıasyn iske asyrý úshin ata-anasyn syılaıtyn, Otanyn súıe­tin, mádenıetti, el tarıhyn jaqsy biletin, el birligi, tole­ranttylyq jáne halyqtar dostyǵyn qurmetteıtin, rýhy baı, eńbeksúıgish, densaýlyǵy myqty, óz ana tilin jáne shet el tilderin meńgergen, sapaly bilim alǵan, adamgershiligi mol, patrıottyq qasıeti joǵary urpaq tárbıeleý – muǵalimderdiń aldynda turǵan uly mindet. Bul ıdeıa barlyq standarttarda, oqý baǵdarlamalary men oqý ádebıetterinde iske asyrylýy tıis. Bilim sapasy qaı eldiń bolmasyn keleshegi, onyń órkendep ósýi, memlekettik qaýipsizdiktiń túpqazyǵy ekeni beseneden belgili. Elimiz ótken jyly básekege qabiletti elderdiń ishinde 42-shi oryndy ıelengen eken. Osylaısha 2006 jylmen salystyrǵanda óz reıtıngin 14 satyǵa jaqsartqany otandastarymyz úshin úlken qýanysh. Memleketimiz 2050 jylǵa deıin básekege qabiletti 30 eldiń qataryna enýi tıis bolsa, onda bilim berý sapasy da sol qatardan tabylýy tıis. Bilim berý salasyna Elbasymyz únemi nazar aýdaryp keledi. Onda júrgizilip jatqan reformalar da Memleket basshysynyń qol­daýyna ıe bolyp otyr. Sondaı-aq, Bes ınstıtýttyq reforma, «Ult Josparyna» sáıkes ústimizdegi jyldyń basynan bastap ustazdar jalaqysynyń edáýir kóterilýi bilim berý qyzmetkerleriniń ju­mys qabiletin arttyryp qana qoı­maı, úlken jaýapkershilik te júktep otyr. «Inemen qudyq qaz­ǵandaı» deýge turarlyq ustaz­dar qyzmetiniń elenýi tek biz úshin ǵana emes, árbir ata-ana úshin de úl­ken qýanysh bolǵany anyq. Bilim berý salasyna jasap jatqan qamqorlyǵy, marapatty kóńili úshin Elbasyna alǵysymyz sheksiz. Juldyz NURLYHANOVA, Ybyraı Altynsarın atyndaǵy orta mekteptiń muǵalimi. Almaty oblysy, Qarasaı aýdany, Shamalǵan beketi.