JSDP-nyń partııalyq tizimi tirkeldi

Keshe Qazaqstan Respýblıkasy Ortalyq saılaý komıs­sııa­synyń otyrysy ótti. Onda Jalpyulttyq sosıal-demokra­tııalyq partııanyń partııalyq tizimin tirkeý týraly qaýly qabyldandy. OSK múshelerin qujat jobasymen Ortalyq saılaý komıs­sııasynyń hatshysy Baqyt Mel­deshov tanystyryp ótti. Qaýly qabyldanǵan soń, Ortsaılaýkom tóraǵasy Q.Tur­ǵanqulov QR OSK-nyń otyrysyna qatysqan JSDP res­pýblıkalyq saılaýaldy shta­by basshysynyń orynbasary A.Ra­hymjanovqa Qazaqstan Res­pýblıkasy Parlamenti Máji­lisiniń depýtattyǵyna kandı­dat­tyń kýáligin tapsyrdy, sonymen qa­tar, JSDP-dan partııalyq tizim­ge engi­zilgen Májilis depýtat­ty­ǵy­na 23 kandıdattyń kýálikterin berdi. 2016 jylǵy 11 aqpandaǵy jaǵ­daı boıynsha Ortsaılaýkomǵa 6 partııalyq tizim usynylǵan. «Nur Otan» partııasynyń, «Aq jol» QDP-nyń, «Aýyl» HDPP-nyń, QKHP-nyń jáne JSDP-nyń par­tııalyq tizimderi tirkeldi. Sondaı-aq, Ortsaılaýkom oty­rysynda «2016 jylǵy 20 naý­ryzǵa taǵaıyndalǵan Qazaqstan Respýblıkasy máslıhattary depýtattarynyń kezekti saılaýy boıynsha daýys berýge arnalǵan saılaý bıýlletenderin daıyndaý jónindegi baspahanalardy aıqyndaý týraly» Qazaqstan Respýblıkasy Ortalyq saılaý komıssııasynyń 2016 jylǵy 4 aqpandaǵy №10/95 qaýlysyna ózgerister engizildi, oǵan sáıkes Almaty qalasy, Almaty, Atyraý jáne Mańǵystaý oblystary úshin máslıhattar depýtattaryn saılaý boıynsha saılaý bıýlletenderin daıyndaýdy «AVK+» JShS júzege asyrady. Álısultan QULANBAI, «Egemen Qazaqstan». Sýretti túsirgen Erlan OMAROV.