Senimge laıyqtynyń baǵy janady

Sońǵy jyldary Atyraýda «Nur Otan» partııasynyń músheleri eselep ósti. Qazir óńirlik fılıal quramynda 32023 belsendi múshe bar. Olardyń bári de partııa baǵdarlamasynyń sátti iske asýyna atsalysyp keledi. Keshe oblystyq fılıaldyń kezekten tys HHI konferensııasynda qalalyq jáne aýdandardaǵy fılıaldardan saılanǵan 180 delegat bas qosty. Olardyń arasynda barlyq salanyń, sonyń ishinde ekonomıka, ónerkásip, aýyl sharýashylyǵy men bilim, densaýlyq saqtaý, mádenıet, sport, sonymen birge, shaǵyn jáne orta bıznes, memlekettik basqarý men qoǵamdyq uıymdardyń ókilderi bar. Delegattardyń basym bóligin, ıaǵnı 98 paıyzyn joǵary bilimdi mamandar qurady. Tipti, 6 ǵylym doktory men kandıdatynyń bolýy partııa músheleriniń ıntellektýaldyq deńgeıi men áleýetiniń joǵarylaı túskenin baıqatady. Konferensııada aldymen fı­lıal tóraǵasy, oblys ákimi Baq­tyqoja Izmuhambetov sóz alyp, óńirdiń áleýmettik-ekonomıkalyq damý qarqyny jóninde áńgimeledi. Onyń pikirinshe, óńirde údemeli ın­­dýstrııalyq-ınnovasııalyq jo­balardyń iske asýymen ju­mys oryndary da ashylyp jatyr. Qazir Atyraý oblysynyń áleýmettik-ekonomıkalyq ór­kendeý qarqyny turaqty. Iri ınves­tısııalyq jobalar iske asyrylyp, jańa óndiris oryndaryn ashý, munaı-gaz óndirý kólemin arttyrý baǵytyndaǵy jumystar atqarylýda. Qurylys ındýstrııasy men óńdeý ónerkásibin, aýyl sharýashylyǵy, ınfraqurylym, áleýmettik salany damytýǵa basa kóńil bólinýde. Ásirese, aýyl sharýashylyǵy salasyna basymdyq berilip otyr. Aýyldardyń ınfraqurylymdary da jaqsara tústi. Sonyń ishinde aýyldarǵa taza aýyz sý, jol tartylýda. Endi Atyraý qalasynyń irgesindegi eldi mekenderde jol salý isi qolǵa alynbaq. Byltyr óńirde «Jumyspen qamtý jol kartasy-2020» baǵdarlamasy sheńberinde respýblıkalyq bıýdjetten 1,2 mlrd. teńge bólinip, 2 343 adam jumyspen qamtyldy. Sonymen birge, geologııalyq barlaý jumystaryn belsendi júrgizý, munaı men munaı ónimderi naryǵyn yryqtandyrý, tasymaldaý baǵytyn ártaraptandyrý arqyly munaı-gaz sektorynyń básekege qabilettiligin arttyrý kózdelgen. Bul saladaǵy jetistikter de az emes. О́ńir munaıshylary ótken jyly 32,4 mln. tonna munaı jáne 15,2 mlrd. tekshe metr ilespe munaı gazy óndirildi. Budan soń delegattar atynan Baqytgúl Hamenova, Qaıyrly Ǵılmanov, Aqtolqyn Ahmetjanova pikir bildirdi. Máselen, Qaıyrly Ǵılmanov joǵary oqý ornyn bitirgen soń «Dıplommen – aýylǵa!» baǵdarlamasymen Inder aýdanyna jumys jasaýǵa kelipti. Qazir osyndaǵy M.Áýezov atyndaǵy mektepte oqýshylarǵa dáris beredi. Oǵan jas maman retinde alańsyz jumys jasaýyna qolaıly jaǵdaı jasalypty. «Biz elimizdiń odan ári órkendeýine úlesimizdi qosa beremiz», dedi ol. Bul konferensııa delegattaryna 27 saılaý okrýgi boıynsha oblystyq máslıhat depýtattyǵyna kandıdattar da tanystyryldy. Partııanyń óńirlik fılıaly ár saılaý okrýgine bir kandıdattan usynypty. Kandıdattar quramynda dáriger men zańger de, kásipker men munaıshy da, tipti, kásipodaq uıymynyń ókili men aýyl sharýashylyǵy salasynyń bilgir mamany da bar. Aıtqandaı, etnomádenı birlestiktiń 4 ókiline de senim bildirilip otyr. Saılaý dodasyna máslıhattyń burynǵy depýtattary da túsedi. Degenmen, qaı kandıdattyń qaı saılaý okrýginen kóp daýys jınap, baǵy janaryn ýaqyt kórsetedi. Joldasbek ShО́PEǴUL, «Egemen Qazaqstan». ATYRAÝ.