Saıası baǵyttyń sarabdaldyǵy

Kókshetaý qalasynda Kommýnıstik halyq partııasy ortalyq komıtetiniń bas­shylyǵy «Qazirgi zaman­ǵy kommýnıstik ıdeıa» taqy­ry­bynda jastarmen kezdesý ót­kizdi. Bul sharaǵa partııa kósh­basshysy Vladıslav Kosarev, par­tııa hatshysy Turǵyn Syz­dyqov qatysty. Oblystyq kásipodaqtar keńesinde ótken jıynǵa qaty­sý­shylarǵa arnaǵan sózinde partııa kósemderiniń biri, burynǵy Kókshetaý oblystyq kásipodaqtar keńesiniń tóra­ǵasy Vladıslav Kosarev «Qazir­gi kezeńdegi Kommýnıstik ıdeıa­nyń ózektiligi» taqyry­bynda baıandama jasady. She­shen óz sózinde, elimiz­degi kóppartııalyq qurylym­nyń demokratııalyq ustanym­dardy qalyptastyrýdaǵy mańyzyn aıryqsha atap ótti. Kommýnıstik halyq partııanyń hatshysy Turǵyn Ysqaqov bizdiń bolashaǵymyz jastardyń qolynda ekendigin atap ótip, partııa qyzmetiniń qazirgi ýaqyttaǵy negizgi usta­nymdaryna nazar aýdardy. Ol kommýnıstik partııanyń ýaqyt aǵymdarymen birge damıtyndyǵyn, qazirgi qalyptasqan jaǵdaılarǵa baılanysty qyzmet jasap, qoǵamdyq úrdisterge yqpal etetindigin birinshi satyǵa qoıdy. Qoǵam demokratııalyq negizdermen qýattanatyndyǵy únemi alda bolýy tıis degen pikirdi basqosýǵa qatysýshylar qoldap otyrdy. Kezdesý sońynda partııanyń óńirlik deńgeıdegi jastar qa­natynyń jetekshisi Álııa Elamanova aldaǵy elektoraldy kompanııada jastardyń belsendi qyzmet atqaratynyna senim bildirdi. Baqbergen AMALBEK, «Egemen Qazaqstan». Aqmola oblysy.