Daqyldar keshendi túrde óńdelýde

Aqkól aýdanynda maıly jáne dándi daqyldardy keptirip, tazartatyn jáne saqtaıtyn jańa zamanaýı keshen saltanatty jaǵdaıda ashyldy. «Pegas» JShS kesheniniń qurylysy eki kezek boıynsha júzege asyrylýda. Jańa kásiporynnyń qýaty – 30 myń tonna. Jalpy, nysan árqaısysy 3000 tonnany quraıtyn 10 shuńqyr quty­dan turatyn bolady. О́tken jyl­dyń qazan aıynda jobanyń birin­shi kezegi júzege asyrylyp, 5 shuń­qyr quty ornatylǵan, búginde bular tolyq jumysqa qosyldy. Al jobanyń ekinshi kezegin 2016 jyldyń qazan aıynda iske qosý jos­par­lanǵan. Avto­mat­tandyrylǵan jańa keshen jelileri Reseı jáne Túrkııa el­derinen jetkizildi. Kásiporynda 12 adam jumys isteıdi, olardyń orta­sha aılyq jalaqysy 100 myń teńgeden asady. Quny 500 mıllıon teń­geni quraıtyn bul ­zamanaýı nysan kom­pa­nııanyń jeke qarajatyna salynǵan. Memleket basshysy aımaq­tar­dyń áleýetin arttyrý úshin aýyl sharýa­shy­lyǵy óndirisin ártaraptandyrý qa­jettigin alǵa tartqany belgili. Aqmola oblysynda osy tapsyrmany oryndaý maqsatynda byltyr 245,2 myń gektar maıly daqyldar, 193,9 myń gektarǵa jemshóptik, 18,37 myń gektarǵa kartop jáne 4,4 myń gektarǵa kókónis daqyldary egilgen. Saltanatqa qatysqan óńir basshysy Sergeı Kýlagın kásiporyn ujymyna sáttilik tiledi. Eske sala keteıik, aýyl sharýa­shy­lyǵy daqyldaryn saqtaý jáne keptirýdi qamtamasyz etý úshin 2015 jyly óńirde 14 jańa keshen paıdalanýǵa berilse, 2016 jyly taǵy da osyndaı 8 jańa nysan iske qosylady dep kútilýde. Baqbergen AMALBEK, «Egemen Qazaqstan». Aqmola oblysy.