Úsh urpaq toǵysqan dárigerler áýleti

«Babasy ekkendi balasy orady» degen naqyldy oblys orta­ly­ǵyn­da turatyn Abdýlmajıt Aısı­ra­hý­novtardyń otbasyna qarata aıtsaq, bek jarasady. О́zi, zaıyby Va­lentına Shamraı, uldary Rınat pen Roman, kelini Lıýdmıla bári de tis dárigerleri. Bir sózben qaıyrsaq, kúrmeýi qıyn medısına – bul áýletke ortaq sala. Olaı deıtinimiz, Abdýlmajıttiń ata-anasy, aǵasy da aq halatty abzal jandar bolǵan. Úsh urpaqqa jalǵasyp kele jat­qan dárigerler áýletiniń bastaýynda Abdýlmajıttiń ata-anasy tur. Ákesi Májıt pen anasy Nazıfa elge belgili dárigerler edi. Ásirese, anasy jaıly áńgime bólek. Qazaqstan Respýblıkasynyń eńbek sińirgen dárigeri atandy. Densaýlyq saqtaý salasynda tapjylmastan 60 jyl minsiz qyzmet etti. Ákesi terapııa sa­la­­synyń tájirıbeli mamany-tuǵyn. О́mirden mezgilsiz ótip, bar aýyrt­­palyqty jan anasy arqalady. Na­zıfa apaıdyń eńbekqorlyǵy ba­la­­laryna daryǵan. Abdýlmajıt pen aǵasy Rashıd jastaıynan ata-ana jo­­­lyn jalǵap, dáriger bolýdy qala­dy. Abdýlmajıttiń týyp-ósken jeri – Almaty oblysy. Uıǵyr azamaty Asfendııarov atyndaǵy Qazaq ulttyq medısına ýnıversıtetin 1983 jyly támamdaǵannan keıin Almaty qalasynyń beldi emdeý mekemeleriniń birinde jap-jaqsy qyzmet usynylady. Biraq ol eńbek jolyn Alataý bókterindegi shaharda emes, Esildiń jaǵalaýynda oryn tepken Petropavl qalasynda bastaý­dy uıǵarady. Sodan beri qyrmyzy Qyzyljar jerine ornyǵyp, sanaly ǵumyryn medısınaǵa arnap keledi. Qos jas maman oblystyq stomatologııa emhanasyna jumysqa ornalasyp, sypaıy minezderimen, iske alǵyrlyǵymen ujymnyń qurmetine bólendi. 1987 jyly alǵashqylardyń qatarynda jekemenshik stomatologııa kabınetin ashyp, qazir klınıkaǵa aınaldy. Onda ózi, zaıyby jáne eki uly eńbek etedi. Mekeme oblys ortalyǵynan shetkerileý qonystanǵan 20-shy shaǵyn aýdanda ornalasqan. Stomatologııaǵa dúnıeden erte ótken asqar taýdaı ákesiniń atyn qoıý arqyly kishigirim eskertkish qoıýdy perzenttik paryz sanaǵan. Aısırahýnovtar áýleti jeke­menshik emdeý mekemeleri úshin de básekelestikke qabilettilik, kásibı sheberlik basty úrdis dep esepteıdi. Búgingi kúni jańbyrdan keıin qaýlaı ósken sańyraýqulaqtarsha qaptap ketken medısınalyq mekemelerden oq boıy ozyq turý úshin únemi bilimderin shyńdap, tájirıbelerin molaıtý ústinde. Osy oraıda olar Elbasy Nursultan Nazarbaevtyń «100 naqty qadam» Ult Josparynda medısına salasyna qatysty «Memlekettik medı­sınalyq uıymdardy jekeshe­lendirýdi yntalandyrý, memle­kettik emes uıymdar arqyly tegin medısınalyq kómektiń kepil­dendirilgen kólemin berýdi keńeıtý» degen tapsyrmasymen tolyqtaı kelisedi. Abdýlmajıttiń oıynsha, báseke joq jerde alǵa basý, damý, ilgerileý múmkin emes. Dese de, áleýmettik jaǵynan qorǵalmaǵan adamdarǵa, zeınetkerler men stýdentterge stomatologııalyq em-domnyń qoljetimdi bolǵanyn qalaı­tynyn da jasyrmaıdy. Baqytjan JOLDASQYZY, ustaz. Soltústik Qazaqstan oblysy. –––––––––––– Sýretti túsirgen Amangeldi BEKMURATOV.