Jabyq júzý basseıni qurylysyna BUU Damý baǵdarlamasy boıynsha 19 mıllıon, jergilikti bıýdjetten 33 mıllıon teńge qarjy bólindi

Taıaýda Zaısan qalasynyń turǵyndary taıly-tuıaǵymen sport modýli janynan boı kótergen eńseli, alystan kóz tartatyn kórikti júzý basseıni janyna jınaldy. Shyńyltyr aıazdy saǵynyp qalǵan zaısandyqtar 24 gradýs sýyqty eler emes, aspanda qalyqtaǵan sazdy áýen yrǵaǵyna eliktep, oryndarynda turyp ter­beledi. Jınalǵandardyń júzinde qýanysh, óıtkeni, olar bul kúndi asyǵa kútken. Aýdan ákimi Almas Ońdaqanovtyń bastamasy bo­ıynsha jabyq júzý basseınin salý jónindegi ıgi oıdy qala jurtshylyǵy, aýdandyq máslıhat depýtattary qoldady. BUU DB qurylysqa 19 mıllıon qarjy bólse, oblystyq, jergilikti bıýdjetten 33 mıllıon teńge qarjy tabyldy. Budan bir jyl buryn ǵımaratty salýdy bilikti de bilimdi azamat, «Nur-Servıs» JShS basshysy Erbol Kelgenbaev bastaǵan jigitter qolǵa aldy. Endi, mine, bir jylǵa jeter-jetpes ýaqytta júzý basseıni iske qosyldy. Jabyq júzý basseıni Kendi Altaıdyń aýdandaryn bylaı qoıyp, О́skemennen basqa iri qalalarda joq. Saltanatty jı­ynǵa BUU jaýapty qyzmet­ker­l­eri, aýdannyń belgili azamat­tary, oblys ortalyǵynan sport salasynyń maıtalmandary, qol kúresinen álemniń kúmis júl­degeri, Azııanyń birneshe dúrkin chempıony Nurlan Qasymjanov, sport sheberleri, aýdan namysyn respýblıkalyq, oblystyq ja­rystarda abyroımen qorǵap júr­gen Murat Bitimbaev, Ádil Ar­tyǵalıev, Faızolda Qoı­shy­ma­nov, Aqylbaı Eleýov, Oralbek Jıen­baev, taǵy basqalar kelgen eken. – Búgin biz úshin qýanyshty kún. Elbasy Qazaqstan halqyna Joldaýynda salamatty ómir saltyn saqtaý, adamdardyń bos ýaqyttaryn kóńildi ótkizý, sportpen shuǵyldaný jóninde aıtqan. Júzý basseınin salýǵa BUU Damý baǵdarlamasy demeýshilik jasady. Demek, balalar men jastardyń dene tárbıesimen shuǵyldanýy, el azamattarynyń densaýlyǵy myqty bolýy nazarda degen sóz. Sizderdi qýanyshtaryńyzben quttyqtaımyn, – dedi aýdan ákimi. Budan keıin BUU ókili Má­lıke Oralqyzy, osy Uıym fı­lıa­lynyń Semeıdegi keńesshisi Ásıma Serikbaıqyzy, aýdannyń qurmetti azamaty, belgili jýrnalıst Beken Japarov, taǵy basqalar quttyqtaý sóz aldy. Qurylysty salyp bergen «Nur-Servıs» JShS-iniń basshysy Erbol Kelgenbaev júzý bas­seı­ni­niń jattyqtyrýshysy Bekzat Nur­tazovqa sımvoldyq kiltti tap­syrdy. Aýdan sportyn uzaq jyldar basqarǵan, «Saıhan» sport klýbynyń tuńǵysh dırektory Zaısanbek Qajanov aq batasyn berip, jetkinshekterge tabys tiledi. Qol kúresiniń sheberi N.Qasymjanov jerlesterin quttyqtap, О́skemen qalasynyń ákimi Temirbek Qasymjanovtyń quttyqtaý hatyn oqyp berdi. Lenta qııý qurmetine oblystyq dene shynyqtyrý jáne sport basqarmasynyń basshysy, osy óńirdiń týmasy Eldos Chıkenov, jazýshy-jýrnalıst Beken Japarov, sport ardageri Shorman Mazaqov ıe boldy. Júzý basseınin óz balansyna alǵan «Saıhan» balalar jáne jasóspirimder sport mektebiniń dırektory Darhan Abylhanov qazir atalmysh klýbta 700-den astam balanyń jattyǵyp júrgenin, endi sý sportynda da tamasha jetistikterge jetetinin aıtyp, qýanyshymen bólisti. Uzyndyǵy – 25, eni 12 metr­lik júzý basseıninde 15 bala sýda jarysyp, óner kórsetti. Kire­­­­be­ristegi keń dáliz, jýynatyn, kıim kıetin, basqa da bólmelerdi Erbol Kelgenbaev «Týǵan jerge –taǵzym!» aksııasy boıynsha óz qarjysyna salyp, syıǵa tartty. Ońdasyn ELÝBAI. Shyǵys Qazaqstan oblysy, Zaısan aýdany. ––––––––––––– Sýretti túsirgen M.SALBANOV.