О́ńir Chehııamen baılanysqa daıyn

Oblys ákimi Berdibek Saparbaev Chehııanyń Qazaqstandaǵy Tótenshe jáne ókiletti elshisi Elıshka Jıgova­men kezdesti. Kezdesýdi qysqasha sóz sóılep ashqan óńir basshysy elshiniń aımaqtarmen tanysyp, ózara yntymaqtasa jumys isteýge jasap otyrǵan qadamyna sáttilik tiledi. Berdibek Máshbekuly Chehııa el­shi­­liginiń delegasııasyna óńirdiń eko­nomıkalyq-áleýmettik damý baǵyt­taryn tanystyryp ótti, eki eldiń bir­le­sip jumys isteý múmkindikterine toqtaldy: – Aqtóbe – toǵyz joldyń torabyna ornalasqan, ústimen temirjol, tas jol jáne áýe joly ótetin qatynas qýaty mol óńir. Bizdiń oblys aýmaǵymen «Batys Eýropa –Batys Qytaı» halyqaralyq kólik dálizi ótedi. Elbasynyń tapsyrmasymen Astanamen aımaqtardy baılanystyratyn kúre joldar salynýda, bıyl «Aqtóbe – Atyraý» tas jolynyń qurylysy bastalady. Mine, munyń bári óńirdiń kólik-logıstıkalyq múmkindigin aıǵaqtasa kerek. Bul qarym-qatynas jáne júk tasymaly úshin qolaıly. Sondaı-aq, óńirde shaǵyn jáne orta bıznesti damytýdyń da múm­kindikteri mol, ınvestısııa salýǵa tartymdylyǵy óz aldyna. Biz Chehııa kásipkerleriniń bizdiń óńirde óz isterin ashýlaryna, ınvestısııa salýlaryna múddelimiz. Sizdiń elde shyny óndirisi, medısına salasy, avtomobıl jasaý, sý tazartý qondyrǵylaryn shyǵarý jaqsy damyǵanyn bilemiz. Sondyqtan da osy baǵyttarda jumys isteý qaıtarymdy bolatynyna senimdimiz. Ásirese, bizdi medısına salasyndaǵy jetistikterińiz qyzyqtyrady. Bizdiń oblysta medı­sınalyq klaster qurýǵa baǵyt ustalýda. Oǵan qajetti alǵysharttar barshylyq. Medısına kadrlaryn daıarlaıtyn irgeli joǵary oqý orny – Marat Ospanov atyndaǵy Batys Qazaqstan memlekettik medısına ýnıversıteti, Onkologııa jáne «Darý» ońaltý ortalyqtary, osy zamanǵy ozyq medısınalyq qon­dyr­ǵylarmen jaraqtandyrylǵan obl­ys­tyq eresekter jáne balalar aýrýhanalary tek oblys turǵyndaryna ǵana emes, elimizdiń batys óńirlerine sapaly medısınalyq qyzmet kórsetedi. Qazirdiń ózinde oblysta asa kúrdeli búırek jáne baýyr aýystyrý otalary jasalady. Jaqynda Ońtústik Koreıa jáne Túrkııa mamandarymen osy baǵytta jumys jasaýǵa baılanysty kelisimder jasaldy. Buǵan Chehııa mamandary da qatyssa quba-qup bolar edi, – dedi oblys ákimi. О́z kezeginde sóz alǵan Chehııa el­shisi Elıshka Jıgova ózi elshi bo­lyp kelgennen beri Qazaqstanǵa degen qyzyǵýshylyǵy basylmaǵanyn, eldegi turaqtylyqqa tánti ekenin aıtty. Ol, sondaı-aq, Prezıdent N.Nazarbaevpen kezdesý barysynda aımaqtarmen jumys isteý qajettigine keńes bergenin tilge tıek ete kelip, búgingi kezdesýdi osy baǵyttaǵy jumystyń bastaýy retinde baǵalady. Bul joly kásipkerlik salasynda naqty jobalarmen jumys isteýge kelgenderin, osy baǵyttaǵy ózara baılanys pen qarym-qatynasty tereńdetýge qoldaý kórsetetinin jetkizdi. Chehııanyń Qazaqstandaǵy jáne Orta Azııadaǵy jobalarynyń ákimshisi Antonı Kofshtaın naqty kásipkerlermen jumys isteýge yntaly ekendikterin taǵy bir eske salyp ótti. Qazirdiń ózinde eki aqtóbelik kásipkerdiń Chehııamen jumys isteýdi bas­tap ketkenin aıtty. Mysaly, «Kontakt» kompanııasy chehııalyq áriptesterimen kelissózdar júrgizýde eken. Ol oblys bıznesmenderimen bolatyn kezdesýde kásipkerlik salasyndaǵy iskerlik baılanysty damytýdyń ózekti máselelerin talqylap, birlesip jumys isteýge qadam­dar jasalatynyn, óz usy­nystaryn ortaǵa salatynyn jetkiz­di. Berdibek Saparbaev kezdesý sońynda óńirde Chehııanyń ókildigi ashylyp jatsa, qoldaý-kómek kór­setýge ázir ekenin málimdedi. Satybaldy SÁÝIRBAI, «Egemen Qazaqstan». Aqtóbe oblysy.