Úmitkerler tirkeýden ótýde

  Qazaqstan Prezıdenti janyndaǵy Ortalyq kommýnıkasııalar qyzmetiniń «Jaıyq Press» JShS-inde qurylǵan fılıalynda Batys Qazaqstan oblystyq saılaý komıssııasynyń tóraǵasy Ǵaısa Qapaqov brıfıng ótkizdi. Munda ol jergilikti jáne respýblıkalyq BAQ ókilderine barlyq deńgeıdegi máslıhattar depýtattaryn saılaýdy uıymdastyrý men ótkizýge qatysty tómendegideı jáıtterdi baıandap berdi. Qazirgi kúnge deıin óńirdegi barlyq saılaý ýchaskeleriniń orny belgilenip, onyń ishin tıisti talaptarǵa sáıkes jaraqtandyrý jumystary bastaldy. Saılaý bıýlletenderi ázirlenip, saılaý týraly jarnamalar men kúntizbelerdi ilý jumystary júrgizilýde. Munyń ishinde 44 bılbord pen 734 kúntizbeniń sheberlerdiń qolynan ótip úlgergeni bul istiń barysy oıdaǵydaı ekenin aıqyn aıǵaqtaıdy. Parlament Májilisi men barlyq deńgeıdegi máslıhattar saılaýlaryn qandaı da bir bolmasyn ádistemelik materıaldardyń kómeginsiz ótkizý esh múmkin emes. Buǵan normatıvtik qujattar da ázir. Onyń on beske taıaý túri daıyn, dedi brıfıng berýshi. Sondaı-aq, saılaý kezindegi úlken jaýapkershilik aýdandyq, qalalyq jáne oblystyq deńgeıdegi ýchaskelik jáne okrýgtik saılaý komıssııalarynyń tóraǵalaryna júkteletini belgili. Eger olar saılaý ótkizýdiń jáı-kúıin tereń zerdeleı almasa, onyń nátıjeli aıaqtalýy ekitalaı. Sondyqtan da, oblystyq saılaý komıssııasy olar úshin arnaıy semınarlar uıymdastyryp, ótkizdi. Ári árqaısysynyń biliktiligi men is-sharalardy uıymdastyrýǵa beıimdiligin synǵa saldy. Qazaqstan Respýblıkasynyń Ortalyq saılaý komıssııasy barlyq deńgeıdegi máslıhattar saılaýyna qatysatyn úmitkerlerge bólinetin qarajattyń kólemin bekitkeni belgili. Soǵan sáıkes, óńirde úmitkerlerge saılaý jarnamasyn engizýge arnalǵan esepshottar ashyldy. Oblys boıynsha aqpan aıynyń 12-sine deıin aýdandyq, qalalyq jáne oblystyq máslıhattardyń depýtattaryna 373 úmitker usynyldy. Onyń 80-i tirkeýden ótkizildi. Qazirgi qolda bar aqparattar úmit­kerlerdiń 30 paıyzy áıelder ekenin kórsetedi. Olardyń arasynda aı­maqtaǵy 8 etnostyń ókilderi bar. Más­lıhattar saılaýyna muǵalim, mehanızator, sharýa qojalyǵynyń jetekshisi, etik­shi, dáriger, mádenıet qyzmetkeri sekil­di san túrli mamandyq ıeleri qam­tylǵan, dep túıin jasady brıfıngte Batys Qazaqstan oblystyq saılaý ko­mıssııasynyń tóraǵasy Ǵaısa Qapaqov. Temir QUSAIYN, «Egemen Qazaqstan». Batys Qazaqstan oblysy.