Sheber

Jalaǵash aýdanynyń 41 turǵyny «Baıqońyr» ÁKK» UQ» AQ-tyń áleýmettik bastamasy arqyly «Demeý» granttaryna ıe bolǵan edi. Qaıtarymsyz nesıeler halyqtyń áleýmettik turǵydaǵy álsiz toptaryna, kóp balaly analarǵa, jumyssyzdar men múmkindigi shekteýli jandarǵa berildi. Nesıege ıe bolǵan jannyń biri – jalaǵashtyq Orynbek Shaımaǵanbetov. Taǵdyrdyń jazýymen qos aıaǵynan aıyrylyp, arbaǵa tańylǵan I top múgedegi Orynbek ómirdiń qansha qıynshylyǵyn kórse de, jalǵannan túńilip, jazmyshyna nalyp otyrǵan adam emes. Eti tiri, myna dúnıeniń qandaı da synaǵynan jol tabýǵa umtylysynyń arqasynda tirshilik etip, kásippen aınalysýda. Múgedektikke ushyrap, úıde otyrǵaly beri ol anasynan qalǵan eski tigin mashınasymen eski kóılekterdi tigip, quraq quraýdy úırengen. Búgingi kúni quraq kórpeler, kórpesheler, uzatylatyn qyzdyń jasaýlaryn tigip, tapsyrystardy oryndap keledi. Orynbektiń senimdi serigi de, kúnkóris kózi de osy tigin mashınasy. Ár buıymǵa ol bar óneri men kúsh-jigerin sarp etedi. Sondyqtan bolar sheberdiń qolynan shyqqan týyndyny attaı qalap áketetinder kóp. Tiginshi qyz jasaýyn 9 kórpe sııatyn qorjynymen, kórpe, kórpeshe, qorjyn, jastyq, shymyldyq, besikjapqysh, perde jáne syrmaq kıizderge tapsyrys qabyldaımyn dep talaptanyp jatyr. Jubaıy Jeńisgúl Baımuratova da qol qýsyryp otyrǵan joq. О́zi ósiretin bólme gúlderi shańyraqtaǵy úılesimniń uıytqysy ǵana emes, tabys kózi de. Endi kásipker, qaıtarymsyz grantqa tigin sehyn ashyp, jańadan quraldar alyp, bıznesin keńeıtýdi oılastyryp otyr. Bir jaǵynan quraq kórpe tigýmen ǵana shektelmeı, bolashaqta shaǵyn jylyjaı salyp, gúl ósirýdi de josparlap qoıǵan. Iаǵnı, zaıybynyń súıikti isin de ómirsheń jobaǵa aınaldyrmaq. Soynmen qatar, Jalaǵash aýdanynyń taǵy bir turǵyny Álımash Nurjan kásibin naýbaıhana ashýdan bastaǵaly otyr. «Demeý» qorynyń granty arqyly aýdan ortalyǵynda nan pisirip, kondıterlik ónimderdi satýdy oılastyrýda. Búginde kásipkerliktiń alǵashqy jumystaryna kirisip ketti. Naýbaıhana arqyly 2-3 adamdy turaqty jumyspen qamtymaq. Alǵan qaıtarymsyz nesıeni óz kásibine jumsap, otbasylyq bıznesti jolǵa qoısam degen nıeti bar. Jalpy alǵanda, sońǵy jyldary kásippen aınalysamyn, áldebir sharýadan paıda tabamyn degen adamǵa memleket jan-jaqty kómek kórsetip keledi. Sonyń arqasynda qııandaǵy aýyldan bastap tirshiligi qaınaǵan qalaǵa deıin túrli deńgeıdegi kásipkerler kóbeıip, shaǵyn jáne orta bıznestiń damyǵanyn kórip otyrmyz. El ekonomıkasynyń negizgi tiregi – shaǵyn jáne orta kásipkerlik desek, onda Táýelsiz Qazaqstannyń órkendeý jolyn qalyptastyratyn osyndaı bıznes ókilderi memlekettiń tikeleı qoldaýymen aıaǵynan tik turyp keledi. Al mundaı qamqorlyqty óziniń keleshegin kemel etkisi keletin memleket qana jasaıdy. Nurbek DÁÝRENBEKOV, jýrnalıst. Qyzylorda oblysy.