Transformasııa – tıimdilikke bastaıdy

«Lokomotıv qurastyrý zaýyty» AQ-tyń qurastyrý sehynda ótken kóshpeli otyrysta «QTJ» UK» AQ bıznesti transformasııa­laý jáne 2016 jylǵy jospary men buǵan deıingi atqarylǵan shara­lar qorytyndysy talqylandy. Kompanııa prezıdenti A.Mamın sózinde «QTJ» UK» AQ qordyń qaramaǵyndaǵy kompanııalardyń alǵashqylarynyń qatarynda, onyń aýqymdy, resýrstardy mol qajet etetin jáne júıeli joba ekendigine qaramastan, bıznesti transfor­masııa­laý baǵdarlamasyn júzege asyrýǵa kiriskendigin atap ótti. Qazirgi tańda baǵdarlamanyń «Daıyn­dyq» jáne «Dıagnostıka men dızaın» kezeńderi júzege asyryldy. Tuńǵysh ret barlyq úderisterdi tapsyrys berý­shilerdiń suranystary men tıimdiligin kóterýge laıyqtap, pishimi ózgertildi. «QTJ» UK» AQ strategııalyq damý ma­ńyzynyń ózektiligi aldyńǵy qatarǵa qoıyldy. Osyndaı aýqymdy jumystar 20 myń úderisti qamtıdy. Mańyzdy jumys kór­setkishteriniń qurylymdyq tarmaǵy jasaldy. Kompanııadaǵy II júıesiniń maqsatty arhıtektýrasy jasaqtaldy. 2016 jylǵa arnalǵan bıznesti transformasııalaý men «Jol kartasyn» júzege asyrý týraly Jol kartasy baǵdarlamasynyń QTJ qyzmetin uıymdastyrýdyń mańyzdy sharalary taldandy. «Qazaqstan temir joly» bolashaqta tıimdi, shaǵyn, kóliktik-logıstıkalyq kompanııaǵa aınalýy tıis. Osyǵan oraı kompanııaǵa birqatar mindetter júk­telip otyr. Onyń ishinde kompanııa ınfra­qurylymǵa ǵana qyzmet etip qoı­maı, logıstıkalyq qyzmet kórsetip tabys tabýy kerek, dep atap ótti A. Mamın. Kompanııa basshysynyń aıtýynsha, «QTJ» UK» AQ bıznesti transformasııa­laý baǵdarlamasy kompanııany damytý strategııasynyń mańyzdy bóligi bolyp sanalady. Ǵalamdyq kóliktik-logıstıkalyq naryqtaǵy jańa mindetterdi ıgerý kompanııada bıznesti transformasııalaý ju­mysyn dáıekti, tereń júrgizýdi qajet ete­­di. «QTJ» UK» AQ jańǵyrtylǵan mıssııasyna sáıkes, joǵary sapaly ári tıimdi kóliktik-logıstıkalyq holdıng negizgi bıznesti ósirý kózi retinde tranzıttik tasymaldaý segmentindegi rólin aıqyndap otyr, dep atap ótti A.Mamın. Kóshpeli sessııa barysynda kom­panııa­nyń tranzıttik tasymaldaýdy arttyrý jóninde qabyldaǵan sharalary ekonomıkalyq ósimge jetkizgendigi aıtyldy. 2016 jylǵa arnalǵan bıznesti trans­for­masııalaý men «Jol kartasyn» júzege asyrý týraly Jol kartasy baǵdarlamasynyń demeýshisi – kom­panııanyń korporatıvtik damý jónindegi basqarýshy dırektory Erkin Jýsanbaev tolyqqandy toqtaldy. Bıylǵy jyly taratylyp, qaıtadan jańa korporatıvtik qurylymǵa kó­shý qarastyrylyp otyr. Osy qaıta qu­­­rylymdaý barysynda 2016 jyly kom­panııadaǵy enshiles jáne qara­maǵyn­daǵy kompanııalar sany 97-den 41-ge deıin qysqarady. QTJ quramynda tek negizinen, tasymaldaýmen aınalysatyn kompanııalar qalady. «Qazaqstan temir joly» ulttyq kompanııasy bıznestiń tehnologııalyq platformasyn túbegeıli ózgertý maqsatynda josparlaý júıesin avtomattandyrý jáne tasymaldaýdy uıymdastyrý, óndiristik aktıvterge jáne tapsyrys ıelerine qyzmet kórsetý men monıtorıngileýdiń birqatar jobalaryn júzege asyrýda. Onyń ishinde bıznes sheshimderdi arhı­tektýralyq qadamdarǵa qatysty joba maqsatymen yqpaldastyrý men basqa da sharalar atqaryldy. Transformasııa baǵdarlamasy sınergııalyq resýrstardy shoǵyrlandyrý men tıimdiligin barynsha ulǵaıtýdy kóz­deıdi. Kóshpeli sessııaǵa qatysýshylarǵa «Ener­­godıspetcherlik tartym», «Magıs­tral», «Kelisim jáne kommersııalyq jumys» salalaryn avtomattandyrylǵan basqarý júıesi tanystyryldy. Esep berý sońynda «Samuryq-Qazyna» basqarma tóraǵasy О́.Shókeev «Qazaqstan temir joly» UK» AQ-tyń bolashaqta ınfra­qurylymǵa qyzmet kórsetý, mýl­tımodaldyq jáne logıstıkalyq sheshim­derdi júzege asyratyn, kiristiligin barynsha kóteretin tıimdi kompanııa bolýy qajettigin atap ótti. «Egemen-aqparat».