Zamanǵa saı joba

Ulttyq mýzeıde rejısserler men operatorlar arasynda ótken «Nazar salyńyzdar! Ulttyq mýzeı!» («Attention! National museum!») baıqaýynyń jeńimpazdaryn marapattaý keshi ótti. Jıyn basynda sóz alǵan Ulttyq mý­zeıdiń dırektory Darhan Myńbaı: «Ulttyń qundy jádigerleri qazirgi jańa tehnologııa kómegimen halyq nazaryna jıi usynylyp otyrǵanda ǵana biz máde­nıetimizdiń baǵasyn arttyryp, oǵan degen qoǵamnyń qyzyǵýshylyǵyn týdyra alamyz. Ulttyq mýzeı buǵan deıin de bir­neshe baıqaýlar men jobalardy júzege asyrǵan bolatyn. Onyń barlyǵynyń negizinde ult mádenıeti men tarıhyna degen qurmet jatyr», – dep baıqaýǵa atsalysqan barlyq qatysýshylarǵa alǵys bildirdi. Qazaqstan Azamattyq Alıansynyń pre­zı­denti Nurlan Erimbetov: «Biz stýdent kezimizde, oqýshy shaǵymyzda mýzeıge kóp bara­tynbyz. Qandaı kórme kórgenimizdi, qandaı qundy jádigerler jaıly aqparat alǵanymyz jóninde bir-birimizge maqtanyshpen aıtatynbyz. Al qazirgi Ulttyq mýzeı elimizdiń úlken bir rýhanı ordasyna aınalyp otyr. Munda kelýshiler kórmelerdi ǵana kórip qaıtpaıdy, osyndaı is-sharalarǵa da óte kóp qatysady. Bul jer – qarttardyń da, jastardyń da basyn qosyp, jan-jaqty jumys isteıtin zamanaýı mekeme», – deı kele, mýzeı jumysyna sáttilik tiledi. Sonymen qatar, «Serpin-2050» áleý­mettik jobasynyń tóraǵasy Murat Ábenov: «Qazirgi bizdiń rýhanı-mádenı ómirimizde, jastar tárbıesi salasynda Ulttyq mýzeıdiń alatyn orny erekshe. Munda kóptegen jańa baǵyttaǵy shara­lardyń ótkizilip turatynynan habardarmyn. Birneshe is-sharalarǵa da qatysyp úlgerdim. Qaı kez bolsyn, zal jastarǵa lyq toly bolady. Soǵan shyn qýanyshtymyn. Menińshe, bul mýzeıdiń zaman talabyna saı jumys istep otyrǵanynyń bir belgisi», – dedi. О́tken jyldyń qazan aıynan bastap júr­gizilgen baıqaýǵa elimizge tanymal kınorejısserler, mýzeı isiniń bilgirleri, kınotanýshy jáne mádenıettanýshy mamandar qatysyp, tórelik jasady. Baıqaýdyń qorytyndysy boıynsha, 1-oryn – «Eń úzdik rejısserlik jumys» - Batyrjan Ibragımov,   Jaqsylyq Qyryqbaev, Asylhan Nurmaǵambetov (500 000 teńge); 2-oryn – «Úzdik rejısserlik jumys» – Bekjan Almas (250 000 teńge); 3-oryn – «Úzdik rejısserlik jumys» – «ALATAU production» (100 000 teńge), al jekelegen nomınasııalar boıynsha «Úzdik operatorlyq jumys» – Ilııas Asanov jáne Baqtııar Sársenbıev (50 000 teńge); «Kreatıvti jumys» – Aınur Saǵyndyq, Májı Jaǵı, Alpys Nurbolat (50 000 teńge); «Úzdik ıdeıa» júldesi Nazbek Esmaǵulov (50 000 teńge) enshisine tıdi. Darhan Myńbaı: «Úzdikterdi anyqtaý tóreshiler úshin de ońaıǵa soqqan joq. Dese de, baı­qaýǵa qatysýshy árbir úmitker óz eń­bek­terin­de ulttyq jádigerlerdi barynsha jan-jaqty nasıhattaýǵa tyrysqany kórinip turdy. Ulttyq mýzeı rejısserler arasyndaǵy baı­qaýdy tuńǵysh ret uıymdastyryp otyr. Mun­daı jobalar aldaǵy ýaqytta da jalǵasyn tabatyn bolady», – deı kele júldegerlerdi qut­­tyq­tap, shyǵarmashylyq tabystar tiledi. Atalǵan sharaǵa Shaharızat Seıdahmet, aǵa­ıyn­dy Júginisovter qatysyp, ásem ánnen shashý