Jastardyń júzi jarqyn

Astanadaǵy Sáken Seı­fýllın atyndaǵy Qazaq agro­te­hnıkalyq ýnıversı­teti­niń oqytýshylary men stýdent­teri «Egemen Qazaqstan» respýb­lıkalyq gazetiniń jýrnalıs­terimen kezdesti. Bul kezdesý «Qa­zaq eliniń ulttyq ıdeıasy – Máń­gilik El» atty taqyryppen ótti. Kezdesýge «Egemen Qazaq­stan» gazetinen aksıonerlik qoǵam­nyń prezıdenti Saýyt­bek Abdrahmanov, gazet bas redak­torlarynyń orynbasarlary Qor­ǵanbek Amanjol men Seıfolla Shaıynǵazy, osy joldardyń avtory qatysty. Oqý ornynyń rektory, profes­sor Aqylbek Kúrishbaev ýnıversıtet qaýymyna qonaqtardy tanys­tyra kele oqý ornynyń qazirgi jaǵdaıy týraly áńgime qozǵady. S.Seıfýllın atyndaǵy Qazaq agrotehnıkalyq ýnıversıteti Astanada qurylǵan tuńǵysh joǵa­ry oqý orny bolyp tabylady. 2015 jylǵy Táýelsiz akkredıtasııalaý agenttiginiń saraptamasy boıynsha ýnıversıtet respýblıkamyzdaǵy eń úzdik bes joǵary oqý ornynyń qatarynan oryn aldy. Al elimizdegi aýyl sharýashylyǵy salasy mamandaryn daıarlaıtyn joǵary oqý oryndary arasynda birinshi orynǵa ıe boldy. 2015 jyly ýnıversıtet bilim berý baǵdarlamasynyń sapasy jóninen de osyndaı tamasha tabystarǵa qol jetkizdi. Oqý ornynyń 19 oqytýshysy Qazaqstannyń TOP-50 úzdik oqytýshylar tobyna endi. Ýnıversıtettiń osyndaı tabys­qa jetýine negiz qalap otyrǵan bir faktor – onyń basshylyǵynyń jasap otyrǵan strategııalyq qımyl-áreketteri deýge keledi. Máselen, oqý orny agrarlyq-ınnovasııalyq ǵylymda dúnıejúzinde birinshi orynda turǵan AQSh-tyń Devıs qalasyndaǵy Kalıfornııa ýnı­ver­sıtetimen tyǵyz qarym-qatynas ornatqan. «Egemen Qazaqstan» gazetiniń basshysy Saýytbek Abdrahmanov óz sózin Máńgilik El ıdeıasynan bas­tady. Ulttyq ıdeıa degenimiz – ulttyq sana-sezimniń júıeli jınaqtalýy eken­digin, sondyqtan, ulttyq ıdeıanyń ha­lyqty tolǵandyratyn negizgi máse­lelerge jaýap beretindigin aıtty. Gazet redaktorynyń orynbasary, aqyn Qorǵanbek Amanjol ýnı­versıtet atyn ıelenip otyrǵan Sáken Seıfýllın týraly óleńin oqyp berdi. Kezdesý barysynda ýnıversıtet shákirtteri júziniń jarqyn ekendigin baıqadyq. Shákirtter atynan sóz alǵan Meırambek Bekturǵanov Astanadaǵy eń arzan ashana, eń arzan dárihana, eń arzan dúken osy ýnıversıtette ekendigin, stýdentter úshin emhana jumys isteıtindigin, 1000 oryndyq jataqhana, ustazdarǵa arnalyp kóppáterli úı salynyp jatqandyǵyn aıtyp berdi. Ýnıversıtet pen gazet arasyn­daǵy baılanys bekı túspek. Suńǵat ÁLIPBAI, «Egemen Qazaqstan». Sýretti túsirgen Erlan OMAROV.