Jaýapkershilik júgi zor

Oleg Frolov – «О́s­kemen qalalyq Aýǵan soǵy­sy ardagerleri uıy­my» qoǵamdyq birlestik keńe­si tóraǵasynyń birin­shi orynbasary. Jýyrda Oleg Gennadevıch «Nur Otan» partııasynyń atynan №15 saılaý okrýgi bo­ıynsha О́skemen qala­lyq máslıhatynyń de­pý­tat­tyǵyna kandı­dat­tyqqa usynyldy. Aǵymdaǵy jy­ly 2 aqpanda ótken praımerızde par­tııalastarynyń qoldaýyna ıe bolyp, 9 aqpanda ótken partııanyń qalalyq konferensııasynda aldaǵy saılaýǵa túsý úshin partııalyq tizimge endi. – Bul – men úshin úlken mártebe. Elbasy júktegen mindetter me­je­sinen tabylyp, álemniń damyǵan 30 eliniń qataryna qosylý úshin tynbaı eńbek etýimiz tıis. Máslıhat depýtattarynyń aldynda Jańa Ekonomıkalyq Saıasat sheńberinde bıýdjet qarjysynyń tıimdi jumsalýyn baqylaý jáne daǵdarysqa qarsy baǵdarlamalardy júzege asyrý mindeti tur. Iаǵnı, qalamyzdyń gúldenýi jolynda jáne saılaýshylar senimine ıe bolý úshin aıanbaı eńbek etý kerek, – dedi Oleg Frolov. Qazaqstannyń jańa dáýirge bet alǵanyn aıt­qan úmitker qalalyq más­lı­hattyń ótken shaqyry­lymynda óskemendik ınternasıonalıst-jaýyngerlerge emdeý-saýyqtyrý sharalary turǵysynan kóp kómek kórsetilgenin jetkizdi. Aıtalyq, Aýǵan soǵysynyń ardagerleri Astana men Almaty emhanalarynda emdelip, Vydrıha aýylyndaǵy Ýba shıpajaıynda densaýlyqtaryn túzep keledi. Uly Otan soǵysynyń ardagerleri men olarǵa teńestirilgen tulǵalardy áleýmettik qorǵaý týraly zań aıasynda 15 aqpan kúni 50 myń teńge kóleminde materıaldyq ótemaqy tólenýde. Sondaı-aq, sońǵy 8 jylda Aýǵan soǵysynyń ardagerlerine 60 myń teńge kóleminde kommýnaldyq qyzmet úshin jeńildik jasalyp otyr. 2015 jyly oblys ortalyǵyndaǵy mektepterde 40-tan astam erlik sabaǵy men 2 áskerı-patrıottyq oıyn ótkenin de aıta ketken lázim. Dýman ANASh, «Egemen Qazaqstan». О́SKEMEN.