Áriptestikke ázir

«Birlik» saıası partııasy men «G-Global» «Jasyl ekonomıka» jáne damý úshin» koalısııasy ókilderiniń kezdesýi ótti. Kezdesýde sóz alǵan «Birlik» partııasynyń múshesi Asqar Syzdyqov «Jasyl ekonomıka» tek qorshaǵan ortanyń taza, al adam densaýlyǵynyń myqty bolýy úshin ǵana mańyzdy emes ekenin jetkize kele bylaı dedi: «Bul bizdiń kásiporyndardaǵy, kommýnaldyq obektilerdegi, kólikterdegi jáne taǵy basqa shyǵyndarymyzdy birneshe esege azaıtýy múmkin. Demek, bul bir jaǵynan qarjyny únemdeý úshin de qajet. «Jasyl ekonomıka» álemniń jahandyq naryqtarynda bizdiń taýarlarymyz ben qyzmetterimizdi básekege qabiletti etedi». «G-Global» «Jasyl ekonomıka» jáne damý úshin» koalısııa­sy basqarmasynyń tóraıymy Saltanat Rahym­bekova óz sózinde «Jasyl eko­no­mıkanyń» ımıd­ji Qazaqstannyń álem jurtshylyǵy aldyn­daǵy ınvestısııalyq tartym­dyly­ǵyn arttyrýǵa yqpal etetinin aıtty. «Búginde damyǵan el­derdegi tulǵalar, saıasatkerler, iri bıznesmender, ǵalymdar, shyǵarmashyl azamattar «jasyl ekonomıkanyń» damýyna aıryqsha kóńil bóle bastady. «Jasyl ekonomıka» hımııa men bıologııa, mehanıka men sandyq tehnologııalar, matematıka men fızıka, robotty tehnıka men áleýmettik ǵylymdar salasyndaǵy kadrlarymyzdyń saýattylyǵyn arttyrýǵa qozǵaý salyp, túrtki bolady. Jaqyn bolashaqta mundaı kadrlar barynsha kóp suranysqa ıe bolmaq», – dedi ol óz sózinde. Al «Aqbota» qoǵamdyq bir­les­tiginiń tóraıymy Tatıana Nemsan «jasyl ekonomıkanyń» azamattardy sapaly azyq-túlikpen qamtamasyz etýge já­ne ony eksporttaý arqy­ly jaqsy kiris alýǵa múmkin­dik beretinin jetkizdi. «Eko­no­mıkalyq jaǵynan paıda ákelý maqsatynda kóptegen iri sheteldik kompanııanyń Qazaq­stannyń «jasyl ekonomıka­syna» barynsha nazar aýdarýǵa daıyn ekendiginiń ózi oǵan qosymsha tartymdylyq beredi. Qazaqstannyń bul salada az ǵana kúsh-jiger jumsap, aıtar­lyqtaı nátıjege qol jetkizýine múmkindigi bar», – dedi óz sózin­de ol. «Bizdiń partııamyzdyń ne­gizgi qaǵıdattarynyń biri – ekologııasy taza orta qa­lyp­­tastyrý. Taza ortany, tabı­ǵatty bolashaqqa amanattaý. Son­dyqtan, «G-Global» koalı­sııasymen birlese otyryp, elimizge «jasyl ekonomıkany» engizý boıynsha birlese jumys júrgizgimiz keledi. Máselen, búginde taza kókónis ónimderin ósirý, elektr energııasyn tıimdi paıdalaný, kómirdi 60 paıyzǵa deıin únemdeıtin tehnologııalardy, bıotehnologııalardy, tamshylatyp sýarý júıesin engizý boıynsha is-sharalar qolǵa alynyp jatyr. Biz osy arqyly Qazaqstannyń ekonomıkasyn damytýǵa múmkindik alamyz dep oılaımyn», – dedi «Birlik» saıası partııasy tóraǵasynyń orynbasary Tólegen Qýanyshev. Láıla EDILQYZY, «Egemen Qazaqstan».