Keleshegi kemel kelisimder

Oblys ákimi Erik Sultanov Astanada sheteldik dıplomatııalyq korpýs ókilderimen kezdesip, óńirge aýqymdy ınvestısııalyq qarjy tartý joldary jaıly oılarymen bólisti. Alqaly basqosýdy Syrtqy ister mınıstriniń keńesshisi Ánýar Qurjyqaev ashyp, Elbasy alǵa qoıǵan mindetterge sáıkes ekonomıka, ónerkásip, áleýmettik salalarǵa shetelderden qarjy quıýdyń áleýetin tıimdi paıdalaný mańyzdy mindet sanalatynyn jetkizdi. Erik Hamzauly 33 memle­ket­tiń dıplomatııalyq mıssııa jetek­shileri aldynda «Qazaqstan jańa jahandyq naqty ahýalda: ósim, reformalar, damý» Joldaýynda jańa ınvestısııalyq saıasattyń negizderi belgilengenin, Qazaq­stannyń aldaǵy mindetterine oraı ekonomıkaǵa jyl saıynǵy ınvestısııalardyń kólemin 10 mıllıard dollardan astamǵa ulǵaıtyp, 10 jyl ishinde kem degende 100 mıllıard dollarǵa jetkizý, ekonomıkalyq ósimniń mundaı qarqyny tek eksporttyq tabystar aǵynyn múmkin etetin jańa draıverler qalyptastyrý esebinen qamtamasyz etiletin talaby alǵa tartylǵanyn atap ótti. Barlyq ınvestısııalyq joba­lar­dyń tikeleı óńirlerde júzege asyrylatynyn eskersek, aı­maqta ınvestorlar tartý men ın­vestısııalyq ahýaldy jaqsartýǵa baǵyttalǵan sharalar belsen­di túrde júrgizilip keledi. Byl­tyr jalpy ınvestısııalar 154,5 mıllıard teńgeni qurap, ósim 28,3 paıyzǵa jetti. Astyq tasymaldaıtyn vagondar, plastıkalyq qubyrlar, munaı uńǵymalyq sorǵylar shyǵarý, basqa da óndiristik jobalar ıgerildi. О́nerkásip salasyndaǵy ósim qarqyny boıynsha res­pýblıkada altynshy oryndy ıelendi. QAZTEHMASh mashına qurylysy zaýytynyń turǵyzylýy oblys úshin úlken oqıǵa boldy. Kásiporyn jem-shóp daıyndaıtyn 59 tehnıka, SAMPO ASIA markaly 46 kombaın shyǵardy. Prezıdenttiń qatysýymen ótken telekópirde tez daıyndalatyn taǵamdar shyǵaratyn kásiporyn iske qosyldy. Sóıtip, óńir osy ónim túrlerimen ózin tolyq qamtamasyz etip, bir bóligi shetelderge jóneltiledi. Qazir ınvestısııalyq portfel mólsheri shamamen 200 mıllıard teńgeni quraıdy. 12 joba aıasynda shetel kompanııalary tartylǵan. Indýstrııalandyrý kartasy sheńberinde birinshi besjyldyqta 32 joba paıdalanýǵa berilip, 1400 jumys orny qurylsa, ekinshi besjyldyqta jobalar sany eki esege ulǵaıǵan. – Bizde munaı-gaz ken oryndarynyń joqtyǵyna qaramastan, tartymdy ınvestısııalyq ósim qarqynyn ilgeriletýdiń múmkindikteri zor. Investısııalyq tartymdylyq birinshi kezekte agrarlyq sektordyń úlesine, onyń ishinde óńdeý salasyna tıesili. Ekinshiden, paıdaly qazbalardyń 232 ken orny barlanyp, 48 kelisimshart jasaldy. Bul baǵytta álemge tanymal avstralııalyq «Ilıýko restars» kompanııasy berik yntymaqtasyp keledi. Oblys tústi metaldarǵa da baı. Bul rette sheteldik qarjygerler úshin preferensııalar qarastyrylǵan. Investısııalardyń úlken aǵyny Qytaı, Reseı, Avstralııa elderinen keledi dep kútilýde, – dedi E. Sultanov. Jıynda qytaılyq AILIU ónerkásip toby TOTAL Impex kompanııasymen birlesip, maıly jáne dándi daqyldardy tereń óńdeıtin ınvestısııalyq jobany qolǵa alǵany belgili boldy. Ol jylyna 80 myń tonna ósimdik maıyn, 200 myń tonna un, 200 myń tonna jem shyǵarýǵa qaýqarly. Reseıliktermen birigip salynyp jatqan bıogaz qondyrǵysynyń jobalyq quny – 1,1 mıllıard teńge. О́ndiris táýligine 9500 tekshe meter bıogaz ala otyryp, 40 tonnaǵa deıin shıkizatty qaıta óńdeı alady. BAQ ókilderine bergen suh­battarynda Shvesııanyń, Fın­lıandııanyń Qazaqstandaǵy tótenshe jáne ókiletti elshileri Hrıstıan Kamıll men Ilkka Raısanen Qazaqstan naryǵyna eksporttyq taýarlardy bel­sen­di engizýge Eýrazııalyq ekono­mıkalyq odaq qolaıly jaǵdaı ja­sap otyrǵanyn, bul oraıda, óz elderiniń ekonomıkalyq áleý­etterin tıimdi paıdalanýǵa jan-jaq­ty kúsh salatyndaryn, Qyzyl­jar óńirimen áriptestik baılanys nyǵaıyp kele jatqandaryn málimdedi. Shetel elshilerimen uıym­das­tyrylǵan kezdesýge Inves­tısııalar jáne damý mınıstrliginiń ınves­tısııalar komıtetiniń tóraǵasy Erlan Qaıy­rov, «Ata­meken» ulttyq kásipker­ler pa­latasy basqarma tóraǵasy­nyń oryn­basary Nurjan Áltaev qaty­syp, óz pikirlerin ortaǵa saldy. О́mir ESQALI, «Egemen Qazaqstan». Soltústik Qazaqstan oblysy.