Aýyldyqtar jumysy shıraq

Almatyda «Aýyl» partııasy jýrnalısterdi jınap, 2015 jylǵy qoǵamdyq qabyldaý jumystarynyń nátıjeleri týraly jarııalady. О́tken jyldyń qyrkúıek aıynda «Patrıottar» partııasymen birikken «Aýyl» halyqtyq-demokratııalyq patrıottyq partııasy sodan beri jumysyn shırata tústi. – Osyǵan oraı kez kelgen azamat ózin mazalaǵan máselesi men usynystaryn bizge kelip, suraqtaryna tolyqqandy jaýap alýǵa múmkindigi bar. Nemese bizge telefon arqyly da habarlasa alady. Odan bólek, partııanyń resmı saıtynda (www.auyl.kz) onlaın qoǵamdyq qabyldaý bó­limi bar. Oǵan da búgingi tańda turǵyndardyń ótinishi kóptep túsýde. Onyń ishinde bizdi qýantatyny – «Aýyl» partııasyn qoldap, bizdiń partııanyń qa­taryna qabyldaý týraly óti­nishter kóbeıýde. Aýyldyń áleý­mettik, ekonomıkalyq jaǵ­daıyn jaqsartý, jer resýrs­tary men aýyl sharýashylyǵyna arnalǵan jerlerdi tıimdi paıdalaný arqyly ekologııalyq taza ónim alý týraly jáne jeke máselelerge arnalǵan hattar da bar. Sonymen birge, jumysqa ornalastyrý týraly ótinishter men eńbek quqyqtarynyń buzylýyna qatysty aryz-shaǵymdar basym, – dedi brıfıngte «Aýyl» HDPP Almaty qalalyq fılıalynyń tóraǵasy Abdýlla Saparov. Sonymen, ótken jyldan beri Almaty qalasy boıynsha partııaǵa óz shaǵymdarymen 40-qa jýyq azamat kelgen. Onyń ishinde halyqtyń áleýmettik jaǵdaıy týraly, bızneske kómektesý, jumysqa ornalastyrý, páter alý úshin tizimge turýǵa, emdelýge kómektesý, dúkenderde satylyp jatqan taýar­lar sapasynyń tómendigi nemese qoldaný merziminiń ótip ketkeni týraly máseleler bar. Máselen, osy shaǵymdardyń ishinde partııanyń aralasýymen óner maıtalmany, zeınetker Márııam Qapesovanyń qystaǵy sýyqta úıdi jylytatyn peshiniń isten shyǵyp qalýy, nemese qonymdy baǵamen ekologııalyq taza ónimdi satyp otyrǵan otyz arendatordyń pavılondarynan orynsyz shyǵarylýy, sol sııaqty basqa da máseleler der kezinde sheshimin tapqan. Partııa «Jumyspen qam­tý-2020» baǵdarlamasynyń oryn­dalý barysyn qadaǵalaý maqsa­tynda da qoǵamdyq baqylaý ju­mys­taryn júrgizip otyrǵany aıtyl­dy. Bul mańyzdy mindetterdi tıimdi júzege asyrý úshin «Aýyl» partııasy ótken jyldyń 8 jel­toqsany kúni Qazaqstan Respýb­lıkasynyń Kásipodaqtar federasııasymen О́zara túsinistik jáne yntymaqtastyq týraly memorandýmdy bekitken. Bul qujat partııa baǵdarlamasyn júzege asyrýda jáne eńbek qarym-qatynastary salasynda qoǵamdyq baqylaý ornatý júıesin qurýda úlken mańyzǵa ıe. Aınash ESALI. «Egemen Qazaqstan». ALMATY.