Tranzıttik baılanystyń tyń baǵyttary

Saılaý-2016 Keshe Ortalyq saılaý komıssııasynda saılaý bıýlletenine saıası partııalardyń ataýlaryn retimen engizý maqsatynda jerebe tartý sharasy bolyp ótti. Qazaqstan Respýblıkasy Premer-Mınıstriniń birinshi orynbasary Baqytjan Saǵyntaev Bakýde Ázerbaıjan Respýblıkasynyń Premer-mınıstri Artýr Rası-Zademen kelissózder júrgizdi, dep habarlady Premer-Mınıstrdiń baspasóz qyzmeti. Taraptar ekijaqty saý­da-ekonomıkalyq qarym-qaty­nas­tardy, sondaı-aq, birlesken jobalardy júzege asyrý jaǵdaıyn talqylady. Baqytjan Saǵyntaev pen Ar­týr Rası-Zade Qytaıdyń, Oń­tústik-Shyǵys Azııa, Ortalyq Azııa, Kavkaz jáne Eýropa elderi­niń kólik kompanııalaryn tartý jo­lymen jobaǵa qatysýshylar geo­grafııasyn ulǵaıtý ony tabysty júzege asyrýdyń kepili bola­tynyn atap kórsete otyryp, Transkaspıı halyqaralyq kó­lik baǵytyn damytýdyń mańyz­dylyǵyna nazar aýdardy. Qazaqstannyń birinshi vıse-premeri Kaspıı teńizin­degi qazaqstandyq jáne ázer­baı­jandyq porttar arasyndaǵy ózara yqpaldastyqtyń belsendiligin arttyrýdy usyndy. Onyń piki­rinshe, ol júkterdi óńdeý ýaqytyn odan ári qysqartýǵa jaǵdaı jasap, klıentter úshin qosymsha múmkindikter týǵyzatyn bolady. Baqytjan Saǵyntaev, sondaı-aq, Ázerbaıjan Premer-mınıs­tri­niń birinshi orynbasary Iаgýb Eııýbovpen de kelissóz­der júrgizdi. Onyń barysynda óner­kásiptik áriptestik, kólik tranzıti salasyndaǵy yntymaqtastyqty nyǵaıtý máseleleri talqylandy. Onyń syrtynda Baqytjan Sa­ǵyntaev Alııat kentindegi jáne Baký qalasyndaǵy teńiz port­tary­nyń jumysymen tanysty.