Ońtústikte kásipkerlik mektebi kómek beredi

ShYMKENT. 17 aqpan. Kásipkerlik mektebi óz bıznesin ashamyn degen azamattarǵa mol múmkindik usynady. Bul týraly egemen.kz tilshisi habarlady. Mektepte kásipkerlik negizderi, taqyryptyq semınar-trenıngter oqý kýrstaryn ótkizip jáne óndiristik nemese sharýa qojalyq aımaqtarynda tájirıbelik master-klasstar uıymdastyrady. Jalpy oqý merzimi 10 kún, onyń 2 kúni tájirıbelik master-klasstar. Sonymen qatar, kásipkerlik salasynda oqý kýrsyn sátti aıaqtaǵandarǵa kásipkerlik negizderi boıynsha oqý-ádistemelik nusqaýlyqtar, Kásipkerlik mektebiniń túlekterine orys jáne memlekettik tilderinde avtorlyq «Sharýa jolserigi» tehnologııalar jıyntyǵy kitaby men «Kishi bızneske 100 ıdeıa» atty bıznes-josparlar jıyntyqtary beriledi. Sondaı-aq, oqý kýrsyn aıaqtaǵanyn rastaıtyn sertıfıkat tapsyrylady. Atalǵan Kásipkerlik mektebiniń sertıfıkaty, «Yrys» MFU -nan tómen paıyzdy mıkronesıe alýlaryna tolyq múmkindik beredi. Bıylǵy  jyldyń basynan oqý kýrsyn ótýge oblys boıynsha 500 – den astam adam ótinish tapsyrǵan bolsa, 8 aqpannan bastap 230 adam oqýdy bastap ketken. Baqtııar Taıjan. Derek, sýret: egemen.kz