Balalar qýanatyn boldy

Almaty qalasynyń tilderdi damytý basqarmasy QR Tilderdi qoldaný men damytýdyń 2001-2010 jyldarǵa arnalǵan memlekettik baǵdarlamasy boıynsha 2010 jyly shyǵarylǵan baspa jáne elektrondy ónimderdiń tusaýkeserin ótkizdi. Shara bary­syn­da jurtshylyq bıylǵy jyly jaryq kórgen balalarǵa ar­nalǵan aýdıokitaptarmen, anımasııalyq fılmdermen, resmı is qa­ǵazdarynyń memlekettik tildegi úlgilerimen, elektrondy nus­qalarymen, salalar boıynsha termındik sózdiktermen, tildeskishtermen tanysty. – Bul aýdıokitaptar mektep oqýshylarynyń suranysyn qa­naǵat­tandyrý maqsatynda jaryq kórip otyr. Respýblıkada tuńǵysh ret 3D-formatyndaǵy grafı­ka­lyq tásilmen jasalǵan anıma­sııa­lyq mýltfılmniń basty ereksheligi – onyń ulttyq qundy­lyq­tardy nasıhattaýynda. Sońǵy zamanaýı tehnıkalyq quraldardyń múmkinshiligimen jasalǵan mýlt­fılmniń búldirshinderge memlekettik tildi úıretýde, til ustar­týda yqpaly aıryqsha bolmaq», – dep atap ótti qalalyq Tilderdi damytý basqarmasynyń bastyǵy Ahetov Mamaı. Onyń aıtýynsha, erteńnen bastap atalmysh kitaptar qalanyń barlyq kitap­hanalary men balabaqshalaryna tegin taratylatyn bolady. Jıyn barysynda Almaty qalasy Tilderdi damytý bas­qarmasynyń tapsyrysymen ja­sal­ǵan árqaısysy 16 saǵattyq «Asyl sóz», «Shákirtterge shashý» atty qazaq ádebıetiniń úzdik úlgi­lerinen quralǵan aýdıokitaptar da tanystyryldy. Tusaý­ke­serde sonymen qatar, kásibı salalar boıynsha jaryq kórgen termındik sózdikter men tildeskishter, is qujattarynyń úlgileri engizilgen kitaptar, sondaı-aq 30 serııadan turatyn «Aldar Kóseniń kóńildi oqıǵalary» atty anımasııalyq mýltfılm de kópshilik na­za­ry­na usynyldy. «Tárbıelik máni zor bul týyn­dylar jetkinshekter zerdesin damytyp, sóıleý mádenıetin qa­lyp­­tastyrýǵa yqpal eteri sózsiz», – deıdi Almaty qalasy ákimdigi Ishki saıasat basqar­ma­synyń bastyǵy Kenjehan Maty­janov. Onyń aıtýynsha, kásibı salalar boıynsha jaryq kórgen termındik sózdikter men tildeskishter, is qujattarynyń úlgileri mem­lekettik mekemeler men uıym­darǵa ádistemelik kómek retinde berilmek. Gúlzeınep SÁDIRQYZY.