Ǵalymdar qaterli isiktiń emdeý jolyn tapty

Vashıngton qalasynda ótken Amerıka birlesken ǵylym­dy damytý assosıasııasynda ǵa­lymdardan quralǵan zert­teýshi top qaterli isiktiń jańasha emdeý jolyn tanystyrdy. Onkologııalyq zertteý or­talyǵynyń dárigeri Stenlı Rıd­deldiń aıtýynsha, adam aǵ­zasynda genetıkalyq ózge­ris­terge ushyrap, qaterli dertti jeńe biletin T-lımfosıti bolady. Mine, sondyqtan da naý­qas óz dertimen kúrese bilse, atalǵan jasýshalar aǵzadaǵy isik paıda bolǵan jasýshalardy joıyp jiberedi. – Naýqasty dertinen aıyq­tyratyn jańa jol gendegi jasýshalar bıosıntezdik súzgiden ótkende, aǵzadaǵy onkologııalyq isik ózdiginen joıylady. Ol úshin naýqas óz ómirimen kúresýi kerek degendi usynamyn, – dedi dáriger. Aıta keteıik, Rıddeldiń toby uzaq zertteý júrgizý bary­synda jańashyl emniń nátı­jesinde naýqastyń aǵzasyndaǵy qaterli isiktiń 94 paıyzy joıy­lyp ketken. Sondaı-aq, qa­ra­lýshylardyń 80 paıyzyna jaqsy degen qorytyndy shyǵarylǵan. – Meniń paıymdaýymsha, jańashyl terapııany qabyldap, óz dertimen kúresken naýqastyń ómiri aıtarlyqtaı uzarady. Ol úshin 4-5 aı merzimde klınıkalyq synaqtan ótip, dárigerdiń emin alýy kerek, – dedi Rıddel. Sondaı-aq, ol medısınalyq terapııada naýqas T-lımfosıtin qabyldap, ishki túısigine isik jasýshalary joıylady, dertime em bolady degen oıdy sińirýi tıis. Sonda adam aǵzasy úlken ózgeriske ushyrap, qaterli dertten aıyǵady, dedi. Mılan qalasyndaǵy synaq klınıkalarynyń birinde 10 naýqas jilik maıyna transplantasııa jasatý úshin ımmý­nıtetti kúsheıtetin em retinde T-lımfosıtin qosqan. Al aǵ­zadaǵy atalǵan jasýsha 14 jyl boıy óziniń kúshin joımaı ke­ledi. Qoryta kelgende, bul ge­ne­tıkalyq ımmýnıtetti arttyratyn jasýshalar onko­logııalyq dertti jeńýge qaýqarly ekenin medısınada dáleldedi. Ǵalymdar dástúrli hımııa­terapııanyń ornyn jańashyl T-lımfosıti bolashaqta almas­tyrady dep úmittenedi. Tórebek TURMANOV.