Otandy súıý sýret arqyly beınelenedi

«Men Qazaqstandy súıemin». Osydaı taqyryp aıasynda «Aq jol» demokratııalyq partııasy el Táýelsizdiginiń 25 jyl­dyǵyna oraı sýretter baıqaýyn jarııalady. «Aq jol» QDP Ortalyq keńesiniń hatshysy Ábdirazaq Sultanov jańa jobanyń tusaý­keserinde atalǵan baıqaýdyń mán-mańyzyna toqtaldy. – «Aq jol» partııasy búgin­nen bastap el Táýelsizdigine 25 jyl tolýyna oraı «Men Qa­zaqstandy súıemin» atty sýret baıqaýyn jarııalaıdy. Baı­qaýǵa qatysýshylarǵa jas jaǵynan shekteý qoıylmaıdy: mektep oqýshysynan bas­tap egde jastaǵylarǵa deıin qa­tysýlaryna múmkindigi bar. Oǵan qosa, baıqaýda fotosýret salasynda ǵana emes, sondaı-aq, qylqalamǵa áýes jandardyń da baqtaryn synaýlaryna bolady. Iаǵnı, sýret óneriniń ár­qıly janrdaǵy shyǵarmalary qabyldanady, – dedi ol. Ábdirazaq Kenjekbekulynyń aıtýynsha, baıqaý el Táýel­sizdiginiń mereıtoıyna arna­lyp otyrǵanymen, ta­qy­ryp­tyq turǵydan erkin shyǵar­ma­shylyqty kózdeıdi. Baıqaýǵa qatysýshy árbir talapker óz týyndysynda Otanyn, memleketin, elin ardaqtaýdy qaı turǵyda beıneleıdi, qandaı uǵymdarmen baılanystyrady, qalaı jetkizýge tyrysady – munyń bári olardyń shyǵarmashylyq oı-qııalyna baryp tireledi. Iаǵnı, shy­ǵarmashylyq shabyt erkin eldi qalaı ardaqtaıtyndyǵymen astarlasady degen sóz. Qysqasy, árbir talapkerdiń týyndysy Otan­dy súıý shyǵarmashylyq turǵydan qanshalyqty sátti, tabysty beınelegendigimen baǵa­lanady. Ony bilikti mamandardan qurylǵan arnaıy komıssııa qarap, úzdik sýretterdi irikteıdi. Baıqaý bir aıǵa sozylyp, onyń qorytyndysy 18 naýryzda shy­ǵarylady. Baıqaý barysynda iriktelip alynǵan úzdik sýretter saılaý kezindegi partııanyń ımıdjdik ónimderinde paıdalanylatyn bolady. «Egemen-aqparat».