Brıýsseldegi kólik keptilisine tyshqandar kináli bolyp shyqty

ASTANA. 18 aqpan. Brıýssel sheneýnikteri kólik keptilisine tyshqandardy kinálap otyr. Bul týraly lenta.ru aqparat agenttigine silteme jasaǵan egemen.kz tilshisi habarlady. Belgııa astanasy – Brıýssel qalasynyń bıligi kóshedegi kólik keptelisine ash tyshqandardy kináli dep sanaıdy. Olardyń aıtýynsha, Eýropalyq odaqtyń astanasy atalyp ketken qala magıstraldaryn qaıta jóndeý jónindegi qalalyq jospardy kemirgishter jep qoıǵan. Bul týraly 17 aqpan kúni qalalyq parlament otyrysynda belgili boldy. Brıýssel joldaryndaǵy kólik sanyn azaıtýdy kózdeıtin qaǵaz syzbalar kópirlerdiń birindegi qabyrǵa arasynda saqtalyp kelgen. Depýtattarǵa kósheler qıylysy josparynyń joqtyǵyn Brıýssel ınfraqurylym basqarmasynyń burynǵy basshysy: «Syzbalardy tyshqandar kemirip tastaǵan bolýy kerek», – dep túsindirgen. Reuters agenttiginiń habarlaýynsha, NATO-nyń shtab-páteri men Eýropalyq odaqtyń basty ınstıtýttary ornalasqan bul qalada kólik keptelisi máselesi eń kóp talqylanatyn taqyryptardyń biri. Syzbanusqanyń joǵalyp ketýi bul ózekti máseleni sheshýdi birneshe jylǵa keıinge qaldyrýy múmkin. Keıbir baǵalaýlarǵa qaraǵanda, qala kóshelerin qaıta qurýǵa shamamen 1 mlrd. eýro qajet eken. Elaman Qońyr. Derek: lenta.ru. Sýret: AFP.