Astanadaǵy ınternet aksııa

«25 jyl: Bir El. Bir Taǵdyr» dep ataldy El Táýelsizdiginiń 25 jyl­­dy­ǵyna oraı uıymdas­tyrylǵan aksııa osylaı atalyp, oǵan elimizdegi barlyq jastar belsendilik tanytty. «QazMedıa» ortalyǵynda ótki­zilgen sharada respýblı­kamyzdaǵy barlyq áleýmet­tik jelini paıdalanýshylar 25.el.kz arnaıy servısiniń kómegimen bir mezette ózderi­niń sýretterin ulttyq na­qysh­taǵy oıý-órnektermen bezendirýge qol jetkizdi. Sondaı-aq, aksııada elimiz­diń ár óńirindegi jastar men «Bolashaq» baǵdarlamasy arqyly shetelderde bilim alyp jatqan stýdentter beınekonferensııa baılanys júıesi arqyly óz ti­lekterin bildirdi. Atap aıtqan­da, Máskeý, Shanhaı, London, Va­shıngton qalalarynda bilim nárimen sýsyndap júrgen bel­sendi jastar baılanysqa shyǵyp, Qazaqstannyń qaryshtap damýyn, bilim, óner, mádenıet, ekonomıka salalarynda jetken jetistikterin maq­tanyshpen jetkizip, Táýel­sizdiktiń 25 jyl­dy­ǵymen barsha qazaqstandyqtardy quttyqtady. Mu­nan keıin jal­pyulttyq aksııa­ǵa arnaıy kelgen tanymal ánshiler men kıno salasynda qanat qaǵyp júrgen talantty ártister sóz alyp, jastardy belsendilikke, otan­súıgishtikke shaqyrdy. – Jastar – elimizdiń bo­la­shaǵy. Búginde memleket tara­py­nan bilim alamyn degen jasqa barlyq jaǵdaı jasalǵan. Qa­zaq­­stan kún sanap qaryshtap damyp, ekonomıkalyq turǵyda ilgeri­lep keledi. Biz elimiz ben Elba­symyzǵa tirek bolamyz. Biz eli­mizdiń erteńgi ıesi bolamyz. Táý­elsizdiktiń 25 jyldyǵy qutty bolsyn! Barshańyzdy Qazaq­standy qadirleýge, súıýge shaqy­ramyn, – dedi kınoakter Ádil Ahmetov. Sonymen qatar, ánshi Mar­jan Arapbaeva da aksııaǵa qaty­sýshylardy patrıot bolýǵa úndep, aq tilegin bildirdi. Jalpy, sharaǵa 300-den astam stýdent pen óner adamdary jáne shyǵarmashylyq uıymdar ókilderi qatysty. Bir aıta keterligi, jal­pyulttyq aksııa bastalǵan sát­te 30 myńnan asa áleýmettik jelilerdi paıdalanýshylar je­ke paraqshalaryn jańartqan. Bul uıymdastyrýshylardyń 20 myń adam jeke paraqshalaryn jańa­laıdy degen josparynan asyp tústi. О́skeleń urpaqtyń ómirine iz salyp, boıyna elin, jerin, hal­qyn súıýdi sińiretin hám egemen elimiz Táýelsizdiginiń 25 jyldyǵyn nasıhattaıtyn bul sharanyń ne­giz­gi máni bir elde ómir súrgen ha­lyqtyń taǵdyry bir degenge saıady. Al shara sońynda jas­tardyń rýhyn kóterip, jigerin ja­nıtyn «Qazaq eli osyndaı» áni shyrqaldy. Talǵat RAIYMBEK, «Egemen Qazaqstan». Sýretti túsirgen