Belarýs Qazaqstan tájirıbesine zer saldy

Belarýs respýblıkasy Prezıdenti janyndaǵy akademııada Astanadaǵy memlekettik qyzmet salasyndaǵy óńirlik hab basqarýshy komıteti tóraǵasy Álıhan Baımenov Qazaqstandaǵy memlekettik qyzmet júıesin reformalaý týraly dáris oqydy. Á. Baımenov Qazaqstan memle­kettik qyzmet salasynda ótken reformalardyń basty kezeńderine toqtala otyryp, «100 naqty qadam» Ult Josparynyń aıasynda osy salada júzege asyp jatqan shara­larmen tanystyrdy. Ol memle­kettiń damýyna serpin beretin, onyń ishinde memlekettik qyzmette laıyqty mamandardyń iriktelýine, olardyń merıtokratııa qaǵıdatyna saı ilgerilýine jol ashatyn bas­qa­rýshylyq sheshimderdiń mańyz­dylyǵyn atap ótti. Sondaı-aq, memlekettik basqarý salasyndaǵy menedjment jáne ákimshilik rásimder máse­le­leri qaraldy. Akademııa tyńdaýshylary Qa­zaq­standaǵy memlekettik qyz­met­kerlerdi irikteý mehanızm­deri, memlekettik apparatta sy­baılas jemqorlyqqa qarsy saıa­satty qoldaný, sybaılas jem­qorlyq áreketterdiń aldyn alý boıynsha ýákil ınstıtýtyn engizý bastamalaryna qyzy­ǵý­shylyq tanytty. Belarýs Respýblıkasyndaǵy BUU Damý baǵdarlamasy uıym­dastyrǵan sapar barysynda Álı­han Baımenov BUU DB turaqty ókili Sanaka Samarasınhamen kezdesti. Sonymen birge Belarýs Respýblıkasynyń birqatar mem­lekettik oryndarynyń jetek­shi­lerimen kezdesý ótkizilip, olar Qazaqstannyń memlekettik qyz­met salasyndaǵy tájirıbesine aıryq­sha qyzyǵýshylyq tanytyp, memle­kettiń osy saladaǵy tabysy men óńirlik habtyń bilim men táji­rıbe almasýdyń halyqaralyq tuǵyr­namasy retindegi joǵary áleýetin atap ótti. Qazirgi tańda Astana habyna Ekonomıkalyq ynty­maqtastyq jáne damý uıy­my, TMD, Ortalyq Azııa jáne ASEAN memleketterin qamtı­tyn 32 qatysýshy memleket pen 5 halyqaralyq uıym kiredi. Astanadaǵy Memlekettik qyz­met salasyndaǵy óńirlik hab aımaq­taǵy elder memlekettik qyzmet boıynsha úzdiksiz tájirıbe men bilim almasýy úshin ınstıtýttyq negiz retinde qurylǵan. Rýslan IGILIK.