Ázerbaıjan elshisimen kezdesti

Keshe Qazaqstan Respýblıkasy Ortalyq saılaý komıssııasynyń tóraǵasy Q.Turǵanqulov Ázerbaıjan Respýblıkasynyń Qazaqstandaǵy Tótenshe jáne ókiletti elshisi R.Mammadovpen kezdesti. Ortsaılaýkom basshysy Mam­madovty 2016 jylǵy 25 qańtarda Qazaqstan Respýblıkasyndaǵy Ázerbaıjan Respýblıkasynyń elshisi qyzmetine kiriskenimen qut­tyqtady jáne ony Parla­ment Májilisiniń jáne máslı­hat­tarynyń depýtattaryn saılaý jónindegi saılaý naýqanynyń barysymen tanystyrdy. «20 aqpannan partııalyq tizimderi tirkelgen alty saıası partııa úshin elektorattyq naýqannyń negizgi kezeń­deriniń biri – saılaýaldy úgit basta­lady. Sondaı-aq, 20 aqpannan Qazaq­stan halqy Assambleıasy saılaıtyn Qazaqstan Respýblıkasy Parlamenti Májilisiniń depý­tat­tyǵyna kandıdattardy usyný da bastalady», – dedi Q. Turǵanqulov. Ortsaılaýkom múshesi T. Oh­lop­kova kezdesýge qatysýshylardy Qazaqstan halqy Assambleıasynan saılanatyn Parlament Má­ji­lisiniń 9 depýtatyn saılaýdyń erekshelikterimen tanystyrdy. Al R. Mammadov Qazaqstan men Ázerbaıjandy tabysty yntymaqtastyq baılanystyratynyn, onyń ishinde bizdiń elderdegi saılaý úderisin baıqaýdy uıymdastyrýdaǵy tájirıbe almasýdyń mańyzdylyǵyna nazar aýdardy. Sonymen birge, ol dıplomatııalyq korpýstyń aǵymdaǵy parlamenttik saılaýǵa monıtorıng júrgizýge halyqaralyq baıqaýshylar retinde qatysatyny týraly aqparattandyrdy jáne Qazaqstan Respýblıkasynda saılaý ádette demokratııalyq jaǵdaıda ótetinin atap ótti. Álısultan QULANBAI, «Egemen Qazaqstan».